Ainaro- Diresaun Servisu Agríkultura Ainaro iha tinan 2022 neé distirbui ona fini hanesan, hare, batar no fore munggu ba agrikultór ou grupu sira maibe fini ba epoka segundu prepradu hela iha armajena Agríkultura Ainaro nian neduni ba agrikultór sira neébe mak atu kuda aihoris ba segundu epoka DSAA bele apoiu fini ba sira.
Diretora servisu Agrikultura Ainaro, Natalia Orleans Amaral,iha kuarta feira (16/2) ba ekipa Informasaun MAP esplika katak, dadaun neé fini neébe amk iha armajen neé hanesan fini rezerva ba epoka segundu tanba dalaruma agrikultór sira kuda aihoris hanesan hare balun mate entaun ami bele apoiu finial hare ba sira atu halo penyulaman ka kuda fila fali no ba fini fore munggu agrikultor sira koilleta hotu hare sira atu kuda fali foremungu ami bele apoiu fini ba sira atu kuda.
Nia mós hatutan, batar provolta 17 toneladas, hare 15 toneldas no foremunggu iha 4 toneladas mak iha hela armajen neé, fini hirak neébe mak iha aramjen neé laos la distirbui maibe fini balun ami halo ona distibisuaun ba epoka primeiru no dadaun neé fini rezerva ba epoka segundu nian mak sei iha.
Diretota realsa katak, Ba fini batar no hare neé ami tenki haree ba agrikultír sira neébe mak kuda hare no batar mak ami foin halo distribuisaun ba sira, ami laos halo distibuisaun ba agrikultór hotu-hotu maibé bazeia ba pedidu ka proposta neébe maka sira hatoóo mai diresaun servisu ida neé no tekniku sira ba halo verifikasaun ba fatin neébe mak sira atu kuda mak ami foin bele distribui.
Agrikultór sira atu hetan apoiu fini hirak neé sempre liu hosi extensionista iha suku tanba extensionista mak hatene liu area ka toós ou natar neébe mak sira kuda tanba iha Ainaro agrikultior sira kuda batar ka hare la toó hektare ida entaun ita mos distibuis fini bazea ba sira nia area neébe mak sira kuda neduni agrikultór balun hetan batar ka hare kilo rua deít tuir pedidu neébe mak sira submete mai.
Facebook Social Comments
