Relasiona ho aktividade koleta hare jeral ba natar iha Postu Administrativu Laleia, Suku Haturalan, iha area irrigasaun Bluto, uza adubus organiku POC NASSA SUPER NASSA no HARMONIK total iha 80 haktares maka ohin loron hala’o kolleta jeral hare hasa’e produtividade hare husi 3.5ton/ha no hasae ba iha 6 ton/ha ida ne’e hatudu katak iha duni mudansa ba primeira epoka tinan 2022.

 

Iha intervista Ministru Pedro dos Reis hateten, total kolleta hare iha irigasaun bluto hamutuk hektares 496 maibe ne’ebé mak utiliza adubus organíku POC Nassa, POC Super Nassa no Harmonik ita iha hektares 80 iha area irrigasaun Bluto ida ne’e maka servisu Ministerio Agrikultura no Peskas ho ninia strutura tomak durante ne’e ita kuda iha tradisional maibe rezultadu ne’ebe mak ohin ita halo iha demo area iha 80 hektares ne’e kuaze hektares ida tuir ubinan ne’e 6 ton/ha, entaun ida ne’e diak tebtebes hasa’e ita nia produsaun rai laran, hakarak ka lakoi ba oin ita tenke halo sosializasaun oinsa liu husi ita nia tekniku agrikultura sira no extensionista sira para habelar liu tan ba inan aman sira atu tuir tekniku ne’ebe mak ita halo. “ Tenik Ministru MAP’

 

Nia hatutan, ba iha demo area ita iha fasilidade ne’ebe natoon ita bele atinje 80 hektares ho hektares ne’ebe produs 6 toneladas, ba oin governu iha ona hanoin atu propoin tan fasilidade ne’ebe diak ita fiar katak ita bele atinje ita nia metas no objetivu katak resilensia ai-han iha ita rai bele subtitui.

Governante ne’e realsa, hanesan ministru agrikultura husu inan aman nia apoiu ohin ita halo ona pilotu ba iha 80 hektares ne’ebé mak utiliza adubus organíku POC Nassa, POC Super Nassa no Harmonik ba futuru atu atinje ita nia produsaun bele sae tenke tuir orientasaun tekniku sira nian.

Iha Fatin Hanesan, Eis Presidente Rebúblika Dr. José Ramos Horta esplika iha nia intervista hateten katak, Apresia ho rezultadu ne’ebe grupo agrikultores sira hetan no husu ba guvernu atu investe iha setor produtivu sira, parabens ministerio agrikultura, ho fertilizante okganik ne’e ita hetan ninia rezultadu to’o 6 ton/ha ne’e diak teb-tebes bele estende no aumeta ba Timor-Leste tomak iha tempu badak se la auto sufisiente pelemenus to’o pursentu 70 auto sufisiente, ministru nia mandatu ho klaru no kolaborador sira iha munisípiu, produtividade sae makaas hau hare iha atabae ne’e ba mos produsaun sae iha tempu badak ministru sei lori ami ba seisal, uluk mamuk agora nakonu ne’e hau fo parabens ba lideransa ministru agrikultura nian. “tenik Eis presidente”

 

Nia hatutan, Governu nia politika mak ne’e Timor-Leste bele hetan auto sufisiensia iha hahan para ita inporta menus poupa osan, tanba agrikultura hanesan baze ba povu nia moris nia sobrevivensia agrikultura laos deit hare ba fos deit maibe batar, fehuk, aifarina, modo, hakiak manu, hakiak animal buat sira ne’e kompletu iha ministerio agrikultura, governu bele tau orsamentu ne’ebe diak ba setor agrikultura hamenus orsamentu viagem internasional,hamenus osan ba Ministerio Negosiu estrageiro no ministerio sira seluk, tenke aumenta makaas ba iha setor agrikultura, edukasaun no saude tolu ne’e mak orienta no proridade liu.

Iha sorin seluk Fernando de Sousa Junior Administrador Munisípiu Manatuto hateten katak, durante nia obsevasaun no halo akompainamentu ba iha demo area ami hare diresaun agrikultura munisípiu ninian servisu diak tebes resultadu mak ita hare dadauk ne’e, ida ne’e laos foin mak ita halo kolleta iha tinan kotuk mos ita kolleta iha laleia ida ne’e e foin fulan kotuk mos se lasala ita halo kolleta iha postu administrativu Manatuto vila iha suku Aiteas ne’e mos ho nia rezultadu 6 ton/ha.ʻʻAministrador esplika.”

 

Nia Salienta, Rezultadu kompara ho tinan kotuk mantein nafatin ho 6ton/ha ne it abele dehan katak situasaun agora ne’e ita dezafiu bot tebes ho serka sanitaria no estado emerjensia ho buat sira seluk mosu tan dezastre naturais foin liu ba ne’e maibe manatuto hatudu laos hein deit simu apoiu maibe hatudu katak dehan bele halo buat ruma no produs buat ruma liu-liu iha diresaun agrikultura nian ne’e hatudu katak ita nia agrikultor sira no hamutuk ho ajentes agrikultura nian ne’e sira servisu no halo netik buat ruma

 

Tuir Diretor servisu Agrikultura Munisipais Mantuto Tomas Francisco Piedade Ximenes iha nia intervista hatete katak, aktividade kolleta jeral ba primeira epoka ba tinan 2021 iha Laleia ita hotu hatene katak iha irigasaun Bluto ne’e ita implementa ita nia aktividade ne’ebé mak utiliza adubus organíku POC Nassa, POC Super Nassa no Harmonik ho nune’e ita komvida ita nia Ministru Agrikultura no bainaka sira mai para ita hato’o ita nia informsaun rezultadu ne’ebe maka ita utiliza pupuk organiku tanba ita hotu hatene katak pupuk organiku ne’e rasik nia fo ninia rezultadu ne’ebe ke diak tebes kada hektares ita hetan 6 ton/ha ita kompara ida ne’ebe mak la uza POC NASSA ne’e hetan deit rezultadu 3,5ton/ha ida ne’e rezultadu ne’ebe diak tebes. “Tenik Tomas.”

 

Nia hatutan, ho prezensa ministru agrikultura nian no hetan informaaun sira hanesane entaun sira bele promove no orienta nafatin ita nia agrikultor sira ho politikamente sira bele hasa’e ita nia agrikultor sira nia koñesementu liuiu oinsa sira bele uza pupuk ne’e rasik ba oin ita hotu bele utiliza pupuk ida ne’e no fo rezultadu ne’ebe diak ba ita nia agrikultor.”

 

“Rezultadu kompara ho tinan kotuk ita utiliza adubus POC NASSA, POC Super Nassa iha 40 hektares ho rezultadu ne’ebé diak entaun ita aumenta tan 40 hektares ohin ita kolleta hamutuk 80 hektares utiliza adubus Poc Nassa. Poc Super Nassa, hanessan director agrikultura ba oin natar sira ne’ebé mak lokaliza iha irigasaun Bluto hamutuk 496 hektares sebele ita utiliza pupuk organiku ida ne’e tanba ninia rezultadu ne’e diak tebes.”

 

Serimónia kolleta hare ne’e hetan Partisipasaun maximu hosi Eis Presidente Dr. José Ramos Horta, Embaisadór Indonesia iha Timor-Leste, Diretóra Jerál Agríkultura e Hortikultura, Odete Maria do Céu Guterres, Diretóra Jerál dos Serviços koorporativo (MAP) Diretór Servisu Agrikultura Munisipíu Manatuto, Funsionario MAP, Administardor Munisípiu Manatuto, Diretor Country WFP, Jeneral Manajer Banku Mandiri no grupo agrikultores hetan seguransa Maximu hosi PNTL Munisipíu.