MAP Koilleta Hare Rai Maran Hektares 8 Iha Munisipiu Manatuto

Estrela inativaEstrela inativaEstrela inativaEstrela inativaEstrela inativa
 
Fotografia/Rommy/INFO-MAP
Manatuto- Ministério Agríkultura e Peskas (MAP) liu hosi Dirasaun Jerál Agríkultura halo Koilleta hare rai maran hamutuk hektares ualu 8 iha Suku Manehat ne’ebe maka kultiva ona iha Fulan Novembru tinan kotuk, rezultadu koilleta hare rai maran ne’e hatudu diak tebes,atividade kolleta hare ne’e hala’o iha loron kuarta (23/03/22) iha Suku Mane Ha’at Posto Administrativu Bariki.
 
Iha diskursu Ministro MAP Pedro dos Reis hato’o parabens ba agríkultór sira ne’ebe maka kuda ona hare rai maran atu hatete katak ita hahu ona hatoman an hodi kuda saida mak ita han no han saida mak ita kuda .
 
Nia esplika hare rai maran ne’e kuandu ita kuda iha toos ita mos bele kuda tan produtu sira seluk iha laran hanesan batar pateka no produtu sira seluk ne’ebe maka diversifika aihan iha laran molok ita atu kua hare rai maran ne’e, mas ita han tiha ona produtu lobuk ida ne’ebe maka ita enkaixa ba iha laran. Ita labele mistura sasan tanba ida ne’e maka se ohin ita koilleta ona hektares 8 ho produsaun 8 hektares x 3.1 ton /ha = 24.8 toneladas ida ne’e sai ona informasaun ida ne’e maka ami bele pasa iha linha Ministeriais nee’ebe maka jere sexta bazika, maibe la promote.
 
Iha fatin hanesan Diretór Servisu Agríkultura Munisipiu Manatuto, Tomas Francisco Piedade Ximenes hato’o mos nia agradese ba prezensa Ministro MAP Pedro dos Reis nian tanba ho nia disponibilidade bele ba to’o iha suku Manehat postu administrativo Bariki hodi bele hare no hatene situasaun no kondisaun agríkultór sira iha Suku refere ne’ebe durante ne’e hala’o sira nia vida moris iha toos no natar.
 Fotografia/Rommy/INFO-MAP
”Ha’u hakarak infoma ba Ministru katak, iha biban ida ne’e autoridade Munisipiu Manatuto marka presenza maximo hahu husi xefi aldeia, xefi suku, administrador postu, komandante PNTL no administrador Munisipiu no iha manehat ne’e ita iha aldeia tolu ne’ebe ita foti atividade ba ita nia agríkultor sira ne’ebe mak kuda hare rai maran ne’e ita foti 8 haktares mai husi kada agrikultor sira halo sira nia natar no to’os ne’ebe sira kuda sira nia hare rai maran ne’e husi 0.15 – 0.16 to’o ikus mai ita hetan 8 hektares husi ida ne’e tuir los ita hetan nia produsaun ne’e 8 hektaes x 3.1 ton /ha hamutuk 24.8 hektares lo-los ne’e, tanba ita hetan Pesti laho mak estraga fali ita nia komunidade nia produsaun, to’o ikus mai ita nia produsaun ne’e tun tiha uitoan”. Tenik Nia
 
Nune’e mos agrikultór suku manehat Fernando da Costa sente kontente tebes tanba desde ukun a’an sira halo to’os makas tebes maibe la iha ema bo’ot ida nunka halo hanesan ne’e maibe iha tinan ida ne’e mesmu ami halo to’os ne’e kiik maibe ami sente kontente tanba Ministru bele ba direita hodi kolleta ona ami nia hare rai maran.
 
Nia mos husu ba MAP tenki kontinua fó apoiu nafatin ba oin ho programa sira hanesan ne’e.

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login