Notisia

Servisu Peskiza Estasaun Ululefa no Estasaun peskiza Aileu aktividade la’o ho normal

Estrela inativaEstrela inativaEstrela inativaEstrela inativaEstrela inativa
 
Fotografia/Reno/INFO-MAP
Ainaro - Diresaun Nasional Peskiza hala’o Monitorizasaun ba atividade iha estasaun peskiza ululefa no estasaun peskiza Aileu inklui haree siatusaun real iha Kampo tanba ho dezastre naturais ne’ebe mak akontese iha (4/4) liu ba estraga ekipamentu balun iha estasaun pekiza entaun atividade balun lebele la’o.
 
Monitorizasaun ne’e hala’o iha loron Sesta feira 7/05/2021. Atividade ne’e hala’o iha estasaun peskiza Ululefa no estasaun peskiza Aileu.
 
Armindo Moises, Koordenador peskiza estasaun Ululefa informa katak, estesaun peskiza Ululefa nu’udar fatin ida ne’ebe prepara kondisaun para ba futuru posibilidade bele sai mós nu’udar sentru peskiza ida.
 
Armindo haktuir estasaun peskiza Ululefa fatin peskiza ne’ebe estabelese hosi MAP, fatin ida ne’ebé maka iha elevasaun aas maka estasaun Ululefa.
 
Neduni fatin ne’e peskiza kona-bá ai-horis espesifiku sira ne’ebe maka bele moris iha elevasaun aas hanesan Koto, Fehuk Ropa, implementa mós Trigu no la taka dalan mos ba ai-horis sira seluk.
 
Hosi rezultadu peskiza ami implemengta iha ne’e maka ai-horis sira ne’ebe maka parensi elevasaun aas inklui mos elevasaun mediu iha ne’e variedade barak mak ita lansa ona ne’e susesu fatin nida ne’e ibnklui dadus ne’ebe maka fornese husi estasaun peskiza Ululefa.
 
Armindo esplika, Obstalu ne’ebé ami hasoru akontese inundasaun iha fulan ida liu ba mota sobu lutu protesaun estasaun peskiza Ululefa ne’e hanksobu tia ona kuaze metrus 100 ate agora seidauk halo renovasaun tanba ne’e mak foin dadaun bee mota ne’e tun tan no sobu lotu sira ne’e agora baku fila tun hotu ba mota laran.
Fotografia/Reno/INFO-MAP
 
Armindo rekomendasaun ba iha Diresaun Peskiza tenke esforsu para bele halo lalais lutu ne’ebé mak monu no tau bareira lalais para hodi proteje ita nia Rai ne’e kuandu la proteje Rai ne’e maka udan mai tan Rai sira ne’e sobu ba bebeik.
Maria Martins nu’udar peskizadóra estasaun Aileu esplika, Aktividade ne’ebe mak durante ne’e Diresaun hala’o maka halo hela steck Sabraka ho Abokati, Sabraka lubuk ida mak fuan ona.
 
Maria Haktuir, prolema ne’ebé mak durante ne’e sira hasoru bee ahi no lutu, tanba ai-horis ne’ebe diak presija lutu ida ne’ebe diak, nune’e ai-horis sira labele hetan estragus.
Neduniuluksei kopera ho seed of life ita rekomenda ai-horis lubuk ida hanesan Ai-farina, Forerai maibé to’o agora ita labele halo kontinuasaun tanba fatin mak ladun seguru maibé iha fatin seluk ai-oan balu konsege dika e halo lansamentu ona.
 
Hatan ba asuntu ne’e, Diretór peskiza Deolindo de Oliveira hateten ita nia Ministériu desde inisiu iha tempu seed of life intrega mai Ministériu ita ladun iha focus ba iha atividade peskiza ne’ebé mak ita hala’o ne’e maibe ita haree no koko planu ruma ita bele responde lai buat ne’ebe mak urjente iha ita nia estasaun sira ne’e, ezemplu ita hotu haree lutu no bee iha problema ita haree no halo planu ba ida ne’e.
 
iha Funsionáriu destakadu iha estasaun Ululefe hamutuk nain haat nain ida permanente nain tolu kontratadu.

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login