Dili- Food and Agriculture Organization (FAO) no Minitériu Agrikultura hala’o  Workshop ba kargu Xefia no Staff sira hosi kona-bá Monitoring and Evalution System (MES) dijitál  oinsa atu bele aplika iha futuru.

Objetivu hosi sistema monotorizaun no avaliasaun ne’e hanesan maneira ida atu oinsa Diretór Jerál sira bele hatene nia definisaun no indikadór ho sistema nia lalaok hodi implementa no fasilmente hodi halo desizaun ruma ba ita-nia programa sira ne’ebé define ona. Hateten project Coordinator FAO, Nelson Pinto Tou Loron Tersa (16/02) iha Salaun MAP Comoro.

Nelson esplika, Formasaun ne’e hala’o de’it iha MAP ,tanba sistema ne’e MAP nian, formasaun ne’e iha parte rua ida kona-bá (TOT, training of Trainer) nomos sistema iha indikadór atu nune’e  bele hatene oinsa halo levantamentu  dadus ba progresu hosi programa ne’ebé mak implementa.

Nia akresenta, FAO hanesan implementadór ba sistema ne’e, hetan finasiamentu hosi Banku mundial liu hosi projeitu SAPIP ne’ebé mak iha  MAP   nia okos hafoin FAO implementa ba Sistema ida ne’e, monitoring and evalution system.  

Agora ne’e ita kria formasaun ba levantamentu de dadus husi dadus sira ne’e mak ita hatene kada programa ne’ebé implementa nia kuantidade produsaun sae ka tun, kada programa sira susesu ka lae e oinsa liu hosi sistema foun ne’e ita bele hatene.

Nia hatutan,  formasaun ne’e prioridade liu ba kargu xefia sira para sira hatene, oinsa mak bele utiliza softwear ne’e, tanba ne’e mak breafing sira iha ne’e para ita mós bele halo fali definisaun fali ba indikadór ida outcome ne’e no indikadór ida seluk.

 Iha fatin hanesan, Diretóra Jéral Odete Maria do Ceu hatete, Sistema ne’e diak teb-tebes ba Ministériu Agríkultura (MAP), para ita halo Monotorizaun no avalisaun  ba programa ne’ebé  ita implementa.

“osamentu hosi atividade ida ne’e hosi projeitu Sapip maibé FAO mak Jere, depois iha ita- nia programa officer, kada diresaun nomeia nia ema atu tuir, formasaun hanesan (ToT treinador dos Treinadores)”. Odete akresenta

Diretora Jerál ne’e mós esplika, kursu ida ne’e intensivu ida, hanesan FAO kontrata espesialidade Timor oan nian iha  area IT ne’ebé high level mak mai hanorin ita- nia funsionariu ka xefia sira oinsa mak hatama dadus  tuir planu asaun anual, oinsa tau nia indikadór sira ne’e, inklui  metas no osamentu sira bele dehan sistema klik,tanba dadus hotu input iha laran ne’e fasilita tebes ema atu halo evaluasaun.

Odete hatutan kuandu sistema ne’e ema ruma hakarak halo mundasa tenki responsabliza to ema ne’ebé halo aprovasaun final ne’e hotu-hotu tau nia asinatura elektronik nune’e fasilita tanba hanesan funsionariu públiku liliu nivél kargu xefia asuntu ki’ik lao boot sempre ba CAC ho Ministériu Publiku atu nune’e bele ba justifika.

Kursu  hahu iha tinan kotuk,  kada diressaun nomeia ema nain rua hodi aprende finalmente ohin simu sertifikadu ne’e hanesan avalisaun ida ne’ebé diak tebes. (Fina)