Notisia

DNPE - AI-COM Hala’o Seminar Oinsa Hasa’e Produsaun Hare

Estrela inativaEstrela inativaEstrela inativaEstrela inativaEstrela inativa
 
Fotografia/Elsio Jong/INFO-MAP
Díli - Diresaun Nasionál Peskiza Estatístika hamutuk ho Parseiro Dezenvolvimentu Agriculture Innovations for Community (Ai-Com), no peskizadór munisipíu sira hala’o seminar durante loron ida kona-ba Oinsa Hasa’e Produsaun Hare, objetivu seminar ne’e atu asegura no garante seguransa ai-han sustentabilidade ba futuru no xave importante mak tenki halo peskiza atu bele haree no hatene textura ou PH rai ne’ebé diak no fini ne’ebé mak bele utiliza ba rai ne’e. seminar ne’e hala’o iha loron kinta (29/7), iha salaun MAP Comoro.
 
Iha intervista Ministru Agríkultura e Peskas, Pedro dos Reis hateten,seminar ne’ebe mak ohin Diresaun Nasionál Peskisa Hala’o ne’e, atu haree liu ba servisu peskizadór sira nian halo peskiza konaba rai antes kuda ai-horis hodi hasa’e produsaun hare ka aihoris seluk, tanba durante ne’e ita uja de’it adubus ne’ebe oin-oin iha rai ne’e, maibé ita lahatene textura rai no nutrisaun iha rai laran ne’e rasik.
 
Pedro hatutan, liu hosi peskiza mak ita bele hatene Rai ne’ebé diak no ita bele uza adubus oioin, tanba ne’e mak enkontru ne’e importante tebes ba ita hodi utiliza sasan sira ne’e ho kualidade. Neduni planu ba oin Ministéiru Agríkultura e Pescas tenki servisu hamutuk ho Diresaun hot-hotu liu-liu iha Diresun Nasionál Peskiza Estatístika tenki aproveita oportunidade ne’e ho diak, tanba ita hetan suporta husi ita nia Governu Australia ou Ai-Com ne’ebe fó sira nia apoiu tomak ba ita- nia servisu, ne’ebe durante ne’e ita hala’o diak tebes iha ita -nia rai.
Fotografia/Elsio Jong/INFO-MAP
Iha sorin seluk, Diretór DNPE Deolindo de Oliveira hateten, liu hosi enkontru ne’e atu fó sai de’it peskiza ne’ebé mak peskizadór sira hala’o e sira mós servisu hamutuk ho ita nia Governu Australia ou Ai-Com e liu hosi enkontru ne’e para atu fo sai ou hariku ita nia- funsionáriu peskizadór sira nia hanoin para ba oin sira bele hala’o sira nia servisu ne’ebé iha no di’ak ba futuru.
 
Nia hatutan, Planu ba oin peskiza tenki lao nafatin, tanba presiza mellora nafatin ai-han ne’ebé mak iha ne’e, ita presiza buka tuir nafatin nia modelu oinsa mak ita Snia produsaun ne’e bele sa’e para ba oin ita hetan ai-han ne’ebé di’ak no iha kualidade, tanba liu husi peskiza mak ita bele hatene nia kualidade produsaun.

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login