Notisia

MAP Koilleta Haré Jéral Ba Area Kultivu Ektares 70 iha Laivai

Estrela inativaEstrela inativaEstrela inativaEstrela inativaEstrela inativa
 

 Fotografia/Canisio/INFO-MAP

Laútem-Ministériu Agríkultura no Pescas (MAP) Liu Hosi Diresaun Jéral Agríkultura no Diresaun Nasionál Hortikultura Koilleta Haré Jéral ba Area Kultivu 70 ne’ebé Uza Pratika Agrikultura di’ak (PAD), iha suco Laivai Postu Administrativu Laútem ho Objetivu atu hasa’e produsaun no mós hadia kresimentu ekonomia iha Rai Laran.

Iha koilleta haré Jéral ektare 70 ne’e,  Diretóra Jéral Agrikultura MAP,  Maria Odete do Ceú Guterres esplika, objetivu halo lansamentu Koilleta haré Jéral ne'e atu fó motivasaun agrikultór sira, tanba MAP, mantein nia politika hasa’e produtividade ba ai-han Agrikultura ninian. tanba area ida ne'e nia potensial bo'ot tebes iha rai ektares atus rua, 200 maibe koilleta ne'e representa 70-80 ektares ba iha haré ne’ebé mak kuda.

“Problema ne’ebé komunidade sira preokupa mak irrigasaun ho nune’e governu rasik liu hosi fundus infra strutura iha ona hanoin atu halo estudu, nune’e tinan oin bele rekomenda hodi hatama iha Orsementu Jeral Estadu OJE,” dehan Diretóra Jéral ne’e, iha serimonia koilleta haré Jéral iha loron kinta feira, 30/06/2022 iha suku Laivai postu administrativu Laútem

Neduni to'o agora ita bele responde ba konsumu nasionál ne'ebé mak 131 mill e 77 Toneladas por ano, ita presiza fó ba ita nia Komunidade 1.5 milhoes habitantes, maibé iha 2021 ita atinje de’it 72 mill toneladas fos, ita nia produsaun ba 2022 86 mill toneladas, maibé ita populasaun Timor ita iha batar, haré, no ai-han seluk ne'ebé iha atu bele komplementa ita nia Timorense.

Fotografia/Canisio/INFO-MAP

“Governu iha papel laos atu hasa’e de’it, produsaun haré, produsaun batar, no mós produtus hanesan Fehuk, Talas, ai-farina, no legumes, forerai, forekeli, foremungu, no mós haré posibilidade atu hasa’e produsaun ortikultura hanesan modo, tomate. Maibé Governu iha papel politika  ba implementasaun sesta bazica 75% tenki ho produtu lokál nune’e mós  merenda eskolar ho konsumu nasionál Timor-Leste nian”, Tenik Diretora Jéral ne’e

Neduni Produsaun ne’ebé mak agrikultór sira produs, MAP sei koordena ho Ministériu Coordenadór Asuntu Ekonomia  (MCAE) , CLN hodi sosa produtu lokál sira ne’e.

Iha fatin hanesan Sekretariu Veteranos Munisípiu Laútem Jacinto da Costa, sente kontente tebes ho povu agrikultór sira ne'ebé servisu no hatudu resultadu ne'ebé mak di’ak tebes. Governu iha responsabilidade tomak suporta nafatin komunidade agrikultór ne'ebe mak halo produsaun ho siknifika katak, lahusik abondona natar sira iha ne’e no komunidade agrikultór sira nia produsaun sei la para.

Nune'e mos Luis da Costa Guterres Nu’udar natar nain hatete, problema ne’ebé sira hasoru liu-liu mak irrigasaun tanba tinan-tinan sempre udan mota tun irrigasaun ne'e taka.

“Ami iha vontade tomak hodi servisu, maibé Problema durante hasoru ne’e mak irigasaun, ami hato'o ona ba MAP Nasional no Munisípiu  atu ba oin bele atende ami nia necesidade ne’ebé ami hasoru iha  baze,” Dehan natar nain ne’e

Partisipa iha serimonia Koilleta haré Jéral ne’e mai hosi, Diretór Jéral ho Ekipa MAP, Sekretariu Veteranos Munisípiu Laútem Jacinto da Costa, Autoridade Lokál no Komunidade iha suku refere. Eby Magno

VISITA IHA KANAL YOUTUBE (MAP-NEWS)

https://youtu.be/qlNzAjTqn34

 

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login