Notisia

MAP Lansa Kuda Hare Ektares 80 Iha Suku Samalari

Estrela inativaEstrela inativaEstrela inativaEstrela inativaEstrela inativa
 
Fotografia/Elsio Jong/INFO-MAP
Baucau- Ministériu Agríkultura e Peskas (MAP), liu hosi Diresaun Jerál Hortikultura e Agríkultura Lansa Epoka daruak Kuda Hare ektares 80 ho hamutuk ho komunidade no grupu Agríkutór sira ho programa Pratika Agrkultura Diak (PAD) ho objetivu atu hasa’e produsaun hare iha rai laran,sira Iha Area Natar Sabiliu Suku Samalari iha loron Sesta- feira (23/7), iha .Postu Administrativu Baucau Vila.  
Serominia lansanmentu kuda hare epoka daruak ne’e lansa direta hosi Ministru Agrukultura e Peskas Pedro Dos Reis ne’ebe akompaiña ho Embaixadór Brazil no Indonesía, inklui mos Eis Presidenti da Repúblika Dr. José Ramos Horta, Auotoridade Lokál Munisipiu no suku inklui PNTL iha munisipiu refere.
 
Iha entrevista Ministru MAP, Pedro dos Reis hateten, MAP hamutuk ho estrutura halo lansamentu simbolikamente ne’e ho total area ektares 80 ne’e hanesan esforsu Ministériu nian tanba iha Timor-Leste fatin hotu foho mak barak, nune’e hahu ho uituan neneik ba bebeik bele barak.
 
Ministru haktuir, hare iha epoka dahuluk ne’e kontinua koilleta hanesan iha Viqueque sei kontinua koilleta, no mós sei kuda ba epoka daruak iha fatin seluk maibé depende ba bee.
 
“area kultivasaun ba iha Timor-Leste hamutuk ualunulu 80 mil hektares, dadaun ne’e ita foin atinji 24 mil hektares, nune’e bee sai problema boot, tanba ne’e ba futuru mak estadu ou Ajensia balun hanoin atu investe osan hodi hadia bee, ho servisu ki’ik ne’ebé mak halo ho ektares 80 ne’e bele redus ona fós importasaun. Maibé ida ne’e sei difisil”. Tenik Ministru Pedro
 Fotografia/Elsio Jong/INFO-MAP
Neduni MAP ho komunidade Agríkultór esforsu atu bele oinsa mak osan bele sirkula iha rai laran, tanba Ministériu esforsu atu haree ida ne’ebé maibé laos hot-hotu ba area prioridade.
 
Iha fatin hanesan Xefe Suku Samalari, Rui Sortorio Magno Sequeira esplika, rekomenda ba governu atu tau barazen atu bele redus volume bee no bele tau escavatór permanente hodi sirkula iha area samalari maubuanau no seisal.
 
Nune’e tuir xefe grupu Agríkultura Nabilan, Costodio de Jesus Freitas esplika, hare ektares 80 ho variadade nakroma ne’e apoiu hosi MAP, neduni halo viveiru durante loron sanulu resin haat (14), hafoin kuda ho modelu liña kada hare ida distansia cm ruanulu 20.
 
“problema ne’ebé ami hasoru mak bee ladun masimu,tanba irrigasaun iha area Sabiliu ne’e rai monu halo kanu isin ne’e hela metru ida de’it ona, nune’e hato’o ona ba nasionál atu haree escavatór ida hodi loke bee dalan atu labele fó ameasa ba kanu refere”. Costodio haktuir
 
Costodio rekomenda mós ba MAP, atu hadia sira nia irrigasaun tanba bee ne’ebé mak dadaun ne’e sira uza so bele uza iha tempu bailoron de’it iha tempu udan sei estraga fali bokadura ne’ebé iha.
Hafoin remata lansamentu, Ministru Pedro dos Reis, hamutuk ho Ex Titulares Dr. José Ramos Horta, Embaxadór Brasil, Embaxadór Indonesía, akompaña hosi Diretores, autoridade lokál, lia nain komunidade iha suku refere vizita mós fatin istoriku Museu Cenario da memoria do povo iha area Samalari no hetan seguransa maximu hosi PNTL Munisipíu Baucau vila.

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login