Ermera- Atu hasa’e seguransa ai-han iha rai laran Ministériu AgrÍkultura no Peskas liu husi Diresaun Nasionál Agíikultura Hortikultura e Extensaun lansa kuda fehuk ropa haketares 5 iha Postu Administrativu Letefoho, Suku Dukurai, no suku Eraulu fonte orsamentu ne’e mai hosi fundu Covid-19, lansamentu ne’e hala’o iha loron Tersa –feira (7/7/20).
Vice ministru MAP, Abilio Xavier de Araujo Lebo iha nia intervista hateten katak, ekipa tomak hosi MAP to’o mai iha ita- nia komunidade sira nia le’et iha postu administrativu Letefoho suku Dukurai no Eraulo aldeia taurema ne’e hodi lansa kuda kuda fehuk ropa ne'e hanesan menus ida atu bele ajuda povu agrikultor bele hadia ekonomia familia iha futuru no ha’u haree buat ida ne’e presija tebes ita tenke aselera duni.
Povu barak maka vida agrikultura dala- ruma ita- nia povu halerik maibé buat balun mós ita tenke haree hanesan fasilidade no oinsa mak atu halo komunikasaun entre membru governu ho povu hosi loron ida ba loron seluk dok ba bebeik maibé agradese iha loron ne’e reprezenta Ministru ho ekipa lubuk ida mai iha fatin ida ne’e atu rona no haree direita saída mak inan- aman sira hasoru e saída maka povu ne’e presija no hakarak hodi haree dezenvolvimentu vida ekónomiku ba moris diak iha futuru.
Nia hatutan katak, ha’u hanesan veteranu iha dever morál ida luta libertasaun ba povu ne’ebé iha hanoin sei hahorik ho povu tun mai iha agrikultura para atu haree roda ekónomia povu nian no haree sustentabilidade moris diak iha futuru.
Nune’e mós oinsa maka bele haree ekonomia Munisipiu Ermera ninian ne’e oinsa tanba ita haree kafé nia folin durante ne’e folin tun hanesan fehuk ropa no produtu sira seluk oinsa neduni vice ministru nia planu atu hasa’e diak liu tan folin produtu lokál ba iha rendimentu ekónomia iha komunidade Munisípiu Ermera.
Planu prioridade ba iha seitór Agrikultura iha Munisipiu Ermera ita hotu hatene Ermera maioria kuiñesidu iha timor- leste ho kafé alende kafé ita mós tenke haree area agrikultura sira sel-seluk hanesan hortikultura, pescas, pekuaria no seluk, hodi bele kruza ita nia importasaun sira ne’ebé durante ne’e ita haree iha tinan 18 haree katak governu sempre hasa’e inportasaun mai iha rai laran tanba ne’e maka ho estrutura foun ida ne’e liu-liu reprezenta veteranu ida ne’ebé hola parte iha Ministériu tenke esforsu atu hasa’e ekónomia rai laran produsan produtu lokál.
Iha fatin hanesan, Estensionista Suku Eraulu, Agostinho de Deus, teknikamente lansa no kuda fehuk ropa ne’e orsamentu mai hosi fundu covid-19 nian totál fehuk ropa ne’ebé distribui mai iha munisipiu ermera hamutuk tonelas sanulu no aloka mai iha postu Administrativu tonelada Lima atus ualu mak aloka mai postu letefoho la’os de’it ba iha aldeia taurema de’it maibé programa ne’e establese mós iha suku Katrai leten, suku Lauana katrai kraik, suku Dukurai no Eraulu.
Entretanto Mario de Deus nuda’ar xefe grupu iha suku Eraulu senti kontenti tanba fini fehuk ropa ne’ebé mak sira kuda ne’e hetan apoiu fini hosi MAP atu ne’e ami bele hasa’e produsaun fehuk ropa iha iha ami nia suku no liu hosi kuda fehuk ropa ne’e ami bele hasa’e rendimentu hodi sustenta familia uma laran, maske folin fehuk ropa ladun ás hanesan produtu sira seluk maibé mai hakarak hato’o ba nai ulun sira katak bele hasa’e presu fehuk ropa iha merkadu neduni ba oin ami bele produs barak liu tan iha futuru ho kualidade ne’ebé mak diak no kompañia sira bele mai sosa direita iha ami -nia fatin.
Iha seremónia lansamentu kuda fehuk ropa ne’e grupo Hortikultura hamutuk lima maka asina akordu ho Ministériu agrikultura no peskas (MAP) hodi hetan fundus covid-19 atu bele hetan fini fehuk ropa
Iha programa kuda fehuk ropa ne'e hetan partisipasaun maximu hosi mak hanesan, Diretor Jerál Agrikultura e Hortikultura ho nia ekipa, presidenti Autoridade lokál Munispiu Ermera, administrador posto letefoho, Komandate Eskundra postu Letefoho no komunidade iha suku duku rai ho eraulu.(Reno)