Dili- Ministério Agrikultura e Peskas (MAP) servisu hamutuk ho Ministério Obras Publiku, Secretaria Estadu Terras e Propriedades, Ministério Solidaridade Sosial no Inclusaun hasoru malu ho komunidade sira ne’ebe maka hela iha rai area MAP nian hodi haree oinsa maka bele entrega fali ba MAP, sorumutu ne’e hala’o iha loron Quarta (18/05/22) iha Salaun MAP Comoro.
Iha intervista Diretór Logistik MAP, Mariano Martins Ribeiro hateten, atu halo alargamentu ba fatin kanpaun ne’e, tanba ita nia nesesidade servisu nian aumenta, ne’ebe ita presisa halo alargamentu.
“Iha tinan 2014, procesu ne’e lao tiha ona no sira halo levantamentu ne’e lao ona to’o komunidade sira iha altura ne’eba ne’e iha uma 14 ne’e, ita halo ona kalkulasaun sira halo hotu tiha ona, maibe tanba mundasa gorvernasaun politika ida ne’e fo inpaktu ba procesu liberta rai ne’e la konsege lao”. Tenik Mariano
Neduni atu prosesu fila fali libertasaun ba rai ida iha kotuk ne’e, procesu alargamentu, tanba ne’e enkontru lubuk ida ho Ministerio tekniku sira hanesan Obras Publiku, Arte Kultura, Diresaun nasionál apoiu administrasaun suku no autoridade lokál, ita ko’alia hotu ona. Tanba ne’e, enkontu presisa sosializasaun ba komunidade afetadu sira ne’ebé hela iha area Ministeriu MAP nian.
Iha fatin hanesan, Diretor Jeral Terras e Propriedades Rodrigo do Mendonça, esplika katak, enkontru atu ko’alia ho komunidade afetadu sira ne’ebe maka hela iha rai area MAP nian
Tanba proposta hosi MAP haree ba situasaun real katak, Ministerio ida ne’e bo’ot tebes maibé espaso atu hala’o servisu ne’e la iha, entaun iha tinan 7 ba kotuk Ministériu hirak ne’e servisu hamutuk atu halo alargamentu ba rai estadu sira ne’ebé mak iha ligadu ho Ministerio ida ne’e, hodi bele hari edifisiu agrikultura ne’ebe mak prense rekezitus atu hala’o servisu.
Rodrigo esplika, rai ne’ebe maka identifika ona ligadu kedas ho MAP maibe hetan hela okupasaun husi komunidadde sira balun hosi tempo Indonesia nian no balun iha tempo ukun an ne’e, entaun buka meius oinsa atu bele hetan solusaun ba komunidade afetadu sira entaun hakarak ka lakohi hosi MAP hamutuk ho MJ, MOP, MSSI no mos Ministerio relevante kria ekipa ida hodi bele halo sensibelizasaun ba komunidade afetadu sira hodi komprende didiak kona-ba motivu husi afetasaun ida ne’e.
Nune’e mos Xefe Suco Comoro Eurico da Costa de Jesus, hateten, haree ba planu Governu nian liu-liu ba iha prosesu deliberasaun rai ba iha Ministériu ne’ebé maka presiza tebes fatin ne’e, atu halo alargamentu, entaun ba komunidade sira ne’ebe mak hela iha fatin refere, halo aprosimasaun iha tinan barak nia laran hamutuk ho komunidade sira, iha tinan 2014 , populasaun ne’e 14 pessoas deit pois mai processu ne’e tomak, hafoin covid-19 halo buat sira ne’e halo demora to’o ohin loron ami halo levantamentu dadus ba daruak no levantamentu dadus sosio ekonomiku ne’e atinje ona 56.
Eurico hatutan, “hau tenki hamutuk ho populasaun sira sentidu hodi kumpri plano governo ne’ebe iha ba processu deliberasaun rai ba iha governo rasik atu uza husi distansia ministeriais hanesan MAP”. haktuir Eurico
Nune’e Antoninho Jose de Deus, informa katak, nia parte hanesan humanu sente triste, tanba ita hela fatin ida, depois simu notifikasaun husi governo atu halo alargamentu ba MAP, maibe hanesan sidadaun sempre koopera ho governo para oinsa atu halo dezenvolvimentu ida diak liu.
“ami hanesan komunidade afetadu primeiru ami hakarak ejize ba ministeriu kompotente estatutu rai ne’e liga liu ba ministerio justiҫa no terras e proriedades e ami hakarak ne’e sira tenki sosializa lei baze terras e propridades para sosiedade ne’e bele komprende diak liu”, Antoninho rekomenda.
VISITA IHA KANAL YOUTUBE (MAP-NEWS)
https://www.youtube.com/watch?v=5GGVwnrn-zo&t=3s
