Dili, Ministériu Agrikultura e peskas liu hosi Konsellu Nasionál Seguransa no Soberania Ai han no Nutrisaun iha Timor Leste (KONSSANTIL) realiza enkontru dahuluk nivél ministru hodi haree fila fali estatutu Konssantil, Enkontru ne hala’o ho liña Miniterial nomos parseiro dezenvolvimentu, iha loron tersa-feira (25/5) salaun Palasio da Cinzas Ministériu Saude Caicoli Dili.

 

Iha enkontru ne’e kontinuasaun husi tekniku liña ministeriais sira iha konssantil nian atu haree hikas ba estatutu konssantil nian iha futuru ne’ebe sei ba aprezenta iha konsellu Ministrus nian inklui koalia kona ba asuntu 6 ne’ebe mak aprovado ona iha tinan kotuk liu ba. Dehan Minitro Agrikultura e Peskas, Pedro Dos reis, iha palasio da sinzas caicoli.

 

Ministro hatutan, Asuntu neen nebee mak aprova ona hanesan, partisipasaun Timor- Leste nian iha simeira sistema aihan mundial ne’e desizaun konjunta, funsiona hikas fali konssantil, planu kontijensia kluster nutrisaun, halo submisaun planu partisipasaun no hetan aprovasaun iha konsellu ministro, realiza reuniaun estraordinariu no DN-CPLP atu manifesta estadu membru Timor Leste nia interese, MNEK sei sai uma nain ba video conference estraordinariu CONSAN-CPLP.

 

Iha fatin hanesan, Vise ministro saude, Bonifacio Maucoli Dos Reis hateten katak ministériu Saude envolve an iha Konssantil hodi tau hanoin hamutuk oinsa bele kombate mal nutrisaun iha Timor Leste tanba ministériu Saude rasik hodi haree liu ba parte nutrisaun

 

“ ita koalia kona ba mal nutrisaun primeiro ita haree seguransa alimentar, ne’ebé ministériu saude involve an iha konssantil hodi nune’e bele tau hanoin hamutuk oinsa ita bele kombate intermos mal nutrisaun, tanba ita hatene katak ministériu saude responsabilidade liu ba nutrisaun”

 

Liña Ministerial ne’ebé maka hola parte iha KONSSANTIL hanesan Ministériu Agríkultura e Peskas, Ministériu Edukasaun no Joventude Desportu, Ministeriu Da Saude, Ministeriu Obras Publikas, Ministeriu Solidaridade Sosial no Inklusaun , Ministériu Negosiu Estranjeiru no Kooperasaun. Inklui mós Parseiro Dezenvolvimentu Sira.