Díli-Ministériu Agríkultura e Peskas (MAP), liu hosi Parseiru Dezenvolvimentu MDF (Market Development Facility), lansa Kampaňa Sensibilizasaun Nasionál Koba-Bá Lakataru Makerek (Full Armyworm), no Peste Suina Afrika (African Swine Fever), ho objetivu hanesan referensia ida ba Agríkultór sira atu bele halo prevensaun ba Pesti refere Iha Timor-Leste.
Atividadade Lansamentu ne’e Lansa hosi Ministru Pedro dos Reis, iha salaun MAP Comoro, iha loron Sesta, 7/05.
Iha intervista, Ministru Pedro dos Reis hatete, Minitériu hetan tulun hosi governu Australia liu hosi MDF (Market Development Facility), halo lansamentu ne’e atu sensibiliza ba Inan Aman sira bele komprende oinsa halo prevensaun ba pesti ne’ebé ataka batar no animal.
Ministru mós esplika, atividade ne’e laos to’o iha ne’e de’it, maibé Ministériu sei hamutuk ho estrutura buka medidas oinsa bele prepara diak hodi haree ba pesti sira ne’e atu labele ataka batar sira, banhira kuda fali ne’e hanesan meus hodi responde situasaun ida ne’e.
“ kona-ba Afrika swine fever(ASF), kuaze ataka Fahi sira mate hotu, tanba ne’e maka Ministériu orienta ona tekniku sira prepara sosa fahi atu bele halo rekoperasaun maibé presija uluk mak prepara kondisaun. nune’e konaba Batar Pesti lakataru ataka iha porsentu 25 % mak hetan estragus, maibé iha fatin seluk mós lahetan estragus hodi konsege koilleta hotu apoiu balun ba sesta basika mós lahotu ”.Tenik Ministru Pedro dos Reis
Iha sorin seluk Xefi Departamentu Hortikultura e Protesaun das Plantas, Americo Brito hatete, iha Munisipíu sira iha Suku balun mak afeita ba pesti ne’e maibé iha area balun de’it mak hetan estragus, Suku balun ladun hetan estragus hanesan iha Munisipíu Líkisa, bobonaro no Covalima pesti ne’e ataka suku balun de’it maibé balun balun laiha.
“ iha medidas prevensaun bele halo bainhira mosu pesti Lakataru oinsa atu hamate ho maneira hasai ka uza tabaku been hodi rega”. Americo haktuir
Neduni ho esperesnsia ne’ebé mosu, ita prepara iha planu ba oin ba area afeitadu sira ita sei apoiu ba fatin ne’ebé infeksaun maka’as hodi fó pestisida kimiku hodi halo prevensaun, ba area sira ne’ebé mak ladun bele uza makanismu seluk.
Iha Kampaña Nasionál ne’e loke video atividade ne’ebé mak Ministériu hamutuk ho parseiru dezenvolvimentu sira hala’o durante ne’e iha komunidade sira nia toos oinsa halo prevensaun ba Pesti Lakataru, no meius oinsa maka atu hakiak animal (Fahi) atu labele ataka hosi Pesti Suina Afrika (African Swine Fever).
Partisipa iha atividade ne’e mai hosi parseiru dezenvolvimentu Australian (MDF), reprezentante FAO no no mós Diretór Jeral sira.
Facebook Social Comments
