Iha entrevista Diretor Jeral Cooperasaun Dezenvolvimentu Instituisaun (CDI) César José da Cruz esplika katak sorumutu neé hanesan workshop ida atu hare konaba aprezentasaun husi peskizador MAP nian ne’ebé servisu hamutuk ho parseiru TOMAK atu hare adaptasaun ba fini ne’ebé maka iha hanesan, fini hare mean, fore rai no mos foremungo.

 

Nia hatutan, Ho aprezentasaun sira neé mos hare hamutuk oinsa atu lori produtu hirak neé ba merkadu no mos atu hare konaba seguransa aihan ba komunidade sira, husi parte ajensia TOMAK neé hanesan parseiro ida, sira ajuda fasilita servisu hamutuk hodi halao peskiza ida ne’e.

 

Iha fatin hanesan Diretór Interinu Luis Pereira hateten katak, objetivu husi sorumutu ida ne’e atu lori fali peskizador sira ne’ebe durante neé halo ona peskiza hodi bele hatoó sira nia rezultadu, atividade neé Dirasaun Nasional Peskiza Estatistika servisu hamutuk ho ajensia TOMAK maka realiza, no intensaun atu dezenvolve variedade balu neébe maka maka introdus husi Indonesia.

 

Nia akresenta, Peskiza neébe sira halo iha tipu aihoris oin tolu, maka hanesan; forerai, foremungu no hare mean. Teste ida neé foin teste inisiu deít, tanba sira foin halo iha sentru peskiza tolu hanesan ; Sentru peskiza Betano Sentru Peskiza Loes no no mos Atabae. Depois de aprezentasaun peskizador sira sei hare hamutuk oinsa maka atu fo hanoin ba malu hodi rekomenda bazeia ba dadus neebe husi aprezentasaun nian, kuandu dadus hatudu katak peskiza neé sei kontinua ga oinsa, lansamentu variedade ida neé, ita sei kesi hela ho politika fini Nasional nian, iha politika fini nasional neé define konaba oinsa halo lansamentu ba variedade nian, maibe tanba ita nia politika fini Nasional seidauk iha aprovasaun husi konsellu

 

Nuneé mos Peskizador Marcos Correa Vidal ne’ebe hanesan peskizador ba foremungu esplika katak nia koko kuda hamutuk oin sanulo oin sia husi husi fini local no oin ida husi Indonesia, no nia peskiza neé hal oiha fulan junho kolleta iha fulan Outobro tinan kotuk.

 

Nia informa ita kompara ho ita nia fini local oin sia (9) neé inklui varidade rua neebe ita lansa tiha ona hanesan foremungu lakateu ho foremungu kiukae depois ita mos rekolla iha Munisipio tolu neebe baibain kuda foremungu lokal hanesan iha munisipio Manufahi, Viqueque no mos Bobonaro ita foti iha maliana vila ho balibo.