MAP Kolleta Hare Nakroma Iha Vemasse

Estrela inativaEstrela inativaEstrela inativaEstrela inativaEstrela inativa
 

Fotografia/Elsio Jong/INFO-MAP

Baucau- Ministériu Agríkultura e Peskas (MAP) liu husi Diresaun Nasionál Agríkultura Hortikultura Estensaun  kolleta hare  iha demo area total natar ha’at-nulu (40) hektares  ne’ebé mak utiliza adubus organíku POC Nassa, POP Super Nassa no Harmonik iha area irrigasaun Bluto Vemasse.

Tuir Juaquim José Gusmão Dos Reis Martins hanesan Ministru Sesante MAP hateten katak Aktividade  ne’e ikus ba nia hanesan Ministru ne’ebé mak nia  planiadu tiha ona antes ne’e, mai iha area irrigasaun bluto ida ne’e. Atividade refere hala’o iha loron Sesta (29/05) iha irigasaun Bluto Vemasse.

Nia hateten,  ita hetan intervensaun husi programa JICA Japaun nian, ne’ebé mak  iha programa  ne’e atu hasa’e  produsaun fos rai nian e ita mós normaliza fali kuda nian iha epoka daruak tanba irrigasaun  ne’e bele fornese be’e atu bele kuda ba iha epoka daruak nian.

Ohin ita mai kolleta ne’e iha demo area nian ita halo demostrasaun ida ne’e, uza adubu organiku (POC Nassa, POP Super Nassa no Harmonik) maka bele halo bokur rai, no aplikasaun ba hare bele hetan isin ne’ebé maka diak.

Nia hatutan, Ita nia produsaun ne’e ita uza ba  hare Nakroma, rai ne’ebé mak ita loke tan ba area kultivasaun  nian  ita bele hetan to’o iha 5  ou 6 toneladas  por hektar, ao mesmu  tempu ita uza tan adubus organiku ne’ebé  ita introdus dadauk iha ne’e. Ho nia susesu ita bele hetan to 7 toneladas por hektar e susesu ida ne’e ita bele multipilika tan ba iha area sel-seluk tan tanba ne’e husi 300 hektares ita uza de’it ba iha 40 hektares hanesan demostrasaun de’it, depois susesu ita sei aumenta tan ba iha area sira selu-seluk.

Fotografia/Elsio Jong/INFO-MAP

Iha fatin hanesan Reprezentante Prezidente  Autoridade Munisipiu Baucau, Maria Angelina hateten katak, sira agradese ba Ministru Agríkultura e Peskas ou Sesante Ministru MAP tanba bele fó ona nia tempu hodi hakat mai hamutuk ho komunidade liu-liu Povu Agrikultura Vemasse nian hodi kolleta hare no ao mesmu tempu halo mós lansamentu fila rai ba epoka daruak nian.

Tinan kotuk liu ba  tuir kontazen hosi agrikultura ne’e tekniku mak hatene ha’u atu foti de’it katak iha tinan liu ba iha 5,7 toneladas  ohin aumenta tan ba iha 6,62 toneladas, ida ne’e hatudu katak iha duni mudansa, tanba ne’e husu ba inan Aman sira hotu iha ne’e atu aproveita didiak ita nia irrigasaun ne’ebé ita nia doadores sira apoiu ona mai ita liu husi Ministériu Agríkultura e Peskas nian ida ne’e. Atu ita labele dependensia de’it fos ba Nasaun sira seluk maibé ita mos bele garantia ona ho ita nia fos rasik. Tenik Maria Agelina

Iha Munisipiu Baucau ida ne’e iha irigasaun boot 2, maka hanesan   bluto no larisula, tanba ne’e hamutuk nafatin ho agrikultura Munisipiu Baucau no regionál oinsa bele haree ita- nia planu ba futuru. Dala barak ami mós iha planu hakarak tau osan maibé osan aloka mai ami ne’e oitoan de’it maibé ha’u fiar katak neneik e bebeik ita sei alkansa dunik  objektivu ne’ebe iha hakarak uza rasik buat ne’ebé natural  iha rai laran.

Entretantu xefe  Grupu Bluto,  Delfin de Jesus hateten katak hanesan xefe  grupu iha nia parte nia sente kontenti tebes ho Programa MAP no JICA nian ida ne’e tanba bele hanorin ona sira oinsa maka bele utiliza adubus POC Nassa organiku ida ne’e  tanba nia rezultadu  hatudu diak tebes.

Nia informa, sira iha ona makina  kompletu hanesan koa hare no fila rai. No sira mós iha sira nia operadór nain rua maka halo hela operasaun ba makina refere. Maibé kuando operadór ne’e maka uza ona makina koa hare nian, entaun fila rai nian sira seidauk bele utiliza tanba menus de operador, neduni  sira kontinua husu ba MAP no JICA atu bele fó apoiu tan operadór ruma ba sira.

Alende ne’e iha serimonia kolleta hare  ho total hektare 40 iha irrigasaun bluto Vemasse  Ministru Agrikultura  mós lansa fila rai epoka daruak nian tanba irrigasaun bluto bele oferese bé ba natar hirak atu bele kuda dala rua iha tinan ida. E’J

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login