Manufahi- Diresaun Nasionál Peskiza e Estatistika hala’o Inkontru ho funsionáriu peskizador sira hodi rona funsionariu sira nia prekupasaun no difikuldade ne’ebe sira hasoru iha sentru peskiza Betanu, Atividade ne’e hala’o iha loron Qinta feira( 6/05/) iha salaun Inkontru sentru peskiza Betano Munisipíu Manufahi.
Diretor Nasionál Peskiza, Deolindo de Oliveira, hateten, Objetivu enkontru ne’e atu rona preokupasaun staf peskisadór inklui atu haree dereta atividade no servisu funsionáriu sira nian durante ne’e.
Nia hatutan, Sentru ne’e rasik ita haree Ekipamentus balun komesa aat ona, ita presija hadia no balun presija aumenta nune’e servisu peskiza nian ne’e bele lao ho diak bazeia ba planu programa peskiza nian
“Iha hau nia mandatu ne’e ha’u hakarak sentru peskiza ne’e hakarak lao diak liu e maske funsionariu hetan difikuldade tanba falta ekipamentus maibe pelems sira servisu ho konenti ”. Tenik Deolindo
Iha sorin seluk, Rafael Feliciano nu’udar Koordenadór Sentru Peskiza Betano esplika, Objetivu inkontru ho Diretór peskiza hanesan diretor foun vizita ami nia sentru peskiza betanu hodi haree direta atividade ne’ebe durante ne’e ita hala’o iha sentru peskiza iha ambitu Covid-19.
Rafael realsa, durante ne’e ami hasoru iha sentru ida ne’e liuliu ba instrumentu hanesan Trator, Kareta, Motor no ekipamentus no ekipamentu balun mós hahu avaria ona, neduni ami espara katak ho prejensa Diretór iha fatin ne’e atu bele haree direta sitausaun no kondisaun sentru ne’e rasik atu nune’e ba oin buat hotu sei kompleta tuir orsamentu ne’ebe mak iha.
Durante ne’e atividade barak mak ami hala’o huhu hosi tinan 2018 maske ho orsamentu duadesimo maibé ami nafatin hala’o servisu ho ita -nia osamentu ministériu nian no ajuda husi mos parseiru Ai-Com iha sentru ne’e, ami bele jere ba hodi hala’o atividade sira ne’e
Nia hatutan, hahu estabelese sentru ne’e ami kuda variedades barak mak hanesan, batar, hare, forerai, koto ne’e ami halo testu adptasaun iha ne’e iha tempu 2005 - 2017 iha variedade barak mak ami rekomenda ona mak hanesan hare, ai-farina, batar nai, sele no noi mutin inklui forerai.
Maske ho orsamentu ne’ebé mak limitadu tebes maibé peskisadór sira iha sentru peskiza hala’o atividade nafatin iha kampu, durante ne’e sira halo peskiza hanesan peskiza Agronomia ba ai-horis batar, fore munngu, duhaen, koto mean, Tunis, inklui habarak fini breeder seeds ba batar sele.
Durante ne’e sentru peskiza Betanu peskisador sira halo peskiza kona-ba ba fini variedade hanesan, fini Forei Rai variedade 15 varidade ida halo ona lansamnetu ho Naran Utamua, Fehuk Midar iha Variedade 12 halo ona lansamnetu variedade oin tolu; Hohorae 1,2 ho hohorae3, Aifarina iha variedade oin 25 halo ona lansamnetu va variedade oin 2 maka; Ailuka 2 ho Ailuka 4, batar iha variedade oin 22 halo ona lansamentu ba variedade 3 maka; Sele, Noi Muntin ho Nai, fore munggu iha variedade oin 3 rua halo ona lansamentu maka; Lakateu ho Kiukai, Koto mean iha variedade 88 seidauk halo lansamnetu tanba sei iha hela testu adptasaun ho testu multilokasi, Peskiza mos kona-ba Duhaen, Tunis iha variedade 10 seidauk halo lansamnetu tanba sei iha testu adapatasunn inklui hare variedade 20 maibe foin halo lansa variedade 1 maka Nakroma no dadaun ne’e sira kontinua dala peskiza kona-ba fini foun no testu rai.
Rezultadu hosi Sentru Peskisa Betano ne’ebé hetan varidedae ne’ebe fó produsaun diak no áas no mós adapta ho klima Timor.
Batar Sele Breeder 2020, Batar Sele Breeder 2021, Koto Mean Atsabe Centro betano 2020, Fore Munggu kiukai iha Natar akadiru oan 2020, Peskiza Fore Rai iha Balde 2021. Sukat Fore rai nia as kada semana rua.
Facebook Social Comments
