Ermera - SAPIP hala’o atividade komponente tolu mak iha nivel Munisipiu, ida maka planeamentu integradu iha Basia Hidrografika rua maka Kapasitasaun no fo advejoria ba iha grupu Agrikultór sira tolu maka fo tulun ba iha Agrikultura sira liu husi Fundus ki’ik.
Iha komponente ida ne’ebé maka SAPIP halo iha Munisispiu Ermera maka estabelese komite iha nivél Munisipiu ida ne’e lidera husi Prezidente Autoridade nomos Membru sira ne’ebé mai husi Administradór Postu Administrativu ba Postu Alvu Basia Hidrografiku Loes ninian. Esplika Offisial Projeitu SAPIP Munisipiu Ermera, Inez Salsinha Trindade, bainhira remata seremonia inseramentu Census Agrikultura iha loron Sexta (31/01) iha Salauin Paroquia Gleno Munisipiu Ermera.
Nia hatutan, Iha mós Suku Alvu ne’en (6) hanesan Suku Ailelo, Asulau, Samara, Lemia kraik ne’e partense ba iha Postu Administrativu Hatulia, nomos Batumanu Laubonu ne pertense ba iha Post.Admin. Atsabe. Xefi Suku nomos Administradór sira hanesan membru, nomos Diresaun Diretór Sektorais sira iha nivel Munisipiu sai hanesan mós membru.
Husi komite ne’e, maka ita lori ba iha forma konsellu ba iha Basia Hidrografika Loes nian, ida ne’e ita estabelese ona, lidera husi Prezidente Autoridade Munisispiu Bobanoro hanesan Prezidente, Vise Prezidente Maka Prezidente Autoridade Munisispiu Ermera no Vise segundu mak Administradór Munisipiu Likisa.
Iha konsellu ne’e rasik mós iha nia planu dezenvolvimentu Agríkultura bazeia ba Basia Hidrografika, ida ne’e estabelese ona, planu ida ne’e maka sai hanesan inan hodi lori ba iha Suku sira atu nune’e bele prepapara planu suku nian.
Iha Munisipiu Ermera iha Suku Alvu ne’en, ne’e liu husi apoiu husi parseiru sira hanesan Hivos, Reabia no Halarae sira estabelese ona planu ne’en (6) iha Suku ne’en ne’ebé maka refere. Depoisde planu ne’e hotu hafoin kompleta ona ba iha komponente ida (1) komponente rua (2) konaba kapasitasaun no fo formasaun ba grupu Agrikultores ho kapasitasaun ida ne’e ita estabelese ona Grupu 33 iha Suku Alvu ne’en ne’ebé maka iha no Aldeia 22. Grupu ne’ebe estabelese ona ita fo formasaun ba sira konaba oinsa atu asesu ba fundus ki’ik ida ne’e maka komponente tolu (3) nian.
Depois maka ita fo formasaun oinsa atu prepara proposta, bazeia ba planu Suku nian ne’e, sira identifika rekursu ne’ebe iha sira- nia aldeia potensia, sira bele tau iha sira nia proposta hodi hala’o sira nia atividades. Depoisde ida ne’e sira submete sira nia proposta mai iha Diresaun Servisu Agrikultura Munisipal, liu husi estensionista suku, hafoin Submete ba iha Sekretariadu liu -liu iha Unidade Implementasaun Projeitu pois ita hare ona katak prosesu hirak ne’e tuir ona SAPIP nia formatu ita koloka proposta sira bazeia ba sekterais.
Ezemplu kada grupu ida iha proposta tolu iha area sira hanesan Floresta, Agrikultura, Hortikultura no pekuaria, maibé depende ba sira -nia potensia iha sira- nia Suku rasik, oras ne’e dadauk iha ami nia sekretariadu iha ona proposta 14 husi Aldeia ne’ebé tama ba Alvu ne’e.
Husi proposta 14 ne’e ita hare kada sektorais ita koloka ba iha Diresaun tekniku sira ita mós estabelese ekipa avaliadór lidera Prezidente no Diretór Munisipais.
Depois de hetan orden husi Diretór servisu Munsipais ba ekipa avaliadór ne’e, ita mós fó koiñesimentu ba iha Prezidente Autoridade hanesan Prezidente komite nomos Administradór Postu Xefe Suku sira katak ekipa ida ne’e maka sei avalia proposta ne’ebé mai husi Suku sira.
Hafoin ekipa avaliadór ne’e proposta submete ona ba iha terenu hodi identifika katak proposta ne’ebé sira submete sira iha duni fatin ga lae fatin ne’ebé sira propoem ne’e apropriadu ho osan ne’ebé sira tau iha proposta ga lae, no hare mós ho atividades ne’ebé sira propoem ne’e merese duni ga lae.
Diretór MAP Munisipiu Ermera, José de Deus banhira hala’o intrevista ho ekipa Unidade Inforasaun MAP Nasionál esplika katak, Ami iha Munisipiu hamutuk ho Ofisial SAPIP ami servisu maxsimal tebes durante tinan hira nia laran ami apoiu malu komesa husi Sosializasaun forma grupu no prepara ba fundus ki’ik ami kopera hodi tun ba iha baze no bainhira grupu benefisiariu sira submete sira nia proposta mai ami mós hare, sira nia proposta refere bele duni implemeta iha sira nia area refere ga lae. Se bele ita aprova se la bele ami sei la aprova Ita tenki hare ba potensia.
bainhira ami simu tiha sira- nia propsta ami mós sei tun direita ba iha sira nia area hodi hare diretamente ba iha fatin potensial hirak ne’e, ita tenki haree ba iha prioridade ne’ebé mak iha Suku, haree bele duni entaun ami foin aprova sira nia proposta hodi Submete ba iha Autoridade Munisipiu hodi bele aprova hodi envia ba iha Nasionál.
Oras ne’e dadauk ami foin verifika suku ida hotu parese ke semana oin ami bele verifika hotu ona hodi bele submete sira nia proposta tuir metode ne’ebé mak iha ona hafoin ami envia ba iha Nasionál. (Tyfa)
