Aileu-Ministerio Agríkultura e Pescas (MAP) Liu Hosi Diresaun Jerál Agríkultura e Hortikultura no Diresaun Nasionál Hortikultura Koilleta Hare Jerál ba Area Kultivu 17 Hektares Ne'ebe Uza Pratika agrikultur diak (PAD) ho Objetivu atu hasae produsaun hare iha rai laran no mos ema hotu bele kosumu produtu lokal hodi nune’e bele reduz inportasaun fos hosi rai liur. Aktividade ne'e halao iha loron sexta 10/06/2022 iha Aldeia Erkolbere suku Fahiria Munispiu Aileu.
Ministru MAP Pedro dos Reis, iha nia entrevista katak, Area kultivasun hare iha munisipiu Aileu ne’e kobre 385 hektares no dadaun ne’e koilleta ona 17 hektares , ita hotu hatene katak krize mundial tanba funu iha Nasaun Ukraina ho Russia entaun sasan hot-hotu folin sae, ita nia nasaun ki’ik mos afeita maibe ita iha rai bokur bar-barak, tanba ne'e maka Ministério Agríkultura e Pescas hamutuk ho liderasaun teknik sira hotu, to'o estensionista, sira hamutuk ho autoridade lokál sira iha Munispiu sira hotu ita servisu hamutuk ho ita nia grupu agrikultór sira oinsa para atu hasoru krize ne’e liu hosi hasa’e ita- nia produtividade iha rai laran.
Ministru hatutan, tanba iha Munisipiu Aileu iha 385 hektares ita hahu ona ho pratika agrikultur diak (PAD) ne'ebe mak hanesan ohin nia resultadu ita bele hare iha 17 hektares ne'ebe maka pilotu ita kolleta, maibe iha fatin barak maka iha seloi kraik ita seidauk kolleta mais ita fokus mós iha ne'eba no iha fatin seluk ninia produtividade ita la uza input seluk ou la uza adubus maibe produtividade ne'e hetan 3 toneladas kada hektares , mais iha fatin ida ne'e la uza adubus uza de’it pratika agrikultur diak (PAD) nia resultadu atinje ona 4 toneladas por hektares.
Governante ne'e rekomenda ba agrikultór sira katak, krize mundial tanba inpaktu hosi funu iha Ukraina ho Russia depois mosu tan pandemia covid 19 entaun ita hot-hotu tenki fila fali ba ita nia natar hodi hasa’e produsaun iha ita nia rai laran, pelo menos saida mak ita atu fornese ba ita nia rain hodi sai hosi krize mundial ida ne'e, ida ne'e exemplu diak ida laoas iha Aileu de’it maibe iha fatin barak ne'ebe maka kuandu pandemia covid 19 atu mosu ho situasaun global neduni ema hot-hotu bok-an halai natar komesa husi Maliana sai to'o Lospalos hot-hotu ohin loron kolleta ona. e aumenta tan ho programa oitavu Governo Konstituisionál ne'ebe mak lidera husi Jenerál Taur Matan Ruak inplementa programa Kona-ba cesta-bazika fase primeiro agora tama fali ba cesta-bazika fase daruak nian, ida ne'e mak halo vontade e motiva ita -nia agrikultores sira hot-hotu atu produz.
MAP nia apoiu durante ne’e maka identifika ona fatin barak iha seloi kraik ami hare ona iha ne'eba barazen ne'ebe mak halo iha tempo Indonesia ninian e MAP sei koko para atu maksimiza no atu hadia sasan sira ne'e, no debu bee ne'ebe mak iha seloi kraik ne'e mak la uza mais bailoron ita bele uza para tinan ida kolleta dala rua, ida ne'e mak ita–nia esperansa.
Iha fatin hanesan, Administradór Munisipiu Aileu, Abel da Conceção sente kontete tebes maske Nasaun hasoru problema barak maibe la hamate espirito ita nia agrikultores sira nia vontade iha Munisipiu ida ne'e, e ohin ita kolleta hare ne'e resultadu husi servisu sira ne'ebe maka ita investe iha fulan kotuk ne'e, ita hotu hatene ita nia Governo iha politika barak entaun hosi polítika sira ne'e atu insentiva agrikultór sira atu servisu maka’as hodi hasa’e produsaun, tanba programa cesta-bazika entaun ita nia governu hakarak komunidade agrikultores sira produz maka’as e depois maka governu sosa fila fali hodi fahe fali ba ita nia komunidade sira ne'ebe maka laso Faz parte ba iha produsaun.
Nune'e mós, Manuel da Silva hanesan agrikultór iha Munisipiu Aileu sente kontete tebes tanba sira agrikultores to'os nain sira halo to'os ho natar tin-tinan ne'e ladun diak, maibe tinan ida ne'e sira produz hare sae maka’as tebes, maibe sira nia preokupasaun maka problema irrigasaun maka iha seidauk diak, no tratór mos la iha, maibe sira uza tratór ida de’it hodi uza to’o ohin loron sira nia natar ne'e hare komesa sae, ba oin sira sei kontinua nafatin hodi hatudu ba ema hotu no mos hatudu ba ba agrikultores sira seluk.
Iha serominia koilleta hare ne’e hetan partasipasaun masimu hosi Ministro MAP, Diretór Nasioná hamutuk ho ekipa teknika sira, Diretór Munisipiu, Administrador Munisipiu no komunidade agrilkultores Munisipiu sira no hetan seguruansa masimu husi PNTL Munisipiu Aileu.
VISITA IHA KANAL YOUTUBE (MAP-NEWS)
https://www.youtube.com/watch?v=QuSQPWABd28
