Likisa - Ministru Agrikultura no Peskas (MAP) hamutuk ho Diretór Jerál iha  Diresaun Jerál lima (5) no Diretór Nasionál sira hala’o workshop kona-bá konsultasaun no elabora Planu Estratejiku Dezenvolvimentu (PED) ne’ebé maka bolu Mega Programa ba Tinan 2021-2025,  Workshop   refere hala’o iha loron kinta-feira (4/03/21) iha Salaun Sentru Treinamentu Tibar.

Ministru MAP, Pedro dos Reis  iha nia diskursu,  ohin ita hasoru malu iha situasaun siatuasaun serka sanitariu Covid-19,  estadu emerjensia hela ministériu agríkultura no peskas ita koko nafatin oinsa ita halibur malu hodi hare fila -fali planu estratejiku. Objetivu prinsipál hosi Workshop ida ne’e atu prepara planu ne’ebé prioridade Iha Ministériu nian  ne’ebé sei implementa iha planu estratejia Dezenvolvimentu Nasionál Ministériu ba tinan  2021-2025, neduni atividade sira ne’e sei tau hamutuk, atu haree programa sira  ne’e ho naran mega Programa.

Nia hatutan, Planu estratejiku tuan remata ona, no ohin ita tenke hahu fila-fali planu estratejia foun ho biban ida ne’e,  ha’u fo hanoin katak  ohin bele ita-hotu  fokus lai tau hanoin liu-liu ba ita nia profesionál sira no diresaun nasionál sira hotu hodi  bele elabora planu estratejiku ida ne’e, tanba iha planu 2021-2025 tuir posibilidade saída mak ministériu bele halo ba iha oin.

Iha fatin hanesan,  Diretora  Jerál Agríkultura, Maria Odete do Céu Gueterres informa katak, workshop ne’e atu iha diskusaun teknika tanba ne’e kontinuasaun hosi enkontru pre-eliminaria sira hala’o tiha ona, iha ida konsulta kada diresaun ho konsultór FAO nian depois iha dia (24/2)  reuniaun tekniku ne’e tanba ne’e mak ita hakarak ohin ne’e ita hotu konsentra iha fatin ida ne’e ita hotu-hotu tau ideias jerál atu nune’e ema ida elaborano  lao tuir buat ne’ebe ita propoin ba tinan oin.

 Nia realsa katak, Ita haree  kada diresaun jerál hato’o ninia planu implementasaun nia atinjimentu ne’e to’o iha ne’ebe,  responde metas ne’ebe hatur ona iha Planu Estratejiku Dezenvolvimentu (PED) tinan 2012-2030  ka la lae, nia atinje ona hosi ita- nia planu estratejiku MAP ninian 2014-2020 ka lae, se seidauk atinji tanba sa! Saida mak ita propoin ba tinan oin para tau iha ita nia planu boot planu hanesan  Planu estratejia map  2021-2025 iha futuru.       

Iha Workshop ne’e, marka prezensa mos husi, Food Agriculture Organization (FAO) no  diretór  jerál sira  inklui diretór  nasionál  sira hotu. (Reno)