Bobonaro- iha loron 23/10/2020 grupu benfisiariu hamutuk 25 asina akordu ho Ministériu Agríkultura no Peskas  liu hosi projeitu hasa’e produtividade Agrikultura Sustentavel (HAPAS)  atu hetan fundus ki’ik ho objetivu hadia ekonomia uma laran liu hosi atividade hortikultura, floresta, pekuaria nomos peskas, iha suku Ritabou, postu adminitrativu Maliana.

Prezidenti komite Basias Hidrografika Loes, Zeverino Soares dos Santos, iha nia intrevista katak, grupu benifisiariu 25 iha area alvu basias hidrografika ne’ebé mak asina ona akordu  ho MAP liu hosi Projeitu HAPAS ne’ebé mak  atu hala’o  atividade tuir  proposta ne’ebé mak sira submete  iha suku ka ladeia idak –idak nia neduni husu ba grupu sira  atu tau fiar no servisu hamutuk atu nune’e bele atinje objetivu ida ne’ebé maka diak.

Grupu benifisiariu sira tenki hamutuk tanba  ho  programa fundus ki’ik ne’e bele  hala’o atividade hanesan pekuaria, hortikultura, floresta no peskas  liu hosi atividade ne’e  uma kain idak-idak  bele hadia ekonomia uma laran tanba rezultadu hosi atividade hirak ne’e bele fa’an no hetan osan.

Iha fatin hanesan, Diretór Projeitu HAPAS hanesan Sekretariu Jerál MAP, César José da Cruz  salienta katak,  totál  fundus ki’ik  kuaze $. 89, 898 milloens  ba  grupu benifisariu  hotu iha munispiu bobonaru ne’ebé mak partense ba area alvu sira  katak osan ne  bo’ot neduni tenki utilija osan ne’e ho didiak tanba  liu hosi programa fundus ki’ik ne’e grupu sira  bele hadia moris ka    ekonomia  iha uma kain idak-idak  nian liu hosi atividade hanesan hortikultura, pekuaria, floresta no seluk,  tenki iha sustentabilidade labele para iha dalan klaran.

 Tanba Orsamentu fundus ki’ik ne’e hanesan buat ki’ik ida maíbé grupu sira tenki dezenvolve liu hosi atividade atu bele halo buat boot ida iha suku ka aldeia ne’ebé mak sai alvu, munispiu Bobonaro prosesu tarde liu  kompara ho munisipiu sira seluk, e ohin grupu sira asina ona akordu neduni grupu sira tenki servisu hamutuk atu hala’o atividade tuir proposta ida-idak nian.

Grupu sira mak maneija osan ne’e liu  hosi atividade  no sei hetan asistensia tekniku hosi  estensionista iha suku  alvu sira inklui tekniku hosi diresaun servisu agríkultura iha Munispiu neduni uja  osan halo didiak ba, grupu sira mós tenki  iha transparensia ba buat hotu-hotu atu nune’e atividade ne’e bele lao diak no iha futuru mai sei hetan rezultadu ne’ebé maka positivu.

Nia mós husu ba grupu sira katak tenki produz produtu lokál ho kuantidade boot  no labele  hanoin ka tauk konaba merkadoria tanba banhira produtu ne’e barak ona grupu  sira bele faan ba kompañia sira atu sosa maibé primeiru  produz tenki han  atu nune’e bele hadia nutrisaun uma laran depois mak fa’an ba merkadu.

Tuir programa offisial fundus ki’ik, Humberto Moniz   informa liu tan katak,  Munisipiu 7 hanesan, Laútem, Ainaro, Covalima, Líkisa, Ermera, Bobonaro inklui  Oecusse  ne’ebé maka sai alvu ba  basias hidrografiku iha Timor laran tomak ne’e ho totál grupu benifisiariu  hamutuk  550  hosi totál ne’e grupu balun simu ona fundus ki’ik ba  fase dahuluk no balun tama ona ba fase daruak tanba programa apoiu fundus ki’ik ne’e entrega  kada fase laos entrega dala ida de’it.

 Nia hatutan katak, kuaze grupu benifisiariu hosi Munispiu alvu sira ne’e  hetan ona pagamentu  ba fase duhuluk no balun tama on aba fase daruak maibé grupu hirak ne’ebé maka  seidauk hetan pagamentu fundus ki’ik ne’e iha tempu badak grupu  sira sei hetan pagamentu apoiu fundus ki’ik ne’e.

Munisipiu ikus ne’ebe’ mak  hetan pagamentu fundus ki’ik  maka Bobonaro ho totál orsamentu kuaze $. 89,898 milloens no iha fase dahuluk ba grupu 25 mak ho totál orsamentu $. 34,953 mill dolares  no ba fase daruak ho totál $. 54, 945 milloens. Atividade grupu benifisiariu sira ne’ebé mak implementa ona atividade  tuir rezultadu monitorizasaun  atividade hirak ne’e lao diak tebes-tebes  no grupu balun koilleta ona no balun besik ona atu koilleta ne hatudu rezultadu ida ne’ebé mak diak tebes.

 Durante  ne’e HAPAS  nasionál seidauk simu keixa hosi grupu sira ne’e hatudu katak grupu sira nafatin solidu hodi hala’o  atividade ne’ebé mak sira halo  tuir  proposta ne’ebé mak sira submete.

Alende asina akordu, inagura mós salaun ekontru ka  uma mahon ba grupu benifiariu sira atu halo enkontru ka komunidade  suku Ritabou bele utilija ba enkontru suku nian kona-ba  atividade agrikultura ka atividde seluk,  salaun enkontru  ne’ebé hari’i  ho totál orsamentu kuaze $. 2 milloens ba projeitu konstrusaun  refere.

 Serímonia inagura no asina akordu ne’e partispa mós husi prezidenti autoridade Bobonaro hanesan mós Presidenti Komite  Basias Hidrografika Mota Loes,  Administradór posto Balibo, Diretór organizasaun Noun Govemental (ONG) Lokál Raebea,  xefe  suku no xefe aldeia, grupu benifisiariu sira nomos ekipa Hapas Nasionál. (E”S)