Díli-Ministériu Agríkultura no Peskas (MAP) liu hosi Diresaun Jéral Coperasaun Dezenvolvimentu Institusaun konvoka reuniaun konsolidasaun ida ho Funsionáriu hosi Diresaun Nasionál Estensaun Agríkola (DNEA) hodi haree no rona servisu no planu Diresaun nian.
Iha reuniaun ne’e iha mós staff barak maka hato’o sira nia lamentasaun no preokupasaun sira ne’ebé maka durante ne’e hasoru, liu-liu liga ho asuntu servisu nian, Reuniaun ne’e mós loke husi DJ CDI César José da Cruz, iha loron Tersa (09/02) iha Salaun MAP Comoro.
Tuir DJ CDI César José da Cruz hatete iha nia diskursu katak, Enkontru ohin ne’e hanesan inisiativa ida hosi staff seniores sira liu-liu Diretór Nasiónal sira atu bele rona no buka hatene kona-bá prosesu administrátivu oinsa mak foti desizaun.
“strutura foun ne’e hau hakarak esplika de’it katak Ministériu dezenvolvimentu Institusaun no kopersaun mak oinsa? tanba ne’e sei iha seminár ou workshop ida hodi nune’e bele hala’o servisu iha Minstériu ida ne’e ho diak, Diresaun Jéral koperasaun Dezenvolvimentu Institusaun iha Diresaun neen (6), ne’ebé maka tutela ba iha Diresaun ne’e nia okos, maka hanesan: DNEA, DNPE, DNSA, DNFTA, DNACCP no mos DNQBS.” Tenik César
DJ CDI hatete antes ne’e DNEA tutela iha Diresaun Nasional Agríkultura e Hortikultura, no durante ne’e Diresaun refere la estabelese, no servisu tutela hosi Diresaun Nasional Agríkultura, maibe ho Lei organiku foun, Diresaun DNEA estabelese fila fali hodi haree servisu estensionista sira nian iha baze.
César José mós apela ba Diretór no Funsionário hotu, atu leé livru manual ne’ebé mak iha, atu nune’e bele komprende hodi halo servisu, no dezenvolve Rai ida ne’e liu hosi Minstériu refere, tanba atu halo diak ba Rai no Ministériu ne’e presija ema ne’ebé mak onestu, tranparansia no nakloke, ba malu tantu iha servisu ka ezekusaun osamentu ruma.
“Tamba ne’e mak ho inisitiva sira ne’e hotu, ita hein katak iha diskusaun ne’e tantu funsionário tuan ka foun buka aprende, buka hatene no halo aprosimasaun husi ema ba ema seluk hodi hatene lalaok servisu sira.”informa DJ César
Alende ne’e Reniaun ne’e hanesan reniaun konsolidausan, hodi tau hamutuk hanoin hodi apoiu ba Diresaun ne’e, atu bele iha kapasitasaun ba iha terenu fo informsaun bá sira ne’ebé agríkultores nune’e mós ba komunidade.
Iha fatin hanesan Diretór DNEA Oscar Monteiro Gonçalves hatan ba preokupasaun funsionário sira nian katak, husi reniaun ne’e prekupasaun barak ita rona ona tanba ne’e ba oin ita koko haree hamutuk hodi hadia servisu Diresaun ne’e nian hodi halo diak liu tan.
Nune’e mos Diretór rekomenda ba ekipa implementádor sira bainhira iha atividade ruma hosi Minstériu nian, presiza envolve mós unidade informsaun nune’e bele halo kobertura ba atividade refere hodi bele fo sai ba iha Media MAP nian.
Oscar akresenta enkontru ohin hanesan enkontru dahuluk hodi rona hanoin hamutuk hosi funsionáriu sira, tanba ne’e lapromete maibe enkontru ne’e sei halo fila-fila bainhira iha nesesidade duni. (Fina)
