Dili-Kompañia Internasionál hosi Nasaun Xina Fung Ao Seu aprezenta planu investimentu iha area peskas hanesan hakiak ikan no kultivasaun ahu ruin iha area mariña tasi Timor nian ba Ministério Agrikultura e Peskas, iha salaun MAP Comoro loron kinta (10/02/22).
Ministru Agríkultura e Peskas (MAP), Pedro dos Reis iha nia diskursu hateten katak, planu investimentu ne’e tratamentu laos MAP ninian de’it iha mós liña ministerio barak tamba ne’e maka MAP foti inisiativu ida katak tenki halo aprezentasaun liu -liu ba iha tekniku sira atu nu’une bele iha diskusaun ida ne’ebe mak klean atu nuneé MAP bele buka dalan hodi rezolve maibe relasaun ho liña ministériu sira seluk entaun ita iha disponibilidde nafatin para bele halo aprezentasaun.
Ministru Realsa, atu hala’o dezenvolvimentu iha ita-nia rai ne’e se laos ita maka hahu se tan mak atu hahu ida ne’e ne’eduni relasiona ho investimentu liga ba area agrikultura e peskas Ministériu la taka odamatan ba se de’ít maka atu mai dezenvolve ita nia rai ida ne’e e Ministériu sei fasilita no kontribui ba kompañia sira ne’e.
Ministru husu ba Kompañia sira ne’ebe mak hakarak halo investimentu iha area agrikultura ka peskas primeiru tenki prepara sasan hotu -hotu mai halo aprezentasaun liu hosi aprezenta ne’e maka iha buat ruma ne’ebe mak persiza ita atu ajusta para ba futuru ita buka ita halo kompleta malu atu nuneé ba oin sekarik iha mudansa politika ruma membru governu laos ami ona Diretór jerál sira mos troka ona e ema ruma maka mai fali mós labele baralha katak kompañia sira neé priense hotu ninia kríteria, neduni dala ida tan lori ministériu nia naran agradese ba vontade diak atu investe e ami fiar katak ho esforsu ne’ebe mak kompañia halo hela bele iha kolaborasaun ka komunikasaun diak ho teknik sira iha futuru mai.
Diretór Kompañia Fung Ao Seu Jaime Agustino Hanjam neé hatutan, ami iha iha inisiativa bo’ot oinsa para atu investe iha Timor tanba ita hotu hatene katak, Timor depoiz de konflitu ita hasoru situasaun dilema bo’ot tanba povu hasoru mukit entaun ho buat sira ne’e Kompañia iha inisiativa halo investe iha area tolu agrikultura, aquikultura no pekuaria tanba dala barak ita koalia konaba dependensia inportasaun aihan husi rai liur ne’e iha benefisiu bo’ot ba kompañia tanba kompañia barak maka ba buka sasan iha estadu, maibe kompañia ida ne’e lae nia mosu para atu tau nia osan rasik para atu sai hanesan parseiro governu nian para atu investe iha setór sira hanesan ne’e, setór ne’ebe mak ohin mai aposta ne’e mak setor aquikultura liu-liu hakiak coral ne’e ami aposta iha planu ba curtu prazu, longu prazu no mediu prazu ne’e ho orsamentu U$$. 10 milhoes dolar Americano para oinsa atu halo kultivasaun ba coral ne’e, maibe buat sira ne’e hotu depende ba governu nia disponibilidade oinsa bele apoiu kompañia hakarak tau osan.
Hanesan ohin saida mak ami apresenta ne’e katak, presiza iha legalidade no Governu mak sai parseiro ba kompañia ne’e oinsa atu hetan lisensa ida atu halo estudu viabilidade para atu nia impaktu ambientál ne’e hanusa, tanba ne’e mak atividade hakiak coral ne’e rasik ne’e atividade foun ba povo Timor ne’e hanesan investimentu foun ida mais importante mak atu kria kampu servisu ba joven sira.
Kompañia neé hakiak coral iha fatin rua iha Liquisa no Manatuto, maibe pilotu ne’e Liquisa uluk. Konaba agrikultura ami fokus liu ba iha costa sul iha ne’eba lahan tidur barak liu, se karik governu fo lisensa katak rai ida ne’e mamuk hela imi bele mai entaun ami prontu para loke ami nia bisnis ne’e iha ne’eba.
Iha fatin hanesan, sekretariu Estadu Peskas, Elidio de Araujo hateten katak, Kuandu iha investimentu ne’ebe mak iha atu investe iha area MAP nian Ministériu tenki simu no rona hare sira nia aprezentasaun depois rona mos ami nia tekniku sira oinsa bele fo solusaun ba investimentu sira ne’ebe maka sira atu investe iha Timor.
Tanba ne’e ohin hanesan inisiu ida kompañia Fung Ao Seu sira mai halo sira nia aprezentasaun inisiu atu sira halo kultivasaun Coral iha Timor iha munisipio rua hanesan Manatutu no Likisa maibe iha diskusaun ita mós sujere ba kompañia balun katak iha asuntu balun maka lei la fo dalan atu investe iha fatin ne’e.
Ezemplu koalia konaba coral ne’e ita nia dekretu lei no 6/2004 artigu 85 hatete iha ne’eba katak bandu para labele foti ou hasai ita nia coral sira ne’ebe maka iha tasi liu liu ahu ruin. Ne’e lei proteje, tanba ne’e maka ohin ita sujere ona atu kompañia hare atu bele estuda, rona hamutuk apresiasaun husi MAP, Meio Ambiente no Turizmu atu bele hare no rona hamutuk apresiasaun husi linha Ministerial sira.Teknik Sekretariu Estadu Peskas
Atu investe iha area aquikultura ne’e iha parte tolu hanesan coral, hakiak ikan no hakiak boek, husi parte peskas sujere para oinsa atu bele avansa parte rua ne’e hakiak boek no hakiak ikan, tanba Tuir metas VIII governu ne’e hateten katak iha tinan 2023 ema hotu-hotu konsumu ikan Kilograma 10 kada tinan. Entaun kuandu kompañia sira ne’ebe maka hakarak mai investe hasa’e produsaun ikan no boek ne’e ami aseita, maibe liga fali ba coral ita haree lai tanba ida ne’e liga ho lei balun ne’ebe mak sei bandu para ema hotu mai kuda no hasai ita nia ahu ruin sira ne’ebe iha tasi.
Facebook Social Comments
