DNEA-TOMAK HALO REVIZAUN MANUÁL ESTENSAUN AGRÍKOLA

Avaliação do Usuário

Estrela ativaEstrela ativaEstrela ativaEstrela ativaEstrela inativa
 

Fotografia/Reno/INFO-MAP

Viqueque - Ministériu Agríkultura e Peskas, liu hosi Diresaun Nasionál Estensaun Agríkola servisu hamutuk ho Parseiru Dezenvolvimentu   (TOMAK)  Halo  Workshop  Kona-bá Revizaun Manual Estensaun  iha Munisípiu Viqueque  ho  Objetivu atu  hadia mekanismu Akumula Sujestaun hosi Entidade hotu hodi bele halo remodelasaun  ba Manual Estensaun tuir Mudansa Politika ne’ebe mak oras ne’e vigora.

Iha Serimonia revizasaun Manual ne’e Diretór Servisu Agrikultura Munsípiu Viqueque Carlos Pinto hatete, Manual estensaun ne’e lao kleur ona, kuaze tinan sanulu resin ida ona, ita haree situasaun mudansa politika barak ona maibe manual ne’e nafatin, ita presija duni haree fila fali para depois ita lao tuir politika ne’eb’e mak agora vigor hela.

Ha’u hanoin kolega estensionista sira hatene liu ida ne’e oinsa maka implementa iha Kampo no nia kondisaun ho manual ne’e lao oinsa no durante halo implementasaun sira ne’e ita boot sira mak hatene momos kona-bá ida ne’e,” dehan Diretór Carlos iha sorumutu Revizasaun manuel ne’ebé hala’o iha Edifisiu MAP Viqueque  Kinta Feira, 7 Jullu 2022.

Neduni Dekreitu Lei sira ne’e iha mudansa, tanba ita muda ba iha Ministériu Administrasaun Estatal (MAE) no Dekreitu Lei númeru 54 nemak ita implementa agora.

“Agradese ba Parseiru sira hotu no parseiru Dezenvolvimentu TOMAK bele hala’o programa ida ne’e ho DNEA, ami hein katak, informasaun sira ne’ebe ami hanoin ne’e balu bele tama iha Manual Estensaun ida ne’e,”

Iha Diskursu Eis Diretór Amaro Ximenes esplika, Estensaun ne’e importante tebes iha Timor-Leste  tanba iha Nasaun seluk hanesan, Tailandia, Vietnam, Brazil, Australia no Indonezia ne’e impotante. Tanba Extensaun  nia funsaun lolos  mak lori agrikultór sira hosi lahatene hodi hatene no hosi lahakarak hodi hakarak objetivu mak atu hasa’e produtividade kuandu produtividade sae automatikamente afeita ba produsaun anivél nasionál.

Fotografia/Reno/INFO-MAP

Neduni Sorumutu ne’e atu halo mudansa revisaun ba dokumentus tolu maka politika Estensaun, mstratejia estensaun nomós manual estensaun, liuliu ba pontu prinsipál 6 ne’ebe mak aneksu iha dokumentu refere hanesan, jestaun estensaun, prakondisaun estensaun nomós  Planeamentu e Monitorizasaun Etensaun, konteudu pakote de estensaun, abordajen de estensaun, desenvolvimentu estensaun,  ida ne’e mak sai save ba desenvolvimentu, tanba iha ona  mudansa  politika nomós mudansa estrutura.

“Manual ne’e maka sai hanesan savi no sai hanesan matadalan ita atu hakat ba servisu tomak estensaun ninian, Estensinista sira sei hatene didiak kna’ar hosi Dokumentus tolu ne’e mak kna’ar importante estensaun ne’e maka atu lori agrikultór sira hosi la hatene bele hatene, no hosi la hakarak bele hakarak, ho objetivu maka atu hasa’e produtividade,” Esplika Ex Diretór Amaro

Iha fatin hanesan, Project Manager Tomak, Modesto Lopes haktuir, revizaun manual estensaun agrikola nasionál haree ba dezafius  no oportunidade, nomós mundansa ne’ebe akontese, tanba ne’e DNEA hato’o  pedidu mai Ajensia Tomak hodi halo revizaun ba dokumentus antigu kona-ba manual esstensaun nian iha tinan sanulu resin ida ona.

Neduni kona-ba estrategia, no politíka estensaun hamutuk hodi akumula ita nia ideia sira ne’e no aprezenta hodi haree ninia impaktu saida mak iha, liu hosi ita boot sira nia rekomendasaun.  Ekipa  sei foku liu ba manual estensaun hanesan dokumentus operasionál ba extensionista sira hodi lao tuir padraun ou matadalan ne’ebe mak ministériu iha.

Papel Tomak ( Tos ba Moris Diak) nian mak atu haree kona-ba apoiu logistikamente no finanseiru nian, nomos envolve konsultan hodi bele ajuda elabora no akumula ideias hotu hodi hatur didiak estrutura tuir padraun Ministériu nian nomós atu organiza entidades relevantes hotu hodi halo koperasaun ho ministériu tantu nasionál ho Munisipíu atu bele envolve partisipantes relevantes sira ne’ebe mak iha koñesimentu  adekuadu ba dokumtus ida ne’e, hodi nune’e karik iha sorumutu sira hanesan ne’e bele kontribui ideias ne’ebe mak pertenente,” salienta Project Manager Tomak, Modesto

Nia hatutak Agencia Tomak prontu kontinua atu apoiu parte lojistika nian oinsa bele di’ak liu tan. Ita haree katak iha obstaklu no dezafiu barak ita hasoru maibe espera katak liu hosi ita nia konsultasaun sira ne’e no rekomendasaun ita bele tau hamutuk no aprezenta  diak liu tan iha futuru.

Workshop ne’e hetan partisipasaun masimu hosi Diretór MAP Munisípiu, Senior Estensionista, Koordenadór Estensionista, Estensionista no Parseru Dezenvolvimentu. ADRA, UNDP, CRC, ADB inklui mos FAO (Food Agricultura Organization). Reno

 

 

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login