Atividade Lansamentu ne’e ofisialmente Lansa hosi Ministru Agikultura no Pesca (MAP), Pedro dos Reis no Projeitu ne’e hetan apoiu finansiamentu hosi Governu Korea hamutuk 6 Miliões.

 

Iha diskursu Ministro MAP Pedro dos Reis hateten katak, lori membru Governu nia naran hakarak hato’o agradese ba Governus Korea liu husi ajensia KOICA tanba bele apoiu no ajuda ona ita nia povu Agríkultura iha Munisipiu tolu ne’e, atividade ne’ebe ita nia Agríkultura sira halo haree liu ba iha Hortikultura no mós oinsa lori sira nia produtu ba to’o iha merkadu. Atividade ne’e hala’o iha loron kinta (10/03/22) iha Salaun Kay Rala Xanana Gusmão do Ministério das Finanças Aitarak Laran.

 

Nia esplika, aproveita biban ida ne’e orienta hela ba ita nia agríkultura sira liu-liu Suku hira ne’ebé maka sai alvu ba projeitu ne’e, atu aproveita didiak oportunidade sira hanesan ne’e, tanba oportunidade ne’e hanesan osan mean, iha ema barak ne’ebe maka hakarak mos atu asesu ba projeitu sira hanesan ne’e maibé la hetan oportunidade, tanba ne’e husu ba agríkultura sira ne’e maka envolve ona iha projeitu ne’e aproveita didi’ak.

 

“Governo Korea liu husi ajensia KOICA durante ne’e ajuda ita nia Governu Timor barak ona, no ita mos iha area potensial sira hanesan Ainaro, Aileu no Lioquiça. Ita produs ita nia Hortikultura barak maka ita lori ba iha merkadu, ita hotu hatene katak produtu sira ne’e fan iha estrada ninin ema la dun sosa diak no balun sai estragus hotu, entaun ba futuru ita sei halo kordenasaun diak atu nune’e rezultadu husi ita nia komunidade ne’ebe mak produz ba iha Hortikultura ninian sei iha nia procesamentu no ita bele asegura.” Tenik Ministro MAP

 

Pedro haktuir, projeitu ne’e lao atu sucesu ka la sucesu MAP hamutuk ho Diresaun Nasional Agíkultura e Hortikultura maka sei halo akompanamentu, save atu sucesu ne’e iha Diretór Munisipiu tolu ne’e xefi suku no estensionista sira hotu ita sei koko halo komunikasaun di’ak ho sira atu nune’e alvu ba iha projeitu ida ne’e molok ninia mandatu ka tempo ne’e remata, tenki halo buat di’ak ruma, tanba oportunidade ne’e osan mean entaun ita presiza halo relasaun ne’ebé maka di’ak.

 

Iha fatin hanesan Diretora Jeral Agríkultura e Hortikultura Maria Odete do Céu Guterres, esplika katak, Sorumutu ne’e hanesan lansamentu ba projeitu mellora kadeia de valór liu hosi partisipasaun agrikultura sira nian ne’ebé ho nia objetivu atu hasa’e nia produsaun no mós liu-liu atu lori ita nia agrikultura sira ba iha merkadu. Projeitu ida ne’e estabelese mós infrastrutura, produtu agrikultura no mós fatin ba modo ninian atu proteje nafatin modo hodi fresku nafatin. Iha mós treinamentu ba ita nia estensionista sira no mós liu-liu ba ita nia grupu agrikultura sira.

 

Iha tinan 2019 ita halo identifikasaun ba projeitu ida ne’e iha tinan 2020 tanba iha pandemia Covid19 ita halo de’it virtual meeting depois iha tinan 2021 ita asina aordu ho Governu Corea liu husi Ajensia KOICA ho montante 6 millões hatama mós atividade hanesan infrastrutura.

 

Atividade ne’e envolve mós Universidade da paz (UNPAZ) hodi apoiu foti dadus ba agríkultura sira.

 

Nune’e Reitor UNPAZ Adolmando Amaral Freitas haktuir katak, Governu Korea liu husi KOICA mai halo levantamentu ida kona-bá produtu Agrikultura iha Timor-Leste liu-liu iha area Hortikultura.

 

Neduni atu haree ita nia povu agrikultura sira ne’ebé maka halo produsaun ba hortikultura ne’e sira nia produtu atu asesu ba merkadu ne’e oinsa no oinsa maka sira bele asesu ba iha merkadu.

 

Ninia efeitu ba sira nia moris ne’e halo nusa, tanba ne’e maka KOICA halo vizita ba iha Universidade hira iha Timor-Leste, ami mós halo aprezentasaun no hosi aprezentasaun sira ne’ebé maka ami halo sira deside ami maka sei ba halo levantamentu de dadus, liu husi dadus hirak ne’e ita hatama ba prosesu, ita analiza rekomenda ba sira atu nune’e ho orsamentu 6 miliõel ne’ebé maka ita hetan apoiu husi KOICA tenki aplika tuir duni nia dalan, hodi bele hetan rezultadu ne’ebé maka di’ak.