FUNSIONARIU MAP SIMU VISE MINISTRU NO SEKRETARIU ESTADU PESKAS

Estrela inativaEstrela inativaEstrela inativaEstrela inativaEstrela inativa
 

 Fotografia/Elsio Jong/INFO-MAP

 

Dili-  Kinta-feira  loron  (25/6/20) Funsionariu MAP simu Vise Ministru  no Sekretariu  Estadu Peskas  MAP  nian  atu haforsa Servisu Ministeriu nian ba oin. Iha resintu MAP Komoro.

Ministru Agrikultura e Peskas , Pedro dos Reis esplika katak, dadaun ne’e  Ministeriu simu  vise ministru no sekretariu estadu peskas   ne’e ba oin bele kria ona servisu ne’ebé integradu iha futuru neduni husu  ba  funsionariu ministeriu nian  ba oin  ita tenki servisu hamutuk.

Nia mós salienta, funsionariu sira iha ministeriu ne’e barak mak iha esperiensia neduni ita bele kopera hamutuk hodi halo servisu, dadaun ne’e  nain rua mai hamutuk tan it a bele junta  ideia   atu halo servisu tanba durante ne’e ami visita ona kampu hodi haree situasaun atual iha kampu katak atividade balun presija haree no balun presija aumenta ho  membru governu foun ne’e ita bele lori ministeriu ba oin.   

Fotografia/Elsio Jong/INFO-MAP

Nia mós hatutan , durante ne’e  Ministru sesante  uja de’it orsamentu dot neduni labele halo buat barak tanba ministeriu ne’e   hanesan miniteriu tekniku neduni vise ministru, sekretariu estadu peskas  hamutuk ho diretór jerál, nasionál sira tenki trasa  planu oinsa mak ita bele tun direita ba  base hodi haree servisu iha kampu  tanba  atividade iha kampu ne’e importante liu.

Iha fatin hanesan, Sekretariu Estadu Peskas, Elidio de Araujo agradese ba ministru, sekretariu jerál hamutuk ho nia estrutura tomak katak mai ita hamutuk nuda’ar timór oan mai hosi partido ne’ebé maka diferente maibé mai ita hamutuk  hodi hala’o servisu  ho responsabilidade ba ita nia povu no nasaun ida ne’e.

Timor-leste nuda’ar rai ne’ebé mak riku   tanba rekursu naturais balun barak maka sei tomak no ita seidauk esplora  hodi sustenta povu no nasaun ida ne’e ,  rekursu iha tasi laran hanesan ikan  ne’e  iha potensia ekonomia ne’ebé boot  maibe ita seidauk tau atensaun diak ba ida ne’e neduni governu  dawalu ne’e iha nia politíka hodi hamosu sekretariu estdau peskas hodi  halo kolaborasaun entre ministeriu sira hodi ezerse idak-idak nian funsaun hadi hamoris potensialidade tasi okos nian ne’ebe durante ne’e  ema estranjeiru sira mai naok iha tasi timor hodi fa’an fila fali mai ita ho presu ne’ebé mak ás. (E’J)

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login