KONSSANTIL Sei Produz Boletin Konaba dadus Seguransa Ai-han

Estrela inativaEstrela inativaEstrela inativaEstrela inativaEstrela inativa
 

Fotografia/Canizio/INFO-MAP

Dili-Ministériu Agríkultura no Peskas (MAP) liu husi Diresaun Nasional Seguransa Alimentar (DNSA) hanesan mos Sekretariadu ba iha KONSSANTIL, hala’o Enkontru regular ho Liñas Ministériais ne’ebe involve iha KONSSANTIL rasik hanesan; Ministériu das Finanças, Ministeriu Saúde, Mdf-Autoridade Adoneira, MTCI-CLN, AIFAESA, MAP-DNQB, MAP-DNAH, MSSI, MI-Proteksaun Sivil, MAP-DNPPM/Algis ho ajensia sira hanesan FAO, WFP no IP hodi hare konaba oinsa atu produs Buletin refere.

Iha intervista Diretor Nasional Seguransa Alimentar Rofino Soares Gusmão hateten, Objetivu husi enkontru regular ne’ebe husi MAP liu husi Dirasaun Nasinal Seguransa Alimentar nudar sekretaria KONSSANTIL, organiza enkontru regular kada fulan 3 ne’e anivel Diretore, Xefi Departamentu, Ponto Fokal administrativu hotu-hotu, atu halo rekolha relatoriu liu-liu situasaun seguransan ai-han. Atividade ne’e hala’o iha loron Quinta (28/04/22) iha Salaun MAP Comoro.

Nia hatutan, informasaun ne’ebe maka liga ba seguransan ai-han iha tinan 2022 ninia ne’ebe kada Ministeriu aprezenta liu-liu ba sira nia dadus ne’ebe maka sira durante ne’e kolekta servisu ba kada dirasaun, husi dadus sira ne’ebe liñas Ministeriais sira ita  tau hamutuk hakerek ninia rezultadu maka sei publika ba iha Buletin seguransa alimentar kada fulan 3. Buletin hirak ne’e sei distribui ba iha entidade relavantes parte Guvernu hahu husi Primeriu Ministru Menbru Governu, Prezidente Repúblika, Parlamentu Nasional,  Ajensia, Doadores, pareseiru lokal no Internasional.

Fotografia/Canizio/INFO-MAP

Rofino esplika, Iha Buletin Seguransa Alimentar ne’e bele hareé informasaun sira liga ba iha ai-han no nutrisaun, durante Covid-19 ne’e fo impaktu tebes ba iha nutrisaun, maibe depois de Covid-19 Programa ne’e kontinua lao to’o agora, programa ne’e rasik hari’i iha tinan 2008 to’o mai ohin loron ita produs kontinua nafatin informasaun no distribui ba iha entidade relevante inklui banku sentral sira ne’ebe mak iha Timor laran tomak atu nune’e sira bele asesu.

“konaba rekursu ema no rekursu finanseiru ne’ebe maka atu produs Buletin, ami iha Diresaun Nasional Seguransa Alimentar maka nu’udar sekretariadu KONSSANTIL,  rekursu ne’e apropriadu atu bele halo servisu, ida ne’e inklui finanseiru kada tinan ami aloka orsamentu atu produs buletin, se karik orsamentu ida ne’e la sufsiente maka ita iha agensia UN sira prontu apoiu liu-liu ba iha publikasaun ba iha informasaun ida ne’e.” Tenik Diretor Rofino

Iha fatin hanesan Direor Nasional AIFAESA Angelo E. Belo iha diskursu hateten katak, sira nia servisu maka atu hare oinsa atu halo protesaun ba iha konsumedor  nomos oinsa promove konkorenti leal entre no promove. Servisu sira ne’ebe bain-bain halo maka halo kontrolu iha merkadu liga ho situasaun merkadu nian liu-liu ba iha aktividade ekonomika ne’ebe lao hela.

Fotografia/Canizio/INFO-MAP

Nia informa, buat barak mak ami halo, maibe ita seidauk iha fasilidade ne’ebe maka kompletu entaun ita sei limita ita nia asaun sira ne’ebe iha terenu, liga ho dadus sira ne’ebe mak ita kualia kona-ba dadus no presu ba produtu sira ne’ebe liu-liu ba iha bens konsumu ninian, buat ne’ebe ami konsege monitoriza iha merkadu maka Fos, ami hala’o asaun ne’e bazeia ba dekretu lei Nú 29/2011 dekretu Lei ne’ebé koalia kona-ba Presu justu. hau hanoin dekreitu lei ne’e laos AIFAESA nian de’it maibe Timor tomak nian.

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login