Dili- Ministériu Agríkultura e Peskas liu hosi Diresaun Jerál Peskas Asina dokumentus rua ida mak matadalan observasaun ba Cetacean no ida mak nota Intendimentu ho Conservation International Timor-Leste (CI) ida ne’e hanesan mata dalan oinsa atu halo liña koordenasaun servisu diak liu tan iha futuru, asina nota intendimentu ne’e hanesan kontinuasaun de’it ne’ebé mak tinan kotuk liuba MAP asina tiha ona atu bele halo konservasaun ba area protejida ne’ebé mak estabelese tiha ona. Serimonia asina nota intendimentu ne’e hala’o iha loron Segunda(8/6/20)iha salaun MAP Komoro.
Ministru Agríkultura Pedro dos Reis esplika, liu hosi asina nota intendimentu ne’e hanesan matadalan ida ne’ebé mak importante neduni espera katak ba oin MAP bele tau osan hodi suporta atividade peskas tanba tasi Timór ne’e luan entaun ita presija ekipamentus atu proteje rikusoin iha tasi laran tanba durante ne’e ita rona katak peskas illegal barak tebes no ita labele halo buat ida maibé ba oin MAP sei esforsu atu bele iha fasilidade sufisiente hodi hala’o servisu diak liu tan.
Iha fatin hanesan Diretór Jerál Peskas, Acaçio Guterres hatutan, Asina nota Intendiemntu ne’e kada tinan rua tenki halo renovasaun ho Conservation International Timor-Leste ne’e importante tenki servisu hamutuk iha area peskas nomos iha area floresta nian tanba ema barak mak luku tasi entau sira tenki tuir regra ou regulamentu ne’ebé mak ita halo atu nune’e labele estraga rikusoin iha tasi laran inklui halo animal hanesan baleia sira iha tasi laran labele fuik tanba komesa hosi fulan setembru to novembru animal hirak ne’e liu hosi tasi timor ba iha tasi antartika hodi buka hahan no halo produsaun iha ne’eba e fila mai iha tasi tropika iha parte tasi mane neduni tinan 2 ita tenki extende tan akordu ne’e ho CI.
Durante ne’e Ministériu servisu hamutuk ho komponenete naval no polísia marítima oinsa atu kontrola atividade iha area tasi tanba ita haree katak iha parte sul ne’e peskas illegal tama barak no ita observa de’it Ro hirak liu hosi satelit Ro nian katak atividade ro illegal tama no tuir informasaun ne’ebé mak ita hetan iha parte tasi arafura Timor katak iha tempu kalan lampu lakan iha tasi laran hanesan sidade bo’ot ida maibí ita hein katak ba oin guvernu bele tau atensaun oinsa mak bele asegura no kontrola ro illegal sira ne’e.
Tuir diretór jerál katak iha tinan 2020 ita seidauk elobara didiak maibé iha tinan 2018 liu ba hosi satelit ro nian ita simu informasaun ro illegal hamutuk 7 unidades mak halo peskas illegal iha parte sul segundu ita kompara ba osan ita lakon 1.1 milloens mak lakon no iha tinan 2019 ita mós detekta ro illegal 63 unidades iha ne’eba entaun ita lakon osan 100 milloens iha ita nia tasi timor.
Manuel Mendes nu’udar Country Director Conservation International Timor-Leste mós relata katak, ba oin Timor-Leste bele konserva diak liu tan riku soin iha tasi laran atu nune’e ita bele regula diak liutan oinsa mak timor hetan redinmentu hosi seitór tasi nian ita la depende ba mina rai maibé ita mós bele uja riku soin tasi nian atu hetan rendiemntu ba nasaun.
Nia mós hatutan katak, orsamentu jerál estadu dala barak prioridade ba ministériu liu-liu ba konservasaun parte terestre marriña ne’e menus tebes tanba ne’e mak Konsrevsaun Internasionál hanesan ONG Internasionál hare katak oportunidade barak atu apoiu area peskas, dadaun ne’e CI hahu ona dezenvolve area marriña protezida iha halo ona parke nasionál 7 , area protezida 12 iha atauro no aumenta 4 tan area batugade tuir mai iha atabae neduni ita hamtuk ho komunidade sira atu ne’e bele proteje diak liu tan ita-nian riku soin liu-liu hanesan ahu ruin, ikan no seluk tan. (E’J)
