Covalima-Ministériu Agríkultura No Peskas Liu Hosi Diresaun Jerál Agríkultura no Diresaun Nasionál Agríkultura e Hortikultura no adjuta Xefe Casa Civil Prezidente Repúblika, Koileta Haré Jerál ba Area Kultivu 1,624 Ektare, No Demo Area 120 Ektare, Ne’ebé Utiliza Adubus Organiku, Pop Nasa, Supernasa No Harmonik Ba Primeira Epoka ho objetivu atu hasa’e produsaun hare iha rai laran nomos ema hotu bele komsumu produtu lokál, atividade Iha loron Segunda (06/06/22), Aldeia Beilaku Suku Raimea, Postu Administrativu Zumalai.
Iha serímonia koilleta haré Jerál ba area kultivu, 1,624 ne’e, Ministru Pedro dos Reis iha nia deskursu hateten, natar iha area ne’e totál ektare kuaze rihun rua resin (2000) maibe, ita foin dezenvolve rihun ida resin (1000).
Pedro esplika, problema ne’ebé durante hasoru mak liga ba bee atu fornese ba natar, tanba ne’e ko’alia ona planu grande opsaun ne’ebé suporta hosi Parlamentu nasional, katak ba natar sira iha suku Raimeia ita dezenvolve kuaze rihun ida de’it tanba menus bee.
“sei la halo irigasaun boot maibé ministériu agríkultura no Peskas (MAP), sei esforsu hodi destaka makina, escavatór ida hodi lokaliza iha Covalima hodi fasilita bee ba natar nune bele hasa’i Produsaun hare ”. dehan Pedro
Ministru dehan, produsaun ne’ebé agríkultór sira Produs, MAP sei koordena ho ministériu Turismu Comersio Industria Ambiente (MTCIA), ba implementasaun Programa Sesta Bazika 75% ho produtu Lokál.
Iha fatin hanesan, Adjunta Xefe Casa Sivil, Henriqueta Maria da Silva ne’ebé representante Preszidente Republika, hatete, maske xefe estadu lamarka prezensa iha fatin ida ne’e maibé Xefe estadu iha mós iha Programa lubuk ida atu Promove Produtu Lokál.
“iha programa Importante inklui oinsa atu promove produtu lokál no mós atu asegura ita nia Nasaun ida n’e bele iha ai-han sufisiente, ita rona mós iha seguransa ai-han iha nutrisaun di’ak fo ba labarik sira no inan-isin rua sira”. Xefi Estadu.
Henriqueta esplika, Xefe estadu fó atensaun ba labarik no inan isin rua ho intensaun ida katak han ai-han ne’ebé ladun nutriente sei la produs jerasaun ne’ebé di’ak iha Timor-Leste.
tanba ne’e iha Gabinete xefe estadu iha mós programa atu kombate mal nutrisaun, promove ai-han lokál no ai-han ne’ebe nutrisaun di’ak ne’ebé servisu hamutuk ho WFP, MAP Embasadór sira, ne’ebé buka fundu hodi apoiu governu.
Nune’e mós Fernando da Silva nu’udar agríkultór hatete, iha suku Raimea iha natar barak, maibé labele halo hotu tanba iha problema bee ne’ebé mak sira infrenta.
“governu oferese ona makina balun maibé ami sei hasoru problema sira hanesan, irigasaun, tanki, bee adubus no makina baku haré”. dehan Fernando
Iha serimonia koileta haré jerál ne’e, entrega mós makina Baku haré sanulu ba Grupu natar nain sira iha suco refere Alende ne’e partisipa ba serimonia ne’e Ministru MAP, Sekretariu Estadu Peskas hamutuk ho ekipa, Adjunta Casa Civil Presidente Republika, Embaixadór Brasil iha Timor-Leste, Diretór Munisípiu sira, autoridade Lokál no komunidade iha Suco Raimea.
VISITA IHA KANAL YOUTUBE (MAP-NEWS)
https://www.youtube.com/watch?v=QuSQPWABd28
