MAP-SAPIP Hala’o Enkontru Dahuluk Ho Konsellu Jestaun BH Loes

Estrela inativaEstrela inativaEstrela inativaEstrela inativaEstrela inativa
 
Fotografia/Rommy/INFO-MAP
Dili- Ministériu Agríkultura e Pescas (MAP) liu hosi Projeitu Hasa’e Produtividade Agríkultura Sustentavél (HAPAS) hala’o Primeiru enkontru ho konsellu jestaun Basias Hodrografiku (BH) Loes hodi hare hamutuk servisu ne’ebé durante ne’e lao ona, no ba oin servisu saída sei halo.
 
 
Enkontru ne’e ofisialmente loke husi Prezidente Autoridade Munisipio Ermera hanesan mos Vice Primeiro Consellu BH Loes Eusebio Salsinha, marka mos presensa husi Ministro Agrikultura no Peskas Pedro dos Reis ho autoridade Lokál sira husi Munisipio tolu hanesan Bobonaro, Ermera no Liquiça. Enkontru ne’e hala’o iha loron Segunda (22/11/21) iha Salaun MAP Comoro.
 
Iha entrevista Ministro MAP Pedro dos Reis hateten katak, MAP liu hosi Projeito HAPAS konvida autoridade lokál sira ne'ebé mak sai hanesan alvu ba iha Projeito ne'e, atu nune'e tempo badak bele realiza programa sira ne'ebe maka tuir tekniku sira fó ona, liu-liu ba grupu hakiak nain sira, tuir programa ne'ebé mak Hapas lao hela.
 
Nia hatutan, projeitu hapas ne'e estabelese ona grupu Agríkultura iha fatin barak, no atividade barak maka lao tiha ona hanesan, iha Munisipiu Ainaro, Ermera, Liquica, Bobonaro, Lautem no mos RAEOA. Atvidade ne’ebe grupu agríkultura sira halo maka iha area sira hanesan Hortikultura, Pescas, Pecuaria e veterinaria no mos floresta.
 
Pedro esplika, Hapas ne'e Projeito ida, maibe governu la hare de’it ba Hapas maibé iha mós programa barak mai hósi ajensia sira ne’ebé maka tutela ba iha MAP. Infelizmente MAP ho nia estrutura tomak hakarak sasan sira ne'ebe mak fo ba agríkultura sira ne'e, tenki garantia no iha sustentabilidade.
 Fotografia/Rommy/INFO-MAP
“Dala barak iha Governu anterior koalia katak povu kuda governu sosa, maibe nia procesu ne'e lao tarde uitoan, ita mos la hatudu liman ba ema ida, MAP hakarak fo hatene ba ita hotu tenki kordena malu diak no komunika ho ita nia tekniku Diresaun sira hotu oinsa bele hase produsaun iha ita nia rai laran hodi grantia ba sustentabilidade ba futuru tanba orientasoens tenki sosa produtu lokal tanba ita nia merkadu iha ona entaun hot-hotu tenki bokan.” Tenik Ministro MAP
 
Iha fatin hanesan Vice Primeiro konsellu BH Loes, Eusebio Salsinha hatutan katak, sorumutu ne’e atu halo avaliasaun ba servisu ne’ebe maka agríkultor sira implementa ona, no atu hare mos ninia progresu, no dezafius saida mak ita hasoru no saida maka seidauk halo, saida mak presija atu melhora liu tan nune'e nia benefisiu real bele ba ema barak hotu.
 
Nia akresenta, aktividade ne’ebe grupu agríkultura sira halo ona maka hanesan iha area Hortikultura, Pescas, Pecuaria e veterinaria no mos floresta. Governu mos tenki kria menus ou kria mos oportunidade ba sira hodi utiliza fundus ne'ebe ita nia parseiro dezenvolvimentu no Banku Mundial fornese atu nune'e sira bele melhora sira nia kondisaun ekonomia uma laran.
 
Enkontru ne’e hala’o kada tinan atu bele haree progresu servisu iha area Basias Hidrofrafika sira.

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login