Atabae -Ministério Agríkultura e Peskas Liu hosi Diresaun Jerál Pekuaria e Veterinaria  lansa  fundus transferensia Públiku  ba hakiak nain sira ho objetivu  fó apoiu ba grupu hakiak animal hanesan karau, atu bele hadia produsaun animal iha  rai laran. Atividade ne'e hala’o iha loron kinta 14/06/2022 iha Aldeia Fatubesi Suku Atabae Munisipiu Bobonaro.

Iha entrevista,  Ministrus Pedro dos Reis ba Jornalista sira katak, ohin lansa simbolikamente fundus transferensia publiku  Peskas ne'e iha Aldeia fatubesi suku Atabae Munispiu Maliana sai hanesan  programa iha Munisipiu sanulu-resin rua  inklui mos rejiaun espesial RAEOA.

Apoiu ne’e ita fó  basiea ba proposta grupu sira nian tanba proposta ne'e barak liu mai  husi grupu hamutuk atus rua resin ita nia fundus transferesia publika hosi Diresaun Pekuaria e Veterinaria iha 100 de’it ho ida ne'e mak ami jere oinsa bele halo atendimentu ba proposta sira ne'ebe mak  grupu hatama. Atividade  tanba laos ba karau deit  maibe iha mós fahi, manu, bibi.

Ministru afirma, Ministério Agrikultura e Peskas liu hosi Diresaun Pekuaria e Veterinaria ita Ministerio tekniku iha Diresaun Jerál, Diresaun Nasionál to'o ita nia estensionista no ita nia ajente Pekuaria sira iha tereino, ita nia fundus ne'e bele ki’ik maibe ita tenki servisu hamutuk no kolabora ho grupu hakiak nain sira karik iha failansu ruma ita tenki fo informasaun ba malu hodi ita bele halo atendimentu  animál moras para ita bele garantia ninia susesu ou sustentabilidade ba futuru atu nune'e bele motiva nafatin ba maluk sira ne'ebe iha hanoin no  vontade para bele asesu hodi bele halo sira nia proposta haruka ba Ministerio Agrikultura e Pescas e mesmo tempo kuandu susesu ona bele atrai mos ita nia Diresaun teknik sira katak sira iha vontade atu hakiak ba futuru.

Governante ne'e hatutan, Nain mak sira ne'ebé mak hetan oportunidade ne'e, halo ofisial lansamentu ne'e sai hanesan pilotu atu nune'e bele konvense ita nia ukun nain sira para tau nafatin planu ba futuru, tanba ita nia Sua.Ex Primeiro Ministru Jeneral Taur Matan Ruak orienta ona katak, orsamentu transferesia publiku ne'e sei halo bo'ot liu tan ba futuru tanba ida ne'e maka direita ba povo nia moris.

Iha fatin hanesan Xefe Suku Atabae Paulino Malibere esplika , nu'udar autoridade lokál nia apresia tebes ho prezensa MAP nian liga ba programa transferensia publiku ne'ebé maka agora lansa ona grupu 6 no hatudu realidade katak grupu 6 ne'e nia atividade liu hosi transferesia publiku e transfer uluk ona 40% ba grupu 5 mak eziste iha suku ne'e agora iha ona no grupu ida maka agora dadaun ita lansa ne'e maka hetan ona %100.

“Ami sente orgulho tebes no agradese ba MAP, tanba iha planu ida maka foun atu fo apoiu no benefisia ami nia komunidade sira ne'ebé maka inklui iha grupu refere, nu'udar autoridade lokál prontu kolabora depois halo monitorizasaun ba transferesia publiku ne'ebé mak koloka ba grupu sira ne'e hau tenki iha responsabilidade masimu no akompana nafatin atu nune'e grupu refere bele iha resultadu maka diak”. Tenik xefe Suku Paulino

 Neduni rekomendasaun liga ba suku Atabae grupu 5 no ida husi Suku Hatas nian maka atu transfer orsamentu 60% maka seidauk, ami husu ba Minstru MAP bele orienta lalais Diresaun Nasional Pekuaria para atu bele transfer orsamentu ba ida-idak nia konta Bankaria Grupu ninian.

Nune'e mos xefe grupu naroman Herculano Maia fo agradese ba Ministerio Agrikultura e Pescas  no mos sei dezenvolve tan di’ak liu tan ba grupu seluk ne'ebé maka iha, sira sei dada mai halo grupu hanesan mos ho sira, iha Sira nia grupu ne'e  hamutuk ema nain 5 deit no sira mós sei kuda ai-han karau nian maka hanesan ai-Lamtoro taranba, ai- kale no seluk tan hodi nune'e bele fo karau sira ne'e. Eby Magno

 VISITA IHA  KANAL YOUTUBE (MAP-NEWS)

https://www.youtube.com/watch?v=hS3gI71Ee80