MAP LANSA KUDA HARÉ HEKTARES 125 IHA MUNISÍPIU ERMERA

Estrela inativaEstrela inativaEstrela inativaEstrela inativaEstrela inativa
 
Fotografia/Elsio Jong/INFO-MAP
Ermera-Ministériu Agríkultura no Peskas, liu hosi Diresaun Jerál Agríkultura no Diresaun Nasionál Agríkultura e Hortikultura, hala’o Lansamentu Kuda Haré Hektares 12 ho totál Area Kultivu Hektares 125 ho objetivu atu hasa’e produsaun no produtividade agríkola iha Suku Tierlelo, ne’ebé Envolve suku rua seluk, Leimea Kraik no Laubuno iha postu Administrativu Atsabe.
Atividade lansamentu ne’e ofisialmente lansa hosi hosi Diretóra Jerál Agríkultura (MAP), Maria Odete do Céu Guterres, ne’ebé reprezenta Ministru Agríkultura no Peskas (MAP) Pedro dos Reis, iha loron Tersa feira (29/03/22).
 
 
Iha intervista Diretora Jerál, Maria Odete do Céu Guterres, hanesan reprezenta Ministru MAP, hateten katak, Lansamentu kuda haré ne’e hanesan motivasaun hosi grupu ILAT ne’ebé maka estabelese iha suku Tierlelo ne’e, liu hosi proposta durante tinan rua liu ba,tanba ne’e Ministériu haree posibilidade bele ajuda ho ekipamentus ida ki’ik, maibé bele tutan membru grupu agríkutór sira, nune’e lansamentu kuda haré hektares sanulu resin rua (12), hosi totál area kultivasaun haré hektares atus ida rua nulu resin lima (125), mai hosi suku tolu, hanesan suku Lemeia kraik, Tierlelo no Laubono.
 
“Lansamentu kuda haré ida ne’e, kontinua aumenta hosi area kultivu sira seluk nune’e kada tinan ba area kultivu ninian, no laos de’it anivel nasionál maibé hosi grupu sira mós bele fo kontribuisaun bo’ot ba aumenta area kultivu no mós produsaun”. Tenik Maria Odete
 
Maria Odete hatutan, durante ne’e Ministériu apoiu fini ho variadede oi-oin ba grupu sira hanesan fini haré, fini batar, fini modo no mós makina fila rai (Traktór) no mina, neduni ba oin sei fahe mós audubus ba agríkultór sira oinsa bele hasa´e Produsaun ho produtividade ba iha komuditi agríkultura nian.
 Fotografia/Elsio Jong/INFO-MAP
Neduni politika Ministériu nian mak kontinua tau matan ba grupu agríkultór sira ne’ebé maka estabelese ona, liu hosi estensionista suku sira hamutuk ho Diretór nível Munisípiu, alende haré sira servisu iha natar sira mós bele halo servisu iha tós.
 
Iha fatin hanesan, koordenadór estensionista Postu administrativu Atsabe, Crispin Mouzinho hateten, durante ne’e, estensionista sira akompaña grupu sira halo servisu, tanba ne’e atu hala’o servisu di’ak liu tan presija lori tempu atu bele tau matan ba grupu sira oinsa koragen sira hala’o servisu no oi'nsa kuda haré tuir tekniku no kada haré tuir nia distansia hosi 20-25 Cm.
 
Nune’e mós Xefe Grupu ILAT, Adriano de Araujo, sente kontente ho Prezensa ekipa MAP,tanba bele hala’o ona lansamentu ne’e, ida ne’e sei lao di’ak liu tan atu komunidade sira hotu bele kuda haré, kuda ho regras tuir programa ministériu nian ne’ebé estensionista sira hanorin ba grupu agríkultór sira.
 
“Dadaun ne’e ami iha traktór foun ida ho makina tuan sira no Mini Tiller ida hodi hala’o ami nia servisu, bainhira att mak ami kontinua husu ba Ministériu atu bele aumenta tan, tanba ne’e ami sei presija tan maka tekniku atu bele tau matan mós ba suku seluk ne’ebé area kultivu iha”. Tenik Adriano
 
Iha lansamentu kuda haré ne’e, ekipa MAP ne’ebé reprezenta hosi Diretóra Geral Agrikultura MAP, Maria Odete do Céu Guterres ho komitiva entrega mós makina Hand Tratór ida ho Mini Tiller ida ba grupu ILAT no mós entrega Fini Ortikultura ho variadade oi-oin ba grupu refere.

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login