Dili- Planu Orsamentu Estadu Jerál Estadu 2020 Ministériu Agríkultura e Peskas nian ho total $. 15 milloens laiha mudansa hanesan nafatin ba planu ne’ebé mak uluk, durante ne’e MAP uja de’it Dotasaens Orsamental Temporaria (DOT) neduni iha orsamentu jerál estadu 2020 sei selu fali kuaze $.10 milloens ba DOT nian.
Sekretariu Jerál MAP, César josé da Cruz iha nia Intervista hateten katak, Enkontru ohin ne’e halo diskusaun konaba OJE 2020 MAP nian, maibé OJE laiha mudansa hanesan nafatin ida uluk ne’ebé mak sumba tiha ona neduni banhira OJE ne’e guvernu aprova MAP mós sei koa ka selu fila fali orsamentu DOT ne’ebé durante ne’e Ministériu uja tiha ona, neduni husu ba Diretór jerál no nasionál sira tenki hare didiak orsamentu ne’e atu halo balansau ida neduni diresaun nasionál no gabinete ministru, vice ministru inklui gabinete sekretario estadu bele uja hotu orsamentu ida ne’e. enkontru ne’e hala’o iha loron segunda-feira (20/7/20) iha salaun enkontru MAP Komoro.
Nia mós hatutan, orsamentu OJE 2020 ne’e haree liu ba Salariu vensimentu, kategoria bens servisu, kapital menor, kapital dezenvolvimentu, no sira ne’ebé mak propoin fora hosi planu map nian ida ne’e sei halo ketak, e espera katak orsamentu 2020 ne’e bele aprova iha iha tinan ida ne’e. OJE MAP 2020 la inklui ba selu funsionariu Públiku ne’ebé liu iha promosaun maibé orsamentu refere Dirieta Hosi Komisaun Funsaun Públika .
Enkontru ne’e partisipa hosi diretór Jerál, Agrikultura e Hortikultura, Floresta, Pekuaria e Veterenaria no diresaun Jerál Peskas, Diretór Nasional sira, xefe departamentu inklui Xefe Gabinete sira. (E’S)
