Díli-Ministériu Agríkultura e Peskas (MAP), Distribui apoiu umanitaria Ba Vítima Dezastre Naturais iha sentru afeitadu sira, apoiu hirak ne’e hirak ne’e entrega direita hosi vice Minístru Agríkultura no Peskas, Abílio Xavier de Araújo, hamutuk ho Sekretario Estadu Peskas no ekipa (MAP), ba Sekretario Estadu Protesaun Civil iha loron 06/April, asuntu ne’e hato’o hosi Vice Minístru Abílio Xavier de Araújo loron 07/3 hafoin halo limpeza ba uma familia vítima inundasaun iha area mota Comoro.
Iha intervista, Vice Ministru Abílio Xavier de Araújo esplika, apoiu hirak ne’e entrega ona ba parte protesaun sivil e sira mak sei fahe direta ba vitíma dezastre naturais sira.
Nia realsa, Ita hotu haree ho matan buat barak akontese, povu barak tenki lakon nia uma, lakon vida neduni estadu tenki urjente hodi haree ita-nia povu barak ne’ebé infrenta dezastre refere.
MAP loron hira ba kotuk ita kria ona kondisaun balun ne’ebé tuir kapasidade Ministériu nian hanesan iha loron 06/4 (Tersa), Distribui ona ai-han atravez hosi Sekretaria Estadu Protesaun Civil, ha’u rasik ho Sekretária Estado Peskas entrega ba Sekretaria Estadu Protesaun Civil para apoiu ba komunidade vítima ba inundasaun ne’ebé mak sai refigiadu iha fatin sira ne’ebé kolokadu ona”. Vice haktuir
Nia hatutan, Hahan apoiu ne’ebé entrega ba Protesaun sivil hodi distribui ba vítima sira ne’e iha tipu sanulu resin ida (11), hanesan, Fos,forkeli,foremungu, koto, ikan, naan, mina bimoli, inklui nesesidade seluk ne’ebé Ministériu produs.
Apoiu umanutaria ne’ebé mak distribui ona ba fatin afeitadu kuaze toneladas tolu, liu hosi Sekretaria Estadu Protesaun Sivil, nune’e mós hosi Diresaun Nasionál Florestas fornese mós ai-maran toneladas sanulu resin ida (11), ba sentru afeitadu sira,nune’e sei kontinua foti aimaran hosi Tibar atu distribui mós ba komunidade no estudante afeitadu iha area mota Comoro, Balide no fatin seluk tan.
Iha fatin hanesan Diretóra Jéral Agríkultura, Odete Maria do Ceu esplika, MAP apoiu ona Ai-han balu liu hosi Sekretario Estadu Protesaun Sivil sira hodi entrega ba sentru refugiadu.
Odete haktuir, atu garantia katak hahan ne’ebé mak Ministériu Apoiu ne’e ho kualidade diak, tanba hanesan Ministériu ita presija tulun maluk sira liu hosi buat ne’ebé ita bele, nune’e atu garantia hahan ne’ebé saudável mak Ministeriu apoiu hahan sira hanesan fos, forekeli no hahan seluk maibé la fó hahan tasak.
Nune’e MAP sei iha planu halibur sasan báziku ruma hanesan ropa, ou sanan sira ne’ebé iha uma sei diak no la uza sei kontinua distribui ba sentru afeitadus sira.
