Notisia

Diresaun Násional Peskiza e Estatistica Halo Monitorizasaun Ba Atividade Iha Sentru Peskiza Loes

Estrela inativaEstrela inativaEstrela inativaEstrela inativaEstrela inativa
 
Fotografia/Reno/INFO-MAP
Likísa - Diresaun Nasional Peskiza hala’o Monitorizasaun ba atividade iha sentru peskiza inklui hare siatusaun ril iha kampo tanba ho destre naturais ne’ebe mak akontese iha (4/4) liu ba estraga fasilidade balun iha sentru pekiza entaun atividade balun lebele lao, monitorizasaun ne’e hala’o iha loron Tersa feira 4/05/2021. Atividade ne’e hala’o iha sentru peskiza Loes Munisípiu Líkisa.
 
 
Diretór Peskiza Deolindo de Oliveira iha nia intervista hatete katak, Objetivu halo monitorizasaun ba iha sentru peskiza loes ne’e atu hare kondisaun sentru peskiza nian oinsa mak sentru ne’e funsiona ho diak oinsa atividade peskiza nian ne’e lao ho diak no ativu fali peskiza maske iha situasaun ida agora ita infrenta hela surtu covid 19 no dezastre naturais, ita presija transforma fali ita- nia aktividade ne’e iha sentru liu-liu kona-ba aktividade Peskiza ba fini no melhoramentu ba iha fini.
 
Nia hatutan, Rezultadu hosi monitorizasaun ba iha kampu ohin ita haree ho matan foin dadaun iha akontesementu inundasaun ne’e kuaze rai no lutu ne’ebe hetan estragus hosi mota ne’ebe afeita makaas tebes, Diresaun presija halo aprosimasaun liu-liu iha nivél altu no hato’o ba superior sira oinsa mak it a bele hadia fila fali kondisaun lutu sentru nian ne’ebe hetan estragus, tanba ita atu hetan buat diak fini diak, ai-han diak, seguru no dignu ne’e ita presija hadia ita nia kondisaun sentru para ita- nia peskiza ne’e lao,
 
liga ho hahan ita laos hetan lalais de’it maibé ita presija tempu no hadia ninia kondisaun no fini ne’e melhoramentu diak no fini diak ita bele lansa ba ita nia kumunidade ne’e bele kuda para hetan produsaun ne’ebe mak diak ho ninia valór mos diak no kapas.
 
Diretor ne’e reasa liu tan, Liga ba iha orsamentu kona-ba peskiza nian diresaun Peskiza seidauk iha serteza ba iha fundus ka seidauk hetan orsamentu ida para atu hala’o aktividade peskiza nian hanesan bai-bain mesmu proposta diresaun submete ona ba iha Diresaun Nasionál Administrasaun e Finansas MAP no halo prosesu ona mais nestemomentu ami seidauk hetan osamentu refere maibe sei iha prosesu nian laran no diresaun nafatin hein orsamentu refere p ita hein semana ida ne’e ou semana oin ita bele hetan orsamentu ne’e hodi bele ezekuta.
 
Planu ba tinan oin sei halo manutensaun ba iha ita nia edifisiu iha sentru peskiza loes ne’e ita hakarak buat hotu diak ita mós tenke halo planu ne’ebé maka diak tanba dadaun ne’e edifisiu balun mós komesa at ona e ita presija renova fali edifisiu ne’e rasik tanba edifisu ne’e konstrui hahu hosi 2008 to agora.
Fotografia/Reno/INFO-MAP
 
Iha fatin ahanesan, José da Costa Freyjer koordenador sentru Peskiza Loes informa katak, iha sentru peskiza loes halo aktividade barak iha ninia progresu iha mos ninia problemas, progresu ne’ebe mak halo iha sentru peskiza loes ne’e halo buat lubuk ida ona hahu husi 2008 ate to’o agora, sentru ne’e rasik produs ona fini variedade 10 ne’ebe mak agora dadaun ita nia agrikultór sira uza mak hanesan Batar sele, noi mutin, ailuka 1, ailuka 2 no ailuka 4inklui mos forerai utamua, foremungu lakateu no kiukai, ida ne’e mos ita kuda hotu iha sentru ne’e ida ne’e mak ninia bantajen diak no ninia progresu diak iha sentru peskiza loes.
 
Nia salient tan, Servisu iha sentru peskiza loes laos de’it peskizadór mesak maibé ita servisu hamutuk ho diresaun diretiva nasional hodi alkansa no eleba ba sentru peskiza ida ne’e ba oin, problema ne’ebe mak ami hasoru iha sentru loes ida ne’e mak liu-liu kondisaun lutu ne’ebe mak ladun diak ona no bele prejudika ba ai-horis ne’ebe mak iha sentru laran.
 
Ekipamentus ne’ebe mak iha sentru laran balu at ona oinsa mak bele suporta sentru peskiza ne’e ba oin makina balu avaria ona hanesan tratór ho ninia konjuntu matrial hanesan kapinazen no seluk-seluk tan ida ne’e mak sai obstaklu bot ba a mi peskizador sira.
“ Edifisiu iha sentru peskiza loes desde uluk fini ba moris establese iha ne’e iha 2009 ate agora seidauk iha manutensaun no seidauk iha rehabilitasaun entaun ida ne’e mos prejudika ba peskizador ne’ebe servisu iha ne’e, tanba ha’u dehan ida ne’e se wainhira uma at no kondisaun ladiak staf sira mos la iha vontade diak atu halo peskiza”. Tenik José
 
Iha sentru peskiza ne’e totál area 23 haktares rai ne’ebe mak ita utiliza 18 hektares rai ne’ebe mak fila ona ne’e, ita atu habarak fini nomos halo peskiza ba iha epoka bailoro nian
 
Totál funsionariu ne’ebé destaka iha Sentru Peskiza Loes hamutuk 19 pessoas
Funsionariu kontratadu hamutuk 12 no permanente hamutuk ema nain 7.

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login