MAP-AI-COM Kolleta Fore Mungu 30 Hektares Iha Munisipio Manufahi

Estrela inativaEstrela inativaEstrela inativaEstrela inativaEstrela inativa
 
Fotografia/Rommy/INFO-MAP
Manufahi-Ministério Agríkultura no Pescas liu husi Dirasaun Nasionál Peskiza Estatístika (DNPE) hamutuk ho parseiro desenvolvimento Agriculture Innovations for Community (AI-COM) kolleta fore mungu ba segundo epoka hamutuk hektares 30 iha loron 21/09/2021 iha Suco Betano, Munisipio Manufahi.
 
Prezidente Autoridade Munisipio Manufahi iha nia diskurso hateten, nu’udar servidor povu fo agradese ba DNPE nebe’e destaka iha Sentru Peskiza Betano hamutuk ho staff tekniku sira no mos Diretor municipio no funsionario tomak hodi ajuda no introdus programa ne’e ba iha komunidade sira nia leet, agradese mos ba agríkultor sira ba apoio nebe’e mak durante ne‘e sira halo ba iha programa ida ne’e.
 
Iha fatin hanesan Diretor Servisu Agríkultor Munisipio Manufahi Aurelio Dos Santos Marques hateten katak, atividade kolleta fore mungu ne’e hanesan kontinuasaun husi programa “LA KOLEN” nebe’e mak lansa iha fulan tolu liu ba ho nia objetivo atu asegura seguransa aihan iha nivel uma kain no aproveita mos tempo asegura vertilidade rai iha to’os, tanba kultivasaun principal ida deit hanesan batar, hare, fore keli no fore mungo.
 
Nia hatutan ba oin MAP sei koopera nafatin ho parseiro dezenvolvimento AI-COM hodi promove nafatin programa “LA KOLEN” no sei introdus iha fatin seluk hanesan Fatuberliu no Alas.
Fotografia/Rommy/INFO-MAP
Nune’e mos Diretor Nasional Peskiza Estatistika ne’ebe reprezenta husi Xefe Departemento Solo e Nutrisaun das Plantas Celestino Luis Moreira hateten iha nia intervista katak fulan rua liu ba halo ona lansamentu kuda fore mungu husi programa LA KOLEN, aktividade ne rasik ita hetan suporta husi ita nia parseiro dezenvolvimento AI-COM no implementador mak peskizador sira iha Betano ne’ebe ho nia objetivo depois de kolleta hare ita uja fali rai ne ho efektivo hodi kuda fila fali fore mungu. Fore mungu ne rasik fo benefisariu ba ekonomia familia uma laran no mos bele rekopera fila fali rai ne’ebe antes uja ba kuda hare.
 
Nune’e mos António hanesan agrikultór hateten, Programa LA KOLEN hatudu duni rejultado diak husi kuda fore mungu diak teb tebes nune’e rekomenda ba Governo atu prepara Merkado nebe’e permanente hodi nune tos nain bele sente duni servisu ida ne’e la kole no la saugati, se karik rejultado mak hein hela deit sei hatun vontade agrikltor nebe’e mak iha ona.
 
Serimonia kolleta fore mungu ne’e partisipa husi Prezidente Autoridade Munisipio Manufahi Arantes Isak Sarmento, Diretor Municipio Manufahi Aurelio Dos Santos Marques, Diretor AI-COM Robert Wiliams, Komandante Polisia Municipio Manufahi, Komandante FFDTL Posto Betano, agríkultor ho funsionario sira hotu.

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login