Notisia

MAP Distribui Fasilidade Ba Agríkultura RAEOA Hodi Reforsa Produsaun Agrikola

Fotografia/Canizio/INFO-MAP
Oe-cusse-Ministerio Agrikultura no Peska (MAP), Liu husi Diresaun Nasional Agricultura e Hortikultura (DNAH) distribui fasilidade ba Sekretariu Rejional asuntu agrikultura , hodi reforsa servisu agríkultura ba produtividade produsaun agrikola iha Rejiaun Administrativa Espesial OE-Cusse Ambeno (RAEOA).
 
 
Fasilidade ne’ebe MAP distribui hanesan material kolleta (crop-cutting) ba hare no batar, legumes, GPS, adubu organiku POC NASSA, Super Nasa no Harmonik ba demo area hektares 120 iha epoka 2022, fini modo, Hand Sprayer unidade 28, Pestisida 402 litrus inklui kimikal Proteksaun 113 unidades. Aktividade ne’e hala’o iha loron Tersa, 5/04/2022 iha Suku Costa, Postu Administartivu Pante Makasar.
 
Iha intervista Ministru MAP Pedro dos Reis, hateten katak, MAP oferese ekipamentu ne’e atu ajuda servisu agrikultura, nune’e mantein politika agríkultura rejional nian atu hasae produsaun hodi asesu ba Mercado. Ministeriu halo Esforsu iha Timor laran tomak tuir kondisaun Ministériu nian maske iha limitasaun barak maibe MAP nafatin tau atensaun mai iha Oé-Cusse hodi apoiu ba agrikultura maske lao neneik.
 
Nia hatutan katak MAP presiza halo estudu kona ba mini Varajen ne’ebe konstrui ona iha RAEOA nune’e bele konstrui fali iha Munisipisiu seluk tanba iha munisipiu seluk seidauk estabelese, uniku RAEOA maka konsege halo mini Varajen.
 
Ministru MAP husu ba Sekretario Rejional Agrikultura ho funsionariu no agríkultor sira atu servisu maka’as hodi hatudu rezultadu diak, tanba Governu iha tempu badak sei kontinua programa Sesta Bajika iha munisipiu-12 inklui RAEOA. Tanba ne’e Governo liu husi Secretáriu Estadu de Cooperativas (SECOOP) propoin ona 80 mil atu sosa produtu lokal, nune’e produsaun agrikultura sira tenke aproveita oportunidade ida ne’e.
 Fotografia/Reno/INFO-MAP
Iha fatin hanesan, Prezidente Autoridade RAEOA, Arsénio Paixão Bano, agradese tebes ba Guvernu sentral liu husi (MAP), ne’ebe tulun autoridade Oe-Cusse hodi kontinua hasae servisu agrikultura iha faze produsaun ba epoka 2022.
“Hau agradese ba Guvernu sentral tanba mai ofrese tan ekipamentu lobuk ida hodi ajuda ona Agríkultura sira iha RAEOA atu bele hametin tan servisu Agrikultura, hodi bele aumenta beibeik ita nia produsaun agrikultura nian iha rai laran liu-liu iha Oe-cusse. Tenik Arsenio Bano
 
Nune’e mos, Sekretariu Rejionál ba Asuntu Agrikultura, José Eta, Agradese ba Ministeriu Agrikultura no Peskas, tanba kada tinan oferese material crop-Cutting no adubu hodi troka adubus kimiku ho adubus organiku Iha tinan ne’e tarjetu ba hektares 120 hetan ona apoia hosi Diresaun Nasíonal Agrikultura e Hortikultura (DNAH) maibe to’o fulan Abril ne’e ita atinje ona hektere 101, iha duni benefisiu diak tebes, tanba aplika adubu Poc Nasa.
 
“Dadus provizoriu rezultadu produtividade no area kultiva daudaun ne’e realija ona iha sub-rejiaun Pante Makasar rezultadu batar 2,7 to’o 3,3 ton/hektare, hare rai-maran nia produsaun 1,3 ton/hektare, hare natar ho Pratika Agrikultura Diak (PAD) nia produsaun 6,5 ton/hektare no hare metan hektare 1,5 nia rezultadu produsaun hetan 5,7 ton” akresenta José Eta
 
Nia Informa dadus alimentar epoka ba tinan 2021 ba area Natar nian kultiva hamutuk hektares 4,4597 no area kolleta hamutuk hektares 4,485 ba area batar epoka ba tinan 2021 Area kultivu hamutuk hektares 6,596 no area kolleta hamutuk hectares 6,567, ho rezultadu produsaun hare kulit iha RAEOA por volta rihun 17 ne’ebe envolve haree rai maran no natar. Ekivalente tonelada rihun 10 sai foos, agradese ba tulun tomak husi MAP ba tinan 2021.
 
Responsavel Agíkultura nee fundamenta tan katak apoiu ne’ebe mak MAP fo mai RAEOA la’os deit input agrikultura no material agrikultura maibe apoiu mos parte pekuariu nian liliu oinsa atu halo tratamentu no vasinasaun ba animal hanesan: karau ho manu sira iha RAEOA. Iha tinan ida ne’e tarjeitu ba 18 mill kabesas animal ne’ebe mak halo vasinasaun.
 
Atividade ne’e ofisialmente marka Prezensa husi Ministro MAP ho nia Comitiva, Prezidente Autoridade ZEESM, Sekretariu Agrikultura Rejional RAEOA no mos Parseiru sira hanesan; SAPIP reprezentante UNDP nomos autoridade lokal hanesan xefe suku.

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login