Hera- Ministéiru Agrikultura e Pescas (MAP) hamutuk ho Ministru Petroleú Minerais nomos parseiru Dezenvolvimentu world Food Programme (WFP) fó apoiu umanitariu hanesan Nesesidade básica ba komunidade sira ne’ebé mak hetan afetadu inundasaun foin lalais ne’e.
Atividade refere hetan partisipasaun hosi Ministro Agrikultura e Peskas, Ministro Petroleu Minerais Victor da Conceicão Soares, world Food Programme (WFP) Dageng liu, apoiu hirak ne’e hala’o iha loron Segunda-feira (26/04) iha Aldeia Ailoklaran Suku Hera Posto Adminitrativu Metinaro Munisipiu Dili.
Tuir Ministro Ministru Agrikultura e Peskas, Pedro Dos Reis hateten katak, vizita ida ne’e atu bele haree fatin inundasaun hodi haree direta area afeitadu sira hanesan komunidade sira nia to’os ho natar sira ne’ebe maka hetan estragus hosi mota boot no be sae.
“Ami hamutuk haree ba area afetadu sira hanesan mota sobu hotu komunidade sira to’os, natar inklui uma, no ami mós haree ona oinsa atu bele foti medidas konaba problema hirak ne’e maibé ami mós rona katak rai refere sei iha disputa ho linas Ministeriais seluk, tanba ne’e presiza halo komunikasaun ne’ebe maka diak entre komunidade ho Ministeriu Kompetente.” Hateten Ministro Pedro
Nia hatutan, hanesan membru governu, sira mos esforsu oinsa atu koalia no foti medidas ne’ebe mak Ministériu ou governu bele foti hodi bele normaliza lalais situasaun sira hanesan ne’e, tanba komunidade sira mós presiza moris.
Iha fatin hanesan komunidade afetadu, Joaquim Freitas, husu ba governu atu lori escavator hodi bele hamos tiha ai no fatuk sira ne’ebe maka nakonu hela iha natar no toos nia laran, atu nune’e sira bele kontinua aktividade halo toos no natar.
Nia hautan, Hanesan komunidade afeitadu ba inundasaun, ami hakarak hato’o Agradese ba apoiu ne’ebe maka ami hetan ona hosi MAP no parseiru sira, ami mos hakarak husu atu atende lalais bareira sira ne’ebe mak hetan estragus, atu nune’e ami bele hala’o ami nia atividade hanesan baibain nune’e bele tahan be’e iha tempu udan.
Alende ne’e, depoisde entrega apoiu umanitaria ba komunidade afeitadu, Ministro hamutuk parseiru Dezenvolvimentu akompanha ho nia komitiva kontinua kedas vizita mós fatin ne’ebé afetadu.
Facebook Social Comments
