Ministériu Agrikultura e Peskas liu hosi programa SAPIP enterga motorizada Marka KLX ho Mio hamutuk 55 ba Extensionista no Sekretaridu Sapip iha area alvu atu bele apoiu Programa SAPIP ne’ebé partense ba area Basias Hidrografiku iha Munisipiu mak hanesan, Ainaro, Covalima, Lautem, Ermera, Likisa, Bobonaro inklui RAOEA Oekusi, serominia entrega motorizadas ne’e hala’o iha loron segunda (4/5/20) iha resinto MAP Komoro.
Maske iha sitausaun estadu emerjensia tanba surtu Covid 19 maibé servisu agrikultura iha nasional no munisipiu lao diak nafatin.
Ministru Agríkultura no Peskas, Joaquim Jose Gusmão dos Reis Martins iha nia deskurusu hateten katak, ohin Ministériu fahe motorizadas 48 ba suku 44 iha area alvu no 7 ba sekretariadu Sapip iha munisipiu hitu atu bele apoiu servisu programa Sapip iha baze tanba extensionista sira involve maka’as iha programa refere neduni ita hakarak programa ne’e bele susesu iha futuru, sekarik ita la fó apoiu sei difikulta atu programa ne’e bele susesu.
Total extensionista iha atus haat resin ne’ebé iha Minispiu hotu ita seidauk bele fo apoiu motorizadas ne’e ba sira hotu maibé ita sei haree mós posibilidade sei fo hotu ba sira, neduni ministru husu ba sira labele lakon espiritu servisu maibé ita sei halo esforsu nafatin atu apoiu extensionista sira seluk.
“ Mesmu ke númeru motorizadas ne’e ki’ik maibé Ha’u kontenti tebes tanba iha programa Sapip ne’e extensionista feto nain 5 mak involve no sira mós bele simu apoiu ida ne’e, total suku iha Timór laran tomak iha 452 sukus e ita seidauk kobre extensionista iha suku sira ne’e hotu idelmente ne’e suku ida extensionista ida maibe MAP seidauk kobre suku sira ne’e hotu. Maibé ho apoiu hirak ne’e ita bele atinji produktividade agrikula iha rai laran”. Tenik Joaquim
Motorizadas ne’ebé mak Extensionista sira uluk hetan ona bele dada fila -fali atu bele apoiu pesoal tekniku sira seluk depois mak entrega fali foun ne’e ba sira atu bele fasilita servisu iha programa Sapip nian iha baze.
Nia mós hatutan, agrikultura mak sai hanesan garantór iha nasaun ida ne’e tanba agrikultór sei prepara seguransa alimentar iha rai laran.
Iha fatin hanesan, Sekretariu Jerál MAP nu’udar mós Diretór Programa SAPIP katak, iha sorumutu ba dahuluk iha programme Steering Comitte maske iha planu maibé laiha orsamentu espesifiku atu sosa motorizadas ba extensionista iha suku alvu 44 sukus ne’ebé sai alvu ba projeitu sapip neduni ha’u nu’udar diretór projeitu esforsu maka’as ba proposta ministru konaba sosa motorizadas ba extensionista sira tanba iha dezeñu projeitu nian laiha orsamentu ou fundus ba ida ne’e, maibé ho esforsu tomak ita ekipa SAPIP konsege asegura orsamentu balun hodi halao akizasaun hodi bele sosa motorizadas atu bele apoiu ba extensionista sira iha suku alvu refere.
Total orsamentu ba sosa motorizadas ne’e hamutuk, $. 118,700 mil hodi bele halo akizasaun ba motorizadas 48 motorizadas ba suku alvu, alende motorizadas ba exetesionista sira, ministru mós konsege entrega motorizadas 7 ba sekretariu Sapip iha Munisipiu.
Adjunto Admintradór Munisipiu Ainaro, Aqueda Judit Mendonça, mós hato’o parabens ba extensionista sira ne’ebé mak hetan apoiu motorizadas 15 ba sukus alvu 12 inklui ba sekretariadu sapip iha munuspiu ne rasik.
Apoiu hirak ne’e hanesan pasu ida ne’ebé importante tebes ba iha suku alvu sira tanba ema ne’ebé mak servisu maka’as iha programa sapip mak extensionista sira neduni ho apoiu sira ne’e bele ajuda sira hodi hala’o servisu lao diak liu iha munispiu bele atinji programa sapip refere. Munisipiu Ainaro hetan motorizadas hamutuk 15 ba extesnionista iha suku 12 , suku hirak ne’e iha postu admistrativu Ainaro, Hatu-builiko no Muabesi.
Nia mos hatutan, Ba iha orsamentu manutensaun ba motorizadas sira ne’e ami sei halo diskusaun hamutuk diretór MAP munisipiu atu bele halo planu hodi bele tau orsamentu ba manutensaun ne’e rasik.
Partisipa iha serimonia entrega motorizadas hirak ne’e hetan partipasaun hosi Ministru Agrikultura no Peskas, Presidenti autoridade no Administrador Munispiu, Diretór Jerál, Nasionál inklui Inspektór jerál MAP.(E'J)
