Bobonaro  – komite Jestaun Basias Hidrografiku Loes-Bobonaro hala’o enkontru trimestral  hodi koalia kona-ba  oinsa mak atu hare servisu konseillu Hapas  nian  iha baze  inklui  entrega motorizada 7  ho marka KLX no Honda  ba extensionista  iha munisipiu Bobonaro ne’ebé mak durante ne’e apoiu atividade  Hapas iha baze, apoiu motorizada ne’e bele fasilita  sira atu  hala’o servisu diak liu tan iha futuru.enkontru ne’e hala’o  iha loron kuarta-feira(29/7) salaun  Admintasaun Munsipiu Bobonaro.

Sekretariu KSBHLB nuda’ar mós diretór MAP Bobonaro,  Aderito Dos Santos iha nia esplikasaun katak, enkontru ne’e  atu  hare oinsa mak servisu koseillu nian iha  baze tanba servisu projeitu ne’e lao tarde tiha ona, dadaun  ne’e grupu benifisiariu iha Munispiu Bobonaro hamutuk 89, kuaze proposta 40 mak submete ona ba iha sekretariadu hapas  munispiu maibé proposta hirak ne’ebé mak submete mai ne’e liu tiha  bareira programa fundus ki’ik  nian neduni sekretariuadu sei halo konfirmasaun no halo alterasaun ba proposta hirak ne’e iha tempu badak depois mak entrega ba presidenti konseillu atu hetan aprovasaun atu nune’e   grupu sira bele hala’o sira nia atividade.

Iha parte sekretariadu  prosesu halo verifikasaun ba proposta sira ne’e maibé proposta sira ne’e sei lori fila fali ba iha suku idak-idak atu bele hadia hamutuk ho xefe suku sira tanba ita hare hosi intermus finanseiru no tekniku balun sei halai ses hosi objetivu projeitu hapas nian  neduni ita sei hadia atu nune’e labele prezudika implementasaun atividade iha baze.

Presidenti Komite Jestaun  Basias Hidrografika Bobonaro, atual Presidenti Autoridade Munisipiu refere, Zeverino  Soares Dos Santos, agradese  ba projeitu Hapas  bele apoiu motorizada  ba extesionita sira neduni husu ba sira atu utiliza motor ne’e halo didiak tanba motor hira ne’e bele fasilita servisu iha baze lao diak tan.

Nia hatutan, Servisu komite iha baze lao tarde liu neduni ita tenki atensaun segundu  programa ne’e mak lao tarde ita maka sei lakon buat barak, husu ba membru komite sira tenki hare prosesu grupu  benifisariu ne’ebé  hatama tiha ona proposta ne’e presija atu haree fila -fali tanba grupu balun seidauk komprende konaba apoiu fundus ki’ik ne’e,   tanba grupu balun  hatama proposta ne’e ho montante osan ne’ebé  makas boot, neduni atu halo proposta tenki kalkula tuir ita -nia nesisidade, ekipa tekniku sira tenki hare ida ne’e hodi halo reajustamentu hamutuk ho grupu sira atu bele aselera prosesu  hirak ne’e, neduni grupu sira bele hetan apoiu fundus ki’ik ne’e hodi implementa atividade iha area hortikultura, pekuaria, peskas inklui floresta.

Iha fatin hanesan, Sekretariu Jerál MAP hanesan mós Diretór ba Projeitu Sapip ne’e  salienta katak, ha’u fó konfiansa tebes ba presidenti komitee, sekretariu tekniku sira atu aselera prosesu propsota hosi grupu benifisiariu sira tanba munispiu bobonaro lao tarde tiha ona kompara ho basias hidrafiku Raumoco ho Tono Oecusse. Proposta ne’ebé maka grupu sira hatama ne’e liu tiha tarjeitu fundus k’ik nian ne’e katak grupu sira la komprende objetivu programa ida ne’e.

Nian akresenta liu tan, Projeitu Sapip lahanesan ho projeitu sira seluk ne’ebé ajensia sira seluk mai implementa iha ne’e katak projeitu remata osan mós hotu maibé projeitu hapas ne’e  jere tuir Sistema guvernu, neduni projeitu ne’e mak laiha rezultadu ita sei lahetan tan tanba antes atu hetan projeitu ne’e MAP liu hosi governu Timor - leste Negosia dala hat mak Banku mundial foin bele apoiu orsamentu mai   ba grupu sira ne’e liu hosi projeitu Sapip neduni kunadu  ita la uja oportinudade ne’e didiak entaun ita sei labele atinji buat ne’ebé mak ita hakarak, neduni objetivu prisinpal ba projeitu ne’e maka  grupu benifisariu sira tenki produs lori ba merkadu hodi sustenta familia no moris diak  iha futuru.

Nia mós  husu ba  extensionista sira ne’ebé mak hetan apoiu motorizada  ne’e uja halo didiak tanba orsamentu ba sosa motorizada sira ne’e laiha maibé Sekretariudu hapas  nasionál buka solusaun hodi jere orsamentu  hodi  uja ba sosa motorizada ne’e atu bele fasilita extensionista iha suku alvu ne’ebé mak durante ne’e apoiu servisu projeitu hapas  nian  laos extensionista  hotu.

Leopoldina Mutuloe nuda’ar extesionista iha suku Balibo Vila senti kontenti  bele  hetan fasilidade motor hosi projeitu hapas  tanba bele fasilita  servisu iha suku lao diak liu tan, durante ne’e nia hala’o servisu  laiha transporte maibé nia ho kbi’it hodi apoiu grupu benifisariu sira iha suku alvu refere prosesu servisu sempre lao tarde maibé dadaun ne’e laiha ona tanba hetan  apoiu motor bele ajuda tebes nia hodi  hala’o nia servisu iha baze. (E'S)