DCDI Hala’o Reuniaun ho Funsionáriu Tekniku MAP

Estrela inativaEstrela inativaEstrela inativaEstrela inativaEstrela inativa
 
 
Fotografia/Eby Magno/INFO-MAP
Díli-Ministériu Agríkultura e Peskas (MAP), liu hosi Diresaun Jéral de Kooperasaun e Dezenvolvimentu Instituisonal (DCDI), halo reuniaun internal ho Diresaun Nasional Tekniku sira ho objetivu atu hetan informasaun no dadus kona-bá implementasaun aktividades ne’ebé durante hala’o hamutuk entre MAP ho parseiru dezenvolvimentu sira.
Enkontru ne’e hala’o iha loron kinta, 1/7, iha salaun MAP Comoro.
 Iha intrevista Diretór Jéral César José da Cruz hateten, oinsa Ministéru atu servisu ho parseiru dezenvolvimentu liu-liu kona-bá hadia lakunas balu durante ne’e hamutuk ho Ministériu, tanba ita mós iha akordu ho parseiru barak.
 
Tamba ne’e reuniaun ida ne’e hanesan oportunidade diak atu konsolida hamutuk ho Diresaun Jéral no Diresaun Nasíonal sira hotu kona-bá parseiru programa ne’ebé mak tama ba iha kada Diresaun ou Ministériu nian.
 
Neduni ita servisu ho parseiru maibé ita mós tenki hatuda katak ita nia personalidade husi Ministériu nian, politika ministériu nian tenki mais klaru nune bele responde ba iha parseiru dezenvolvimentu nia rekesitus.
 
César esplika, iha Reuniaun ida ne’e mós liliu atu haree kona-bá akordu para bele fo vantajen barak liu ba Ministeriu atu bele hala’o servisu ho fleksibilidade, tanba parseiru dezenvolvimentu maibé konfirme MOU (Memorandum of understanding), ne’ebé tinan ida ou tinan Lima ne’e depende,
 
Neduni tinan Lima sira entrega sira nia servisu ne’e katak sira servisu hotu ona e kooperasaun hotu ona, entaun ministériu sei hare fila fali sei hotu ona signifika orsamentu ne’e tenki mai husi ita nia governu.
 Fotografia/Eby Magno/INFO-MAP
“Tinan ida ne’e ita foka liu ba iha irigasaun, no mós ba diresaun sira seluk, ne’e ba 2022 kona-bá oinsa mak hasa’e produsaun hodi bele halo exportasaun tanba ne’e mak servisu hamutuk ho JICA hodi haree kualidade fós nian, sira mós iha programa ne’ebé mak bazeia liu politiku Ministéru ninian iha komponente lima (5), ne’ebé mak boot tebes husi Agrikultura, floresta no Pescas atu haree oinsa programa ne’e atu bele lao hahu 2022”.Tenik Cesar
 
Diretóra Jéral servisu Coorporativos Ervina Soares Pinto iha nia diskursus hateten katak, Diresaun Jéral servisu koorporativos mak lidera SAPIP, uluk ita hotu hatene katak, iha DG kooperasaun nia okos, maibé iha mudansa estrutura entaun sira muda fali ba iha DG servisu kooperativos nia okos, ne’ebé durante servisu ne’e iha komponente barak mak husi Agrikultura iha Silon.
 
“haree hela prosesu ne’e iha fini balun agora sira halo hela prosesu, Entaun projetu SAPIP nian kedas ba governu no mekanismu atu ezekuta orsamentu husi Ministériu mak asina hotu, sira iha komponente barak liu iha peskija no agrikultura ne’ebé to agora sira seidauk gasta osan balun iha area peskija nian”. Ervina esplika
 
Ervina haktuir, SAPIP nia DG sira mak sei identifika saida mak sira bele halo iha area peskija ninian, sira mós iha iha fundus ne’ebé kiik iha area agrikultura no pekuariu e durante sira mós envolve ho DG sira para atu haree no fo asistensia tekniku ba iha Diresaun politika planeamentu atu servisu hamutuk ho WFO durante tinan 1 resin no fo treinamentu ba funsionáriu sira iha area sistema monitorizasaun e sira mós sei asina deit ba sira ne’ebé mak partisipa maximu ne’ebe iha.
 
Tamba bazeia ba lista prezensa ne’ebé iha, tempo badak sira mós sei lansa sistema monitorizasaun modul ida, maibe depende ba Ministériu nia tempo e sira mós sei entrega Leptop 20 ba iha Diresaun ne’ebé servisu hamutuk ho planeamentu para atu haree sistema monitorizasaun iha revisaun planu annual ba tinan 2022 nian.

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login