Dili - Loron 22 fulan Jullu 2021, Ministériu Agríkultura e Peskas (MAP) Eng. Pedro dos Reis, abertura lansamentu sistema monitorizasaun no avaliasaun modul dahuluk no modul datoluk dash board plano orsamentu no asina karta entrega hand over ekipamentos informatika hosi projetu HAPAS ba MAP, Enkontru ne’e hala’o iha salaun MAP comoro.
Iha entrevista, Ministru Pedro dos Reis hateten katak, liu hosi Projeto HAPAS hamutuk ho FAO hala’o enkontru ho diretores nivél nasionál sira hodi entrega ekipamentus Laptop ho Tablet ba MAP no entrega mos sertifikadu ba funsionariu IT sira.
Eng. Pedro haktuir, sira halo lansamentu ba sistema elektronika monitorizasaun no avalisaun modul I no modul III ne’ebe mak hetan suporta husi Hapas ho FAO hodi fó treinamentu ba funsionariu IT sira atu nune’e ba oin Ministru Agrikultura e Peskas hamutuk ho Diresaun Jeral, Diresaun Nasionál ou membru governu sira atu bele akompaña aktividade iha terenu no fasil ba sira atu asesu internet.
Nia informa liu tan, faze dahuluk sei distribui ekipamentus Laptop no Tablet ba Estensionista 56 nebe’e tuir ona trenamentu ne’e, Tamba ita- nia estensionista iha Timor barak ita hare liu ba alvu nebe’e iha no ita kria rekursu nebe’e diak para ita koalia ho parseiru sira seluk atu bele fó apoiu atu nune’e informasaun ou dadus sira nebe’e ita foti ne’e tenki los.
Diretora Jeral Servisu Coorporativos Sra. Ervina Soares Pinto iha nia diskursu hateten katak, agadese ba FAO ne’ebe fó treinamentu ba funsionariu IT sira nebe’e iha area Networking ho Server Administrasaun nebe’e la’o kleur ona no sira mos simu ona sertifikadu.
Diretota Jerál Ervina Soares mós hatutan, ba sira ne’ebé tuir ona trenamento ne’e to’o ona iha modul 1 no modul 3 sei simu Laptop, ba sira nebe’e tuir ona formasaun ne’e balun tuir to klaran de’it para tiha e balun simu tiha Laptop mais la utiliza, entaun sira sei rekolla fila- fali Laptop sira ne’e. no sira mos informa ona ba diretór jerál sira hotu tanba aktividade ne’e hetan apoiu husi projeto HAPAS iha komponente 4 ne’ebé servisu hamutuk ho FAO no sira mos sei entrega Laptop hamutuk 28 no tablet 265 ba Ministru Agrkultura e Peskas para atu bele lansa sistema monitorizasaun ba aktividade sira nebe’e durante ne’e la’o hela.
Iha sorin seluk, Assistant Country Representative FAO, Paula Lopes da Cruz esklarese katak, iha sistema monitorizasaun ne’e ema barak hetan nomeasaun hosi diresaun hamutuk 80, tanba hodi antisipa katak barak mak tuir sistema ne’e maibe iha prosesu nia laran barak mak drop out, entaun ikus sira iha de’it ema nain 30 ho sira nia skill atu bele servisu iha sistema ne’e rasik.
Paula reafirma tan, iha grupu seluk mak hanesan funsionariu IT ne’ebe uza sistema online ou sistema semi online, entaun FAO mos presija fó apoiu IT sira hodi haree kona- ba Network no konfigurasaun sistema nian. Ema sira ne’ebe mak servisu hamutuk ho FAO iha ema nain 2 no ema Internasional 1 ne’ebe servisu konaba remote e sira mos kompleta ona ba modul 1 AAP ho planning basic ho das board e sira mos sei hareE liu ba ema teknika ne’ebe implementa aktividade iha tereno no mos estensionista sira, tanba sira komprende liu konaba sistema hodi rekolla informasaun ne’ebe espesifika liu ba area tekniko no diresaun ida-idak nian.
Facebook Social Comments
