Díli- Ministériu Agríkultura E Peskas (MAP), Liu Hosi Diresaun Nasional Kuarentena No Bio Seguransa Hamutuk Ho Kompaña Lokal No Internasional Lansa Produtu Lokal Iha Ambitu Pandemia Covid-19 Ne’e ho Objetivu atu Promove Produsaun Agrikultura Nian Ba Exportasaun.
Atividade Lansamentu ne’e Ofisialmente lansa hosi Ministru Agríkultura E Peskas (MAP), Pedro dos Reis, iha loron tersa,15/06 iha edifisiu kompaña Proloka Colmera.
Iha intervista Ministru hateten, lansamentu produtu lokal ne’ebé emprezáriu Lokal no Internasional sira, ne’ebé mak agrikultura sira produs hodi halo exportasaun nune’e atu fo motivasaun mós ba Agríkultura sira no jovem sira iha terenu katak, mesmu iha situasaun pandemia maibé servisu hamutuk ho emprezáriu sira lafalta.
Pedro haktuir produtu lokal ne’ebé halo exportasaun hanesan, Kamí, Maek no produtu lokal sira seluk, nune’e produtu lokal hira ne’e exporta uluk ba Nasaun rua hanesan, Tailandia no Indonesia.
“mesmu ho exportasaun ho kuantidade kiik tanba ita iha siatusaun ne’ebé mak difisil (Covid-19), maibé husu ema hotu ho esforsu makas ba oin bele hasa’e kunatidade exportsaun produtu lokal” Dehan Ministru Pedro
Iha fatin hanesan Diretór emprezáriu,same diak construction &Café Timor lorosa’e, Tji Vu Sing esplika, mesmu iha tempu Serka Sanitaria, maibe ita sei iha komitmentu hodi halo negosiu, hodi sosa produtu lokal hosi agrikultura sira. Tanba ne’e hanesan timor-oan kompaña ne’e mos hakarak husu ba Ministériu atu bele hasa’e produsaun nune’e bele kompete iha merkadu Internasional.
“produtu ne’ebé mak kompaña sosa ne’e hodi halo exporta ba merkadu internasional hanesan kafé, Maek Cenke, Nuu maran, nune’e maek kuaze sosa iha Munisípiu hotu, kafé hanesan ita hatene iha Munisipiu Ermera, Ainaro, no Aileu, nuu maran sosa husi Minisípiu viqueque dadaun ne’e iha ona maek kontainer haat (4), mak sei halo exportasaun ba Tailand ho toneladas atus ida” tenik Diretór Tji Vu Sing.
Iha lansamentu ne’e hetan partisipasaun maximu hosi Prezidente CCI-TL Oscar Lima, embaixador husi Indonesia, Tailand, kompana lokal no internasional, Diretór, no fahe mós sertifikadu no karta lisensa ba emprezáriu sira.
Facebook Social Comments
