DNEA REALIZA ENKONTRU ANNUAL HO EXTENSIONISTA MUNISIPIU 4 KONABA AVALIASAUN NO EVALUASAUN SERVISU 2021

Estrela inativaEstrela inativaEstrela inativaEstrela inativaEstrela inativa
 
Fotografia/Fyna/INFO-MAP
Ainaro- Diresaun Nasionál Agríkultura Extensaun realiza enkontru annual ho Extensionista hosi Munisipiu Hat hanesan, Manatuto, Likisa, Aileu inklui Ainaro kona-ba Evaluasaun no Avaliasaun servisu extensionista sira nian iha tinan 2021.
 
Iha enkontru neé Diretór Jerál Cooperasaun Dezenvolvimentu Instituisionál (CDI), César José da Crus esplika katak, liu hosi enkontru neé atu halo evaluasaun no avaliasaun servisu extensaun iha munisipiu idak-idak atu nuneé bele hatene servisu neébe mak sira halaó durante tinan ida nia laran tanba atu dezenvolve servisu extenmsionista sira nia presija prepara rekurus umanu, rekursu finanseiru inklui rekursu ba apoiu. Enkontru neé halaó iha loron kinta-feira(16/2) iha salaun Servisu Agrikultura Munisipiu Ainaro.
 
Nia mós hatutan, Extensionista sira tenki sai modelu ba ita-nia agrikultór sira iha aldeia no suku, atu bele halo demplot rasik iha uma hun atu bele atrai agrikultór sira halo tuir laos extensionista sira mak ba sosa modo tahan iha merkadu maibe hanorin agrikultór ka grupu sira atu kuda modo no aihoris sira seluk, extensionista mak tenki kuda uluk depois mak sira kuda, tanba ita hein deít ita nia salariu kada fulan la toó ba ita nia nesesidade ekonomia uma laran nia.
 
Tinan ida neé Ministeríu laiha politika atu tau orsamentu ba sosa motorizadas foun ba extensionista sira iha munisipiu tanba tinan neé MAP tau orsamentu atu hadia irirgasaun sira neébe mak durante neé at.
 Fotografia/Fyna/INFO-MAP
Iha fatin hanesan, Diretora Servisu Agríkultura Ainaro Natalia Orlenas Amaral mos salient, Objetivu husi sorumutu ohin neé ho funsionariu tekniku estensaun Agrikola hamutuk ema 24, objetivu neé maka atu halo avaliasaun progresu servisu iha tinan 2021 oinsa hare progresu iha parte estensaun ho ita nia grupu Agrikultura sir a ba iha area de produsaun produtividade ba aihoris ezemplu hanesan batar modo nomos komuditi sira seluk.
 
Iha tinan 2021 extensionista sira halaó servisu bazia ba planu neébe mak ita iha tanba extensionista sira hatenen ona papel no knáar servisu idak-idak nian maibe problema neébe mak durante neé sira hasoru maka kona-ba manutensaun transporte hanesan motor tanba orsamentu neébe maka aloka mai iha Diresaun servisu Agríkultura Munisipiu Ainaro Minimu tebes entaun ami labele halo buat barak.
 
Neduni Ajensia Intensaional sira neébe mak ita servisu hamutuk iha munispiu neé ami husu sira apoiu atu hadia motorizadas hirak neébe mak sira uja atu nuneé sira bele halao nafatin sira nia servisu iha kada aldeia no suku atu bele halo akompanhamentu ho agrikultór sira atu bele hasaé produsaun Agrikola liu hosi metodu Pratika Agríkultura Diak (PAD).
 
Ekontru n annual neé halaó durante loron ida, partisipa hosi diretór nasionál Extensaun ho nia Xefi departamentu sira nomos partisipa masimu hosi extensinista 24 iha munispiu Ainaro.

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login