MAP Lansa Kuda Hare ba Epoka Daruak hektares 60

Estrela inativaEstrela inativaEstrela inativaEstrela inativaEstrela inativa
 

Fotografia/Elsio Jong/INFO-MAP 

Manatuto- Atu hasa’e seguransa ai-han iha rai laran Ministério Agríkultura e Peskas (MAP) liu hosi Diresaun Nasionál Agríkultura e Hortikultura Estensaun lansa kuda hare hektares 60 ba epoka daruak maibé idenfikasaun area ne’e iha 200 iha irigasaun Laleia.

Tuir Diretora Jerál Agrikultura e Hortikultura, Odete Maria do Céu Guterres esplika katak, lansamentu kuda hare ne’e fundus orsamentu hosi Covid-19 tanba altura ne’eba iha proposta orsamentu Covid-19 ne’e potensia liu ba iha natar. Tanba ne’e aproveita kedas ona halo kultivasaun ba epoka daruak nian. Seremonia Lansamentu kuda hare ne’e hala’o iha Loron Tersa -feira (11/08) iha Irigasaun Sagat Laleia.

“Ha’u hanoin irigasaun Sagat iha laleia Munisipiu Manatuto ne’e tinan ha’at ona mak ema abandona, maibé ita halo esforsu bo’ot, liu hosi orsamentu Covid-19 ne’e mak ita iha kooperasaun diak entre autoridade lokál hosi Administradór Munisipiu Manatuto, Administradór postu, Diretór Munisipiu manatuto, no Diretór regionál sira. Ami mós halo identifikasaun ba area potensia sira ne’ebé mak ita bele dezenvolve atu nune’e ita haluan ou habarak tan ita nia natar, hanesan dadaun iha ne’e iha 200 hektares.” Tenik DJ Odete

Fotografia/Elsio Jong/INFO-MAP

Nia akresenta, orsamentu Covid-19 ne’e laos ita aloka de’it ba natar, maibé ba iha mós to’os hanesan iha Natarbora nomos aktividade agrikolas ne’ebé dezenvolve mós iha Laleia ne’e hektar ida (1), ita propoin atu kuda de’it Dragaun ka buah naga entaun ho hirak ne’e hotu bele hasa’e ita nia kapasidade no produsaun agrikultura iha futuru mai. Bele mós hasa’e ita- nia produsaun liu hosi reativu fali natarhirak ne’ebé mak abandona kleur tiha ona, atu nune’e bele hasa’e ita nia produsaun fos.

Iha fatin hanesan, Administradór Munisipiu Manatuto, Fernando Sousa hateten katak, Ohin ne’e ita lansa kultivasaun ba epoka daruak, hanesan ita hatene katak aktividade ne’e apoiu fundu hosi Covid-19 nian, liu husi Ministériu Agríkultura e Pescas (MAP) ba Postu Administrativu Laleia, tuir planu sei halo implementasaun ba kuda hare 200 hektares.

“Husi parte Administrasaun suporta mak ne’e Agríkultura hodi normaliza tiha kanál rigasaun ne’e, tanba hanesan ohin ita hatene katak tinan kuaze tinan tolu ona problema kanál be labele mai. Ami mós hasoru malu ona ho Diretór no ami halo esforsu hotu koordena mós ho kompañia Montana, balun ne’ebé hadia hela estrada iha ne’e, hodi bele normaliza fali kanál refere hodi be bele tama fali ba natar hirak ne’e .”hateten Fernando

Entretantu Paulo do Rosario da Costa nu’udar abitante husu ba MAP atu apoiu trator fila rai atu fasilita e fasilita ami halo natar. No tau matan nafatin ba irigasaun Sagat ne’ebé mak abandona hela durante tinan ha’at nia laran tanba inpaktu husi udan boot. (E“J)

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login