JICA- MAP HALA’O ENKONTRU HO DIRETORES SIRA HODI HADIA MEKANISMU SERIVSU

Estrela inativaEstrela inativaEstrela inativaEstrela inativaEstrela inativa
 
Fotografia/Elsio Jong/INFO-MAP
Díli-Minitériu Agríkultura e Peskas (MAP), liu hosi parseiru dezenvolvimentu JICA hala’o enkontru ho diretores nivel nasionál sira hodi hadia mekanismu serivsu kona-bá projeitu hasa’e produsaun fos Rai. Enkontru ne’e hala’o iha loron tersa, 29/6, iha salaun MAP comoro.
 
 Iha intervista Diretora Jerál Agríkultura, Maria Odete do Céu hateten, enkontru tekniku ne’e liliu envolve ho diretóres nasionál sira hosi Agíkultura, Agribisnis, Irigasaun,Extensaun ne’ebé servisu hamutuk iha Projeitu ne’e no mós partisipasaun hosi CLN nian.
 Odete esplika, projeitu ida ne’e nia objetivu atu produs hare hodi hasa’e rendimentu Agíkultura sira nian, neduni prezensa CLN nian hodi hato’o prosedimentus oinsa mak sosa hare.
“Atividade ne’e hala’o ona maibé ita nafatin hadia mekanismu ne’e atu bele ajuda ita nia Agríkultura sira, enkontru ne’e hanesan enkontru regular, atu bele koalia nafatin hodi haree saída mak kompleta, ida ne’e mak ita nia servisu tanba ne’e mak nafatin kordena diak ho membru sira atu bele haree projetu ne’e”. Tenik Odete
 Fotografia/Elsio Jong/INFO-MAP
Diretora jéral ne’e mós apela ba Agrikultura sira, atu badinas kuda produtu lokál, liliu hare tanba objetivu hosi projetu ne’e atu ajuda Agíkultura sira asesu ba merkadu no garantia nafatin katak CNL sei nafatin sosa sira nia produtu.
Iha fatin hanesan, xefe Advisor ba projetu ne’e, Kimio Osuga esplika, ne’e projeitu Jica nian hamutuk ho MAP hodi hasa’e produsaun hare nian, projetu ne’e envolve kadeia valor hosi Produsaun, Bee, Faan, Armajen no politika importasaun hare nian, nune’e hola parte mós hosi CLN no Diresaun relevante hosi MAP hodi tuir enkontru kona-bá tekniku nian hodi fahe informasaun ba malu atu hadia diak liu tan servisu refere.
 
Kimio ne’e haktuir, inisiu projeitu ne’e ba tinan lima hahu hosi 2016 to tinan ne’e, maibé ho dezafiu sira hanesan natureza estraga tanba ne’e mak extende tan projetu ne’e nia kontinuasaun hodi bele atinji metas, tanba iha implementasaun ne’e JICA hakarak atinji produsaun rihun tolu atus lima (3.500) toneladas.

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login