Ermera- programa kuda hare ne’ebé maka Ministériu Agríkultura no Peskas (MAP) hala’o durante ne’e ho objetivu atu hasa’e produtividade hare iha rai laran atu bele asegura ai-han iha sitausaun saida de’it maka ita hasoru, neduni MAP liu hosi Diresaun JeráL Agríkultura no Hortikultura lansa kuda Hare Hetares 76 ba Primeiru Epoka, hamutuk ho grupu Agríkultór Sira Iha Aldeia Saré, Suku Asulau, Postu Administrátivu Hatolia, Serimónia lansamentu ne’e ofisialmete lansa hosi Minístru Agríkultura no Peskas (MAP), Pedro dos Reis, iha loron kinta, 25/02.
Ministru Pedro dos Reis iha nia intrevista hateten, Durante ne’e Timor-Leste hasoru hela Covid-19 hodi limita tebes atividade hotu, Tanba ne’e governu foti medidadas ida mak planu Rekoperasaun Ekonomia, liu hosi Sesta Bázica hodi orienta sosa produtu lokál maibé lato’o. Neduni MAP liu hosi Diresaun Jerál Agríkultura no Tekniku hotu orienta grupu Agríkultura sira kuda hare, atu nune’e bele hasa’e produsaun Rai laran, bainhira covid-19 afeita nafatin pelumenus bele asegura aihan iha Rai laran.
Pedro hatutan, Natar ne’ebé eziste iha area Saré totál Hetares Atus Haat Resin,dadaun ne’e ita lansa kuda hare hektares lobuk ida.
“Skema irigasaun iha hela prosesu nia laran, ba oin MAP esforsu ona hodi bele hadia Skema Irigasaun sira, nune’e bele resolve problema ne’ebé sempre estragus husi inundasaun”. Akresenta Pedro
Iha fatin hanesan, Armando Martins Soares nu’udr Natar na’in esplika, Irrigasaun ne’ebé durante ne’e sira uza funsiona desde tinan 2012 to agora, maibé hetan estragus hosi inundasaun, neduni kuaze hela Irrigasaun 50 cm de’it para Irrigasaun monu ba mota laran.
Nia hatutan, ho prezensa MAP nian bele haree dereta komunidade Agríkultura sira nia servisu kuda haree no dezafiu sira, atu hasa’e produsaun Rai laran presiza ekipamentu ne’ebé diak,tanba ne’e sira husu ba MAP atu fó mós ba sira Escavatór ida ba sira nune’e sira bele salva guarda Irigasaun iha tempu udan,tanba ekipamentu durante MAP apoiu ne’e maka Fini, Aimoruk no Ekipamentu sira maibé ne’e lasufisiente.
Iha sorin seluk, Estensionista Ermelindo Ximenes Esplika, serimonia ne’e hanesan parte lansamentu ba kuda hare, maibé sei iha prosesu lobuk ida mak estensionista sira nafatin atu tau matan ba grupu Agríkultór sira, hanesan Manutensaun, Bee, Pesti no moras sira tanba ne’e responsablidade estensionista sira nian ne’ebé destaka ona iha Asulau Saré durante tinan hira nia laran.
Ermelindo haktuir, durante ne’e mesmu hasoru difikuldade maibé Estesionista nafatin servisu hodi fó apoiu ba grupu Agríkultór iha parte apoiu Fini, Mina no halo Jestaun ba Tratór sira.
Hafoin remata lansamentu kuda hare, Ministru Pedro dos Reis akompaña hosi Diretóra Jerál Agríkultura, Odete Maria do Ceu, Diretór DNEA, Oscár Monteiro Gonçalves, Diretór Munisípiu Ermera, Diretór DNAH, Diretór Finansas, Diretór Munisípiu Líkisa, Autoridade Lokál, Lia nain no Komunidade iha Suku refere hodi halo mós vizita ba Natar iha Saré-Asulau no hetan Seguransa Maximu hosi PNTL Munisípiu Ermera. Fyna
