GRUPU BENIFISIARIU 9 IHA MUNISIPIU AINARO HETAN APOIU FUNDUS KI’IK HOSI HAPAS

Estrela inativaEstrela inativaEstrela inativaEstrela inativaEstrela inativa
 

Fotografia/Media.Gab.M/MAP

Ainaro- Ministériu  Agríkultura e Peskas liu hosi projeitu Hapas entrega fundus ki’ik ba grupu benifisiariu 9  ho objetivu atu hadia agrikultór sira nia moris liu hosi atividade ne’ebé maka grupu idak-idak hala’o  no  entrega mós  motorizada 17 ba extensionista no sekretariadu  Hapas, iha  loron sesta-feira (11/9) suku Manutasi Posto adminitrativu Ainaro.

Iha serimonia ne’e Ministru Agrikultura Peskas entrega fundus ki’ik ba grupu 9 hosi suku Manutasi   no akompaiña grupu 8 hosi suku soro ne’ebé mak asina akordo kona-ba fundus ne’e.

Ministru Agrkultura e Peskas Pedro dos  Reis iha sorumutuk semetral Konseillu Jestaun Basias Hidrográfika   Bee Lulik  Ainaro hateten katak,  prosesu programa ne’e la’o kleur oituan tanba Sistema  maka lao hanesan ne’e,  dadaun ne’e grupu sira simu fundus ne’e iha fase implementasaun atividade neduni husu ba grupu sira tenki uja fundus ne’e ho didiak  maske fundus ne’e ho kuntidade ki’ik tenki esforsu an  para  bele  susesu.

Ministru mós  agradese ba diretór sira ne’ebé maka hola parte iha programa Sapip ne’e ho sira nia luta maka’as maka  esforsu hodi la’o tuir prosesu ida ne’e, tanba banhira atu hetan fundus hosi Banku Mundial ne’e laos  fasil  maíbe ho sira nia esforsu ohin loron ita-nia grupu sira bele simu fundus ki’ik ida ne’e,  neduni  tenki servisu hamutuk  atu nune’e fundus ne’e tenki hatudu rezultadu ne’ebe diak neduni tekniku sira tenki akompaiña nafatin inan-aman sira para atu bele susesu sekarik mak grupu balun uja fundus ne’e halo fali buat seluk maka diak liu hapara de’it tanba iha Ainaro ne’e iha agrikultór barak mak atu hala’o atividade ne’e.

 Nia hatutan, Ba  estensionista ne’ebé mak atu halo monitorizasaun no  akompaiña  grupu sira ho didiak  tanba  ita-boot sira mós ohin loron simu transporte hanesan motorizada atu bele apoiu servisu iha suku alvu sira tanba dala barak timor iha nia mentalidade ida katak ha’u uja  at ha’u sei halo proposta atu hadia neduni husu ba estensinonista sira tenki uja motorizada tenki uja ho didiak no uja responsabilidade.

Fotografia/Media.Gab.M/MAP

Husu ba inan-aman sira maske  osan ki’ik maibé uja didiak ba atu bele hetan rezultadu atu bele motiva fali grupu ka komunidade sira seluk e ha’u mós  propoin katak grupu sira ne’ebé hala’o atividade diak no hetan rezultadu diak iha hanoin ida katak sei valoriza sira- nia atividade ou sei entrega sertifikadu ba grupu refere atu nune’e bele motiva grupu sira seluk inklui estensionista sira atu nune’e loron-loron servisu ne’e tenki lao,  autoridade lokál sira tenki tau matan ba atividade ne’e tanba iha MAP iha parseiru dezenvolvimentu sira iha liña kordenasaun  neduni MAP tenki hatene parseiru sira ne’e hala’o atividade saída no implementa iha ne’ebe,  atu labele dupla atividade ne’ebé maka hanesan iha munispiu ida. Tenik Ministru MAP

Iha fatin hanesan, Presidenti Konsellu  Jestaun Basias Hidrográfika Ainaro hanesan mós Administradór  Munispiu, Albertino de Araujo, hakslok tebes tanba munispiu Ainaro mós sai hanesan area alvu ida hodi implemnta programa sapip no agradese mós mota ida naran Be lulik tanba suku ne’eb’e maka partense ba mota ne’e  ohin grupu  benfisiariu sira balun simu ona fundus ki’ik no balun foin atu asina akordu antes simu fundus refere.

Nia mós realsa, Mehi ida ne’ebe mak ita hakarak maka bele susesu maíbe programa ne’e mak la susesu ne’e katak koseillu basias hidrografika  mak la susesu ne’ebe tantu ami hanesan matan dalan de’it maíbe save susesu iha grupu sira nia liman, fundus ne’e ki’ik maibé kundo iha seriadade no jestaun diak  ho hanoin grupu nia futuru antaun  ba oin fundus ne’e sei sai boot iha ita-boot sira nia grupu. 

Agradese mósn ba banku mundial ne’ebé mak apoiu orsamentu ne’e ba komunidade  liu hosi projeitu HAPAS  tanba iha munisipiu ne’e iha suku 12 maka sai alvu ba projeitu ne’e.

Xefe grupu klibur domin Agustinha Maia De Jesus, senti kontenti tanba ami-nia ohin loron bele hsimu fundus ki’ik bazeia ba proposta ne’eb’e maka ami hatama, iha  grupu ne’e  mai iha  membru 28,  feto 8 no mane 20.

Durante ne’e ami hein kleur maibe ohin loron ami hetan duni nia reziltadu neduni ami sei servisu hamutuk iha grupu laran atu bele hatudu ba  kamunidade katak maske fundu ne’e ki’ik maibe ami sei hatudu nia rezultadu iha loron ikus. Liu hosi atividade ne’ebé maka ami hala’o ne’e aban bairua ami hetan osan ami sei selu labarik sira nia eskola inklui hadia ami nia moris. (E”S)

 

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login