Laútem- programa Hasa’e Produtividade Agríkultura Sustenvel HAPAS/SAPIP ne’ebé  finasia hosi  World  Bank  durante ne’e fó apoiu fundus ki’ik ba grupu agrikultura  liu hosi Ministériu Agríkultura  e Peskas  iha area  Basias Hidrográfiku ho objetivu atu hadia ekonomía  agrikultór  iha   nivel suku.

 Reprejentante World Bank, koordenadór finansia Agrikultura ba Nasaun  Indonezia no Timor-leste Jan Josst Nijhoff  hamutuk, Sekretariu Jerál MAP ho ekipa SAPIP inklui Diretór Jerál, Pekuaria, Peskas, Agrikultura e Hortikultura nomos diretór jerál Floresta  Segunda-feira (10/2/20)  ne’e vizita atividade iha area Peskas, Pekuaria, floresta no Hortikultura  iha suku kotamutu aldeia etanisi  postu adimintrativu Luro.

 Tuir Diretór Projeitu SAPIP César José da Cruz hateten katak, iha nia parte nia hakarak fo obrigadu barak  ba Administradór Munisípiu Lautem ho nia autoridade lokál  nomos  PNTL Munisipiu Lautem ne’ebé mak  envolve ona iha servisu ida ne’e husi inisiu to agora liu-liu ba iha programa HAPAS ida ne’e.

“Hanesan Diretór  ba projeitu  SAPIP hau hakarak apresia/eloziu no fo parabens ba ita nia Administradór nu’udar Prezidente ba iha konsllo Basia Hidrografiku Lautem ninian, ne’ebé  ho servisu maka’as  tebes hodi agora ita tama ona ba iha primeira faze. Ita hein katak ho atividades tuir mai ho segundu faze nian ita sei hasai tan osan ho 30% no tuir mai sei hasai tan 60%, no ha’u fiar katak ita-nia Grupu Agrikultór sira hotu sei susesu iha sira nia atividades ne’ebé mak iha.”tenik César

Nia akresenta, objetivu hosi programa ida- ne’e mak  atu bele hetan rendimentu ba uma kain e sustentavel ba iha futuru. La bele hanesan uluk projeitu ne’e hotu atividades mos hotu, maibé programa ida ne’e ita hotu hakarak sustentavel ba iha ita- nia uma laran nomos ba ita nia rai.

Osan ne’e atu tama la’os atu sai fali kuandu bainhira ita nia grupu sira ne’e lakoi servisu hamutuk maka buat sira ne’e sei sai naben de’it.fiar katak ho atividades ne’ebé maka imi iha sei bele buka osan diak ba ita nia oan sira nia futuru liu-liu ba rai ida ne’e.

Nune’e mós Reprejentante World Bank koodenadór Finansia Agikultura ba nasaun  Indonézia no Timor- Leste,  Jan Josst Nijhoff, hateten katak nia haree  ona infraestrutura ba Agrikultura haree mós demontrasaun ne’ebé maka diak tebe-tebes nia mós hakarak fó parabens ba MAP tanba bele alkansa objetivu sira ne’e.  ne’e presiza halo asaun barak liu tan atu bele kontinua hetan nafatin susesu.

Iha fatin hanesan Prezidente Basia Hidrografika Raumoco ou hanesan mos Admnistradór Munisipiu,  Laútem Zeferino Dos Santos, aprezenta katak Finansia Agikultura koordinadór ba Indonésia no Timor-  Leste World Bank  Jan Josst Nijhoff  mai dala rua ona, tinan kotuk mai,  ita ba haree  fatin mamuk ita sei hasoru de’it membru Grupu sira, ohin loron ita ba haree  atividade ne’ebe mak  ita nia grupu Benefisiariu sira halo, sígnifika katak ninia progresu ne’e iha tia ona, oinsa mak ita-nia progresu ida ne’e bele lao diak liu tan ita hotu tenki iha komprimisiu ida katak ita tenki servisu hamutuk atu ita bele aproveita ida ne’e.

Nia akresenta, ohin ita haree ralatoriu karik faze primeiru barak maka finaliza ona fundus ki’ik ne’ebé  sira hetan atu atividade ne’e lao ba oin tenki tama ba iha segundu faze, ba segundu faze nian oras ne’e dadauk ita nia membru grupu sira sei enfrenta hela ho relatoriu, tanba ne’e tenki konsultasi ho estensionista xefe Suku, nomos administradór Posto sira atu nune’e iha tempu badak bele finaliza ona sira-nia relatoriu segundu faze nian, atu nune’e bele kompleta sira nia atividade ba fundus kik nian.

Ami mós hakarak agradese ba Banku Mundial, primeiraves ita estabelese programa ida ne’e iha tinan 2017 to’o  mai agora 2020 introdusaun husi inisiu katak programa ida ne’e ninia durasaun ba tinan lima (5) agora dadauk tinan tolu (3) ona falta tinan rua (2) sígnifika katak tinan tolu (3) nia laran ne’e ita iha preparasaun de’it konaba konsolidasaun ba komunidade sira, kria grupu, fo treinamentu ba grupu sira no ohin ita tama ona ba faze implementasaun.

Entretantu xefe grupu Asuwain Adão da Conceição iha suku kotamutu postu administrativu Luro  esplika katak, Ami haksolok tebes ho programa ida ne’e liu-liu ami hakarak hato’o obrigado  barak tebes ba SAPIP tanba bele ona fó  apoiu mai ami atu ami bele hasa’e  ekonomía iha ami nia familia nomos bele suporta ami nia- oan sira nia eskola  ba iha futuru.

Atividade  ne’ebé  sira halo iha sira nia grupu mak hanesan,  floresta no hortikultura, husi Agro Floresta dinamíku iha savi lima (5) maka ami iha, primeiru keta sunu rai, keta husik rai ne’e molik hela, keta kuda ai horis oioin, kuda aihoris ne’ebé  maka bele tahan  rai. Objetivu husi kuda ai horis hirak ne’e atu bele salva erosaun ne’ebé  maka sempre mosu iha ami hela fatin.

Nia informa,  Ai horis sira ne’ebe sira kuda maka hanesan: fore keli, fore mungu, lehe, ailia, du’ut morin, ainanas, kulu, sabraka, avocate, hudi no mos ai mahoni. orsamentu ne’ebé maka suporta husi SAPIP nian hamutuk rihun ida atus hitu walunulu (1.780 dollar Americano) Osan hirak ne’e maka sira uza hodi halo lutu halo tanki sosa mangera fiu no mos Saiño dada be’e.  membru Grupu Aswain  hamutuk ema nain 15 feto 8  no mane 7. (Tyfa)