Viqueque- Ministériu Agrikultura e Peskas (MAP) liu hosi Diresaun Jerál Agrikultura no Hortikultura Hala’o kolleta hare iha demo área ho hektares haatnulu (40) ne’ebe maka utiliza adubus oraganiku POC Nassa, POP Super nassa no Hormonik, husi adubu sira ne’e hatudu razultadu kolleta hare ne’ebe di’ak tebes kompara ho la uza adubu refere. Serimonia koilleta ne’e hala’o iha loron segunda-feira(17/8)
Seremonia kolleta hare ne’e marka prezensa ofisiál husi Ministru Agrikultura no peskas (MAP) Pedro dos Reis, Diretora jerál MAP, Maria Odete do Céu Guterres, Administradór Munisipiu Viqueque, Diretór MAP Munisipiu Viqueque nomós autoridade lokál sira.
Tuir Ministru MAP, Pedro dos Reis katak, seremonia kolleta hare iha fatin ida ne’e, espesial ba demo-área hektares ha’at nulu (40) ne’ebe uza adubu organiku POC Nassa, tanba rezultadu hatudu di’ak tebes. No Ministru ne’e espera ba oin MAP bele tau atensaun liu iha irigasaun hodi bele fornese bee ba natar kuaze 1100/ hektares, agora dadauk natar sira ne’e seidauk uza ho masimu tanba bee la to’o.
“Kona ba atu hadia irigasaun Bebui ne’e tinan 2021 mai ami tenki hadia , atu nune’e fatin ne’ebe mak la halo produsan ne’e tenki halo produsaun hotu, maibe husu ba inan aman agrikultor tenki koopera hamutuk iha kanal irigasaun sira ne’ebe mak di’ak, ita tenki halo manuál hodi bele ajuda malu, tenki hamos tutuir atu labele estraga kanal sira, ami mos sei iha hela preparasaun hanesan agora dadauk ami mos lao hela hodi foti dadus identifika hodi trasa ba planu tinan 2021 nian.”tenik Ministro MAP.
Iha fatin hanesan, xefe suku Afloekai Constantinho Guterres hato’o nia obrigada wain ba Ministru MAP ho nia ekipa tomak ne’ebe maka marka ona prezensa iha seremonia kolleta hare ne’e, nia sente kontenti tanba iha seremonia koleta hare ne’e hatudu rezultadu di’ak.
Nia mós husu MAP atu bele hadia kanal irigasaun Bebui tanba mota boot tenki halo normalizasaun nune’e bele salva komunidade sira nia natar iha tempu udan, iha sexto 6 Guvernu hadia ona metade 800 metru maibe xefe suku ne’e atu iha tinan 2021 hadia irigasaun Bebui ne’e. Tanba komunidade sira fiar katak natar 1100 hektar ne’e sei uza hotu ba kuada haree bainhira irigasaun lao di’ak no sei uza adubu POC Nassa hodi muda sistema konvensional ba Pratica Agrikultura di’ak (PAD).
Entretantu xefe grupu Agrikultor Afloikai Jeremias da Cruz Xavier haktuir, tinan uluk hanesan agrikultor sira kuda ho sistema tradisional nia rezultadu la hanesan, maibe tinan ne’e MAP mai koilleta hatudu ona rezultadu produsaun di’ak hafoin sira uza adubus POC Nassa. Apoiu ne’ebe sira hetan maka hanesan: kapa, tudik, botas, bomba, insada, aimoruk no adubu POC Nassa. (E”J).
