Dili- Funsionariu Diresaun Jerál Koopersaun Dezenvolvimentu Institusionál (DJKDI) hala’o enkontru ho Diretór  nasionál no xefe departementu inklui staff sira hotu partisipa enkontru hodi halo  konsolida diresaun hotu-hotu oinsa atu komprende kona ba ezekusaun orsamentu ne’ebé maka hala’o iha Ministériu Agrikultura e Peskas. Enkontru ne’e hala’o iha loron segunda-feira(1/2/2021) iha salaun MAP Comoro.

 Diretór Jerál  Koopersaun Dezenvolvimentu institusionál, César José da cruz hafoin remata enkontru jerál ne’e ba ekipa Informasaun MAP hateten katak, Ne’e hanesan enkontru dahuluk diersaun jerál 6 ne’ebé mak tutela iha DJKDI ba ezekusaun orsamentál tinan ida ne’e, segundu atu konsolida mós funsionariu hotu-hotu kona ba lalaok servisu nian inklui lei funsaun publika, tanba koalia kona ba programa siknikfika  koalia kona ba ezekusaun nomos rezultdu.

Nia hatutan, ohin tama ona fulan fevereiru orsamentu estadu ne’e ita presija haree liu-liu  proposta sira ne’ebé mak koalia kona ba konstrusaun, kapitál minor ne’e presija lalais e ha’u hein katak hotu-hotu hola inisiativa atu bele asileira prosesu sira ne’e hotu.

Nia realsa katak, kona-ba prosesu sistema iha Ministériu Ha’u hanoin la iha implikasaun bo’ot liu tanba se ita asileira depende mós ba  boa fe ka boa governasaun ne’e presija neduni ita labele haree ba birokrasia ne’ebe naruk maíbé oinsa maka fasilita servisu ne’e atu bele hotu lalais iha responsavél ne’ebe mak iha kada diresaun jerál nian, Tenik Nia

Iha Enkontru jerál ne’e hetan partisipasaun maximu husi funsionariu Diresaun Nasionál hotu-hotu Diretór Nasionál inklui Xefe Departementu. (Tyfa)