Dili- Ministériu Agríkultura e Peskas ho Ministériu  Administrasaun Estatal hala’o ekontru kona-ba oínsa atu elabora  Diploma Konjunta  Ministerial atu bele sai baze legal ida ba servisu aktu admintrasaun sira iha Munisípiu atu nune’e dirijentes ministériu  Agrikultura bele orienta  Administradór no presidenti  autoridade sira kona-ba servisu Agrikultura  iha munisípiu idak-idak.

Ministériu estatal hala’o enkontru ne’e ho membru guvernu sira iha kada ministériu hodi koalia kona-ba funsionamentu adminitrasaun  lokál estadu no funsionamentu agrikultura minisipal sira tanba dadaun ne’e iha administrasaun rua maka hanesan administrasaun sentral estadu no adminitsrasaun lokál estadu, neduni munispiu hanesan orgaun administarsaun lokál estdau nian ne’ebé  maka  bele hala’o servisu hotu-hotu  administrasaun sentral  nian mak deskontrasaun iha nivél munisipiu sira, tanba  administradór ka presidenti autoridade iha munisipiu ne’e hanesan reprejentante governu  iha minisípiu sira atu bele ezekuta servisu iha area Saude, Agrikultura e Peskas , Turizmu, edukasaun no area seluk tan. Lia hirak ne’e hato’o hosi  Ministru  Administrasaun Estatal, Miquel de Carvalho,  banhira hala’o enkontru ho  Ministru Agrikultur no Peskas to’o nia Diretór nasionál sira iha  loron kinta-feira(21/1/2021) iha salaun MAP Komoro.

 Nia hatutan, liu hosi enkontru ida  ne’e atu informa ba dirijentes hotu iha MAP  kona-ba estratejia desentralizasaun ne’ebé  mak guvernu adopta iha oitavu guvernu konstitusionál, neduni iha estratejia ne’e iha fase tolu primeiru maka fase deskonsentrasaun administrativo  hahu iha 2016 ne’ebé maka seidauk konklui no fase tuir mai maka desentralizasaun instituisionál forma  administrasaun indireta ba governu no ikus liu maka fase administrasaun territorial ne’e hanesan presidenti kamara minisipal sira no  asembleia  sira iha munispiu ne’e povu maka sei hili dereta   maibé ita  seidauk to’o iha nivél ida ne’e.

 tanba sei iha fase responsabilidade administrasaun entaun guvernu sentral tenki garante katak administrasaun munisipal  no autoridade sira iha kompetensia ida ne’ebé  maka naton  durante ne’e iha ona maíbé seidauk iha rekursu umanu no finanseira ne’ebé maka sufisiente atu nune’e bele ejerse kompetensia ne’ebé mak guvernu sentral deskonsentra ona ba sira iha tinan 2016  to’o ohin loron katak miunisípiu sira seidauk bele hala’o funsaun sira ne’e ho diak.

Ministru mós   husu ba dirijentes ka diretór MAP sira atu orienta  dirijentes sira ida iha MAP  nian atu bele   halo diskusaun kona-ba Diploma ministerial konjunta  no ikus mai direjentes no  Diretór sira tenki orienta administradór sira tanba sira hanesan reprejentante governu sentral  iha munisípiu sira kona-ba servisu agrikultura nian, informasaun hirak ne’e MAE kanaliza ona ba sira atu nune’e bele fasilita ita atu halakon problema dualizme  lideransa liu-liu banhira ne’e akontese,  servisu agrikultura minisipal sira iha kapasidade  natoon atu hala’o misun Ministériu Agrikultura nian iha munisipiu sira no kompetensia  sira ne’ebé mak MAP seidauk iha hanoin atu deskonsentra iha munispiu atu kontinua nafatin iha nasionál maibé karik mak hakarak deskonsentra ba munispiu iha  dalan atu resolve liu hodi dalan akordu entre organika atu fó kompetensia ba munisipal sira.

 Iha fatin hanesan Minitru Agrikultura no Peskas, Pedro dos Reis realsa katak bainhira hala’o visita ba munisipiu sira   hasoru duni problema  dualismu  maibe ne’e  laos sai kestaun boot ida maibé ba oin MAP ho MAE tenki planu iha tempu badak tenki halo duni akordu diploma ministerial konjunta neduni ba oin servisu ne’e lao diak liu tan tanba  planu ministeriu nian ne’e tenki hasa’e produsaun iha area agrikultura neduni  extensionista sira maka sai savi  ba susesu  ba MAP iha baze.

Neduni liu hosi enkontru ne’e koalia konaba dekretu lei numeru 3/2016 inklui mós atu resolve problema sira ne’ebé maka mosu hanesan dualismu durante servisu MAP nian iha  munispiu maibé balun lao ladun klaru neduni   planu ba oin sei  halo akordu diploma ministerail konjutu ne’ebé mak sai baze legal ba servisu hotu iha munisípiu lao diak liu tan.

Alende ne’e Diretór Jerál Koperasaun Dezenvolvimentu Institusionál, César José da Cruz mós hatutan, problema ne’ebé mak MAP inverenta mak orsamentu ne’ebé mak la  to’o ka la sufisiente no rekursu umanu ne’ebe mak menus no tekniku  agrikultura sira iha munispiu seidauk lao diak tuir MAP nia hakarak,  neduni kulia  kona-ba hasa’e produsaun, kualidade no rendimentu ekonomika  signifika extensionista sai baze fundamental ba MAP.

Neduni MAP nia polítika  oinsa mak atu apoiu extensionista nafatin  sira maibe realidade seidauk alkansa saída mak ita hakarak, iha  dekretu lei numeru 3/2016 ne’e durante hatudu katak  iha problema  balun hosi lideransan sira ho nasionál to’o iha baze.

Polítika ministériu nian tau extensionista ida  iha suku ida maibé movimentsaun extensionista sira dalaruma ladun masimu tanba problema transporte difikulta sira atu halo servisu masimu maske durante ne MAP apoiu kombustivél ba sira maibé labele utiliza no buat sira ne’e ba hotu administrasaun munispiu neduni dadaun ne’e liu hosi enkontru ne’e atu halo aprosimasaun entre dirijentes sira atu halo esplikasaun polítika ministériu nian.

Enkontru ne’e partisipa hosi Ministru MAP , Vice Minitru, Sekretariu Estadu Peskas, Diretór jeral sira inklui diretór nasionál sira iha MAP  nomos  Ministru MAE ho  nia  kometiva. (E”S)